Hibrù 11:37 - Mokpwe: Bakwery (New Testament)

³⁷ Lòŋgò hwà mà àŋgbàhwà màŋyàyi rzi hwa ŋwa. Lòŋgò hwà mà kɛɛhwɛ hwèrzùŋgu hwehwakɛ. Hwà mà gbeyàna e rzɔ̀lɔ̀ o lì oŋwa lòŋgo. Hwàŋga hwatò hwà mà wɔ̀tɔ̀ ndi meyowo me mbolì rzìi hwa a lìŋgòwàna e èki ya arzɛ. Hwanu hwatò hwà mà hwɛ ndi mèlìrza me hwatò, ema me ma akeyà o lìtake, na lì luwa hvɛ ndùtù o màà mà hwàkɔ̀yèlì.

Hibrù 11:37 ပူးပေါင်းရင်းမြစ်များ

Matiyò 21:35

Hwàŋga hwàgbèèlì hwa eŋge hvaya rzi hwa hvùma hwaŋga hwakutu. Hwa anana mɔ̀kɔ, hwa òŋwa òhvɛhvɛ, e mɔ̀ ema à mà ùkirzɛ̀ hwàyàwò à mà aŋgbahwa màŋyàyi natɛ̀ɛ a ŋwa.

Matiyò 3:4

Liwɔ̀ti là ama Yòwanìrzɛ̀ lì mà gbèya hwàna ndi nà màjùmbù mà nyàmà ema è hwɛ̀lɛ̀hwɛ̀ Kàmɛ̀lì. È ŋgòlì yà eni hvɛ ema gbèya hwàna nà mèyòwò mè è nyàmà yà waŋga. Mòlèlì mò eni mò mà hwɛ ndi mègbambèmbè nà wòò.

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Lukàrzɛ̀ 13:34

Jììyeyi! Ìi hwatò hwa Jèrurzalɛ̀mù, è òŋwi hwà-òhwèlì hwa hwèlìŋgɛ̀, ndeŋgàna è mà òŋwa hvɛ hwaŋga hwatò ema Lohwɛ̀ a è òmelì na mànyayi! Nà ma kèka lì è rzàŋgà ihvònda ja arzɛ, nàa e ŋmalì wà wuhwà a gbìyàmànà ìŋguma ja eni ndì e rza emèlì!

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.

2 Kɔ̀rintìyà 12:10

O èŋgànɛ̀lɛ̀ rzɔ, o nyòla ya ama Krirztò, na oka mɔ̀nyɛ̀ŋgì tɔ̀ e hwɛ ndi nanù ema na rza imbami, tɔ̀ e hvonda ema hwatò hwa no hwɛnyɛ, tɔ̀ e hvonda ema hweyà hwe no ambani, tɔ̀ e hvonda ema hwatò hwa no tàkirzɛ, na tɔ̀ o e hvonda hvɛ ema na hwèlì o ndùtù. Nà ohwa ndi ene eyà nanù èhwanja, tɔ̀ ima hvonda ema na rza ohvɛ ŋginyà, Krirztò a no ŋgba e ŋginyà.

Hibrù 11:25

Mɔ̀ Morzè à mà emeyà o lì taka na hwatò hwa Irzàyɛ̀lì, lì aka o lì oka mɔ̀nyɛ̀ŋgì o tenì ya wòhwe o ŋmanà hvoka hvonda.

Hibrù 13:3

È ɔ̀ŋgɛlɛ hwaŋga ema hwa hwèlì o hwèwòwà nàa wà ɛ̀nɛ oma e hwèlì aŋga na wɔ̀. È ɔ̀ŋgɛ̀lɛ̀ hvɛ hwaŋga ema hwa taka o rze ya hwahvɛhvɛ hwatò, inyɛ e hwɛ nàa inyɔ hvɛ e taka ndi na wɔ̀.

Hwèwulùwèlì 11:3

Nà ŋgba imboŋgi jà ami jà ahwàkɛ è wònjà o lì ohwa hweyà ema hwe ò gbèyɛ̀nɛ ò tenì yà ikolì jɔ̀kɔ hwègbe hwehwakɛ nà mèni mòtòhwa mè mèènyà. Ndeŋgànɛ̀lɛ̀ hwa ò wɔ̀tɔ̀ mààtù mà màyɛ̀hwɛ̀.”