Hibrù 11:25 - Mokpwe: Bakwery (New Testament)

²⁵ Mɔ̀ Morzè à mà emeyà o lì taka na hwatò hwa Irzàyɛ̀lì, lì aka o lì oka mɔ̀nyɛ̀ŋgì o tenì ya wòhwe o ŋmanà hvoka hvonda.

Hibrù 11:25 ပူးပေါင်းရင်းမြစ်များ

Matiyò 13:21

Ndi Èya ya Lohwà e rza hwa rzɔ̀ŋgɔ ò mèèmà me awu, ndèŋgànà e rza kùwà mbɔ ò mèèmà me awu. O èŋgànɛ̀lɛ̀ rzɔ mòtàkà tɔ̀ mòhvùŋgu mò hwa jɛlɛlɛ tɛ lì hvòmɛ̀nɛ̀ mòŋgò ŋmɛ̀ndì mò ama Lohwɛ̀, wɔ̀ hwa rzɔnjɛ̀lɛ̀ ŋgelì hvɔ̀kɔ.

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Hwègbèèlì 7:34

Nà mà ɛnɛ nɛ hwatò hwa ami hwa tàkìrzɛ̀hwɛ ò èkòmè ya Ìjiptò. Nà hwèya na òma hwa ɔnyɔ ɔ̀ndeŋgàtɛ̀ na jelì ò lì hwa òŋgòwàna. O naŋgɛ jà nà ò òma ò èkòmè ya Ìjiptò.’

Ròmànì 5:3

Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 11:37

Lòŋgò hwà mà àŋgbàhwà màŋyàyi rzi hwa ŋwa. Lòŋgò hwà mà kɛɛhwɛ hwèrzùŋgu hwehwakɛ. Hwà mà gbeyàna e rzɔ̀lɔ̀ o lì oŋwa lòŋgo. Hwàŋga hwatò hwà mà wɔ̀tɔ̀ ndi meyowo me mbolì rzìi hwa a lìŋgòwàna e èki ya arzɛ. Hwanu hwatò hwà mà hwɛ ndi mèlìrza me hwatò, ema me ma akeyà o lìtake, na lì luwa hvɛ ndùtù o màà mà hwàkɔ̀yèlì.

Hibrù 4:9

Ò eŋgànɛ̀lɛ̀ rzɔ, ekì yà lì arzìyolɛ ema è hwèlì ndi nàa lì arzìyolɛ ema Lohwɛ̀ à mà arzìyolɛ ò mbùrzà ema mɔ̀ à mà wèke è rze yà mɔ̀nyɛ̀, è ambɛ̀lɛ̀ hwaŋga hwatò nanù mɛnɛ.

Jèmìrzì 1:20

Hwetato hwe mòtò hwe mo gbeyà a rza gbeyà hweyà ema Lohwɛ̀ a arza nanù ema a gbeye.

Jèmìrzì 5:5

Lòŋgɛ la anyu la anu rze ya mɔ̀nyɛ̀ e hwèlì ndi o lì okà lòŋgɛ na o lì gbeyà tɔ̀ mamɛ ema inyɔ e lìŋgàni. Inyɔ e àwòlòhwìrzɛ̀ ndi inyɔ hwiti, tɔ̀ nɛ inyɔ e hwi nanù ema wùnyà ema Lohwɛ̀ a kɔ̀kìrzɛ̀ hwàkɔ̀ɔ̀èlì hwa eni wo ma kombɛ̀nɛ̀.

1 Pètrò 2:10

O hvonda hvɔ̀kɔ, inyɔ e rzi hwɛ tɔ̀ hwatò hwa ama Lohwɛ̀, ndi o naŋgɛ e ma timba ndi hwatò hwa eni. O hvonda hvɔ̀kɔ ììlì ja ama Lohwɛ̀ i rzi e uke, ndi o naŋgɛ inyɔ e ma luwa ììlì ja eni.

Hwèwulùwèlì 18:7

È mo ŋgbe rzayi-rzayi ja mètàkà na ndùtù ŋgelì ihwakɛ nàa èluhwe na lìwɔ̀wìrzɛ̀ la nyo ema à mà aŋgbɛ mɔ̀ ŋmìti. Mɔ̀ a ohwa o tenì ya ŋmèma mo eni nanù ema, ‘Nà lìyayi ndi nàa gbàta, na rza enje mòkurze mo molanà, ndèŋgànɛ̀lɛ̀ na rza o ɛhwɛ hvɛ tɔ̀ wùnyà.’