Hibrù 10:39 - Mokpwe: Bakwery (New Testament)

³⁹ Ndi irzɔ ì rza enje ndi nàa hwaŋga ema hwa timbeya ò mburzà rzi hwa wɔ̀lɛ̀nɛ̀. Ndi ì hwèlì ndi hwaŋga ema hwa lòkɛ̀yì Lohwɛ̀ rzi hwa oŋgìrzɛ̀hwɛ.

Hibrù 10:39 ပူးပေါင်းရင်းမြစ်များ

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Lukàrzɛ̀ 11:26

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ.”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

1 Tɛ̀rzàlonìyà 5:9

Lohwɛ̀ à mà tɛ̀yirzɛ nanù ema a jo rzùŋgà o lì akeyà na Rzàŋgo wa arzu Yerzù Krirztò. A rzi jo tɛ̀yirzɛ nanù ema hwètàtò wa eni hwe o jo rzihweyà.

2 Tɛ̀rzàlonìyà 2:3

È rzi keka lì emeyà nanù ema tɔ̀ mòtò a e lukɛlɛ na tɔ̀ ima hveyo. Èhwànja o Wùùnyà ema Rzàŋgo à ò jɛ̀ɛ̀, mɔ̀ à rza o jà natɛ̀ɛ e hvonda ema o ò hwɛ̀ɛ mbunàkɛ ndɛnɛ o rze ya mɔ̀nyɛ̀, ndèŋgànɛlɛ e mòtò ema a hwèlì e mòtò wà wòhwe a o ɛneya. Lohwɛ̀ mɔ̀ à mà màa lì tɛ̀yirzɛ nanù ema oŋgo mòtò a o ɛndɛ o ɛhvɔ̀ndi ya mùnya.

1 Tìmotì 6:9

Ndi hwatò ema hwa arza lì tuwa hwèwàŋgì hwa unda o tenì ya màkèkìrzɛ̀nɛ̀ ndèŋgàna hwa hwɛ ndi nàa hwatò ema hwa undi o ŋgùndèli. Wɔ̀ hwa arza ndi lì gbeyà hweyà rzayi-rzayi ema hwe rza lɔ̀wu na hweyà rzayi-rzayi ema hwe rza hwa lɔɔnɛ. Hwene hweyà hwe hwa gbeyà hwa taka rzayi-rzayi.

Hibrù 10:26

È hwèlì tɛ nanù ema i lìmelì ndi o lì gbeyà hweyà hwe wòhwe, ema irzɔ i ma màa lì hwiya e jɔ̀kɛ̀, tɔ̀ làhweyà tɔ̀ lɔ̀kɔ hvɛ lì rza tànɛyi lì ulɛ wòŋgo wòhwe.

Hibrù 10:38

Ndi hwatò hwa ami ema hwa hwèlì ehve-ehve, hwa hwɛnì lì hwɛ lòŋgɛ èhwanja hwa lòkɛ è mbɔrzi yà ami. Ndi tɔ̀ njɛnɛ ema à ò tìmbeyà ò mburza, nà rza ò òka mɔ̀nyɛ̀ŋgì nà mɔ̀.”

Hibrù 11:1

Lilòkɛ̀ lì hwèlì ndi o lì ika ŋmèma mo aŋgɔ̀ nanù ema o hwɛni lì lùwa mamɛ ema o arza ndèŋgàna o e luwa. O hwi na e jɔ̀kɛ̀ nanù ema hwèèmà ema o rza ɛni hwe hwèlì aŋga.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

2 Pètrò 3:7

Èŋge mbɔrzi mɛnɛ ema Lohwɛ̀ à mà gbeyàne o lì wèka e ŋmanyu yà lohwà na e rze, ɔndi mɔ̀ à gbeyànì o lì kombɛ e ŋmanyu yà lohwà na e rze aŋga nanù a hwe rzɛlɛnɛ mùnya. A hwèlì a ambɛlɛlɛ e ŋmanyu yà lohwà na e rze na hwèkàyìrzèlèlì. Woŋgo wùnyà ɔndi mɔ̀ à o hvàŋgɛ hwatò ema hwa rza ohvi ɛ̀ɛ̀mɛ̀ ya hwatò hwa Lohwɛ̀.

1 Yòwanìrzɛ̀ 5:16

Tɔ̀ ima mòtò ema a ɛni ŋmanyàŋgò wa eni a undi o wòhwe ema wo rza mo lìyɛlɛ o kpelì, mɔ̀ à mo kànɛ̀lɛlɛ aŋga nanù Lohwɛ̀ a mo ŋgba lòŋgɛ. Hwàto ema na ohwa nanù ema inyɔ e kànɛlɛlɛ, hwa hwèlì ndi hwatò ema wòhwe wo awu wo rza oŋwa èlìŋgɛ̀ ya awu. O hwèlì wòhwe ema wo òŋwa èlìŋgɛ̀. È hwèlì tɛ nanù ema mòtò a undi tɛ o tenì ya woŋgo wòhwe, na rza ohwa nanù ema e kànɛlɛlɛ oŋgo mòtò.

1 Yòwanìrzɛ̀ 5:5

Ò rza enje tɔ̀ mòtò ema à mà rzuwànɛ̀ è rze lì aka tɛ è mòtò ema à lòkɛ̀ nanù ema Yerzù ndì à hwèlì è Ŋmanà wà ama Lohwɛ̀.

Hwèwulùwèlì 17:11

È nyàmà yà wòhwe ema è mà hwɛ rzìi è rza enje naŋgɛ, yɔ̀ ndi è ùkirzɛ̀ è kìŋgɛ wàmbi. À hwèlì ndi mɔ̀kɔ hwa ikìŋgɛ lìrzàmba ndèŋgànɛlɛ a ɛndɛ o èki ema à hwɛni lì ŋwèeyà.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.