Hibrù 11:32 - Mokpwe: Bakwery (New Testament)

³² Nà ohwa hvɛ lì uka one e? Nà rza hwɛnì hvonda o lì e ohweyà hweyà lì hvomɛ̀nɛ̀ hwatò nàa, Gìdìyɔ̀nì, Balàkì, Rzàmrzìnì, Jɛ̀hvìtà, Dàhwitì, Rzamùwɛlì na hwà-òhwèlì hwa hwèlìŋgɛ̀ hwa arzɛ.

Hibrù 11:32 ပူးပေါင်းရင်းမြစ်များ

Matiyò 5:12

È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Lukàrzɛ̀ 13:28

Inyɔ è ò eyaa. È ò kɔ̀kɔ̀ hvɛ marzòŋgà ma anyu lìrzàkò ema yò ɛnɛ Abràhamù, Irzàkì nà Jèkɔ̀bu, nà hwanɛ̀yi hwà-òhwèlì hwa arzɛ hwa hwèlìŋgɛ̀ ò Lìkànèyà là ama Lohwɛ̀. Hwanù hwatò hwa arzɛ è ò hwa ɛnɛ ò tenì yà ndawò ndi inyɔ è ò tɛ̀mɛ ndi ò èwòka.

Lukàrzɛ̀ 16:31

Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”

Yòwanìrzɛ̀ 21:25

O ma hwɛ hvɛ hwehvɛhvɛ hweyà hwe rzayi-rzayi ema Yerzù à mà gbeye. È ma òhwahwa tɛ ema hwene hweyà hwe arzɛ hwe tìlahwì yɔ̀kɔ na enɛyi, na ɔ̀ŋgɛ̀lɛ̀ nanù ema ò rza hwɛ ehvòlò ò e rze ya arzɛ ò lì uta ini kààti.

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 13:20

Hwenè hweyà hwe arzɛ hwe ma wòwana eyà ya hwègbe hwenii na menìmeta me meya. “O mburza nanù, Lohwɛ̀ rzìi a hwa ŋgbà hwàkàyìrzèlì natɛ̀ɛ na e hvònda ya ama e mòòhwèlì wà èlìŋgɛ̀ Rzamùwɛlì.

Hwègbèèlì 3:24

Hwanɛyi hwà-òhwèlì hwa hwèlìŋgɛ hvɛ lì wòteyà Rzamùwɛlì na hwaŋga hvɛ ema hwà mà jà ò mburza ya eni wɔ̀ hwa arzɛ hwà mà òhva ŋmɛ̀ndì, ndèŋgànɛ̀lɛ̀ hwà mà òhwa hweyà ema hwe ò gbèyɛ̀nɛ ò mene mèenyà.

Ròmànì 3:5

Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 4:1

Mamɛ rzɔ i tànɛyi lì òhwa lì hvòmɛ̀nɛ̀ e mbamba ya arzu Abràhamù e? Mamɛ e ma gbèyɛ̀nɛ ò e hvònda ya eni e?

Ròmànì 6:1

Mamɛ i tànɛyi lì òhwa nàŋgɛ e? I hwɛni ndi lì eleyà ò wòhwe aŋga nanù e ndèli ya ama Lohwɛ̀ e ahwatɛ e?

Ròmànì 7:7

Mamɛ rzɔ irzɔ i hwɛni ò lì òhwa nàŋgɛ e? Nànù òma jò òhwe ndi nanù ema è mbenda è hwèlì wòhwe e? Jàyɛ̀, i rza tànɛ ò lì òhwa nanù. È rzi hwɛ tɛ è mbenda, ò mà nà rza hwi mamɛ ema wòhwe wò hwèlì. È mbenda è rza òhwe tɛ nanù ema, mòtò à rzi hwɛnɛ nyɔ̀ŋgi nà yòma ya mòtò, òma nà rzi hwiye nanù ema ò lì hwɛnɛ nyɔ̀ŋgi yà lì òkeyà yòma yà mòtò, è hwèlì ndi eyà yà wòhwe.

Jèmìrzì 5:10

Ìi wònyànyàŋgo wa ami kòkò, e wowe hwe embànelì hwe hwà-òhwèlì hwa hwèlìŋgɛ̀. Hwà mà hwɛ lì ohwa ŋmɛ̀ndì o lìna la ama e Rzàŋgo, hwà mà hwɛ lì taka, ndèŋgànɛ̀lɛ̀ hwà mà àjùlɛ̀nɛ̀ meŋge mètàkà.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.