Hibrù 10:35 - Mokpwe: Bakwery (New Testament)

³⁵ O èŋgànɛ̀lɛ̀ e kakè mèèmà me anyu nanù mɛnɛ èhwanja eŋge ndi e gbeyà ema Lohwɛ̀ a e ŋgbà etàŋgì ya ŋginyà.

Hibrù 10:35 ပူးပေါင်းရင်းမြစ်များ

Matiyò 10:32

Tɔ̀ njɛnɛ ema a nò tɛ̀mèlì mbòŋgi ò màrzò ma hwatò hwa hwènàmà, imba hvɛ na mò tɛ̀meyà mbòŋgi ò wòrzò wa ama Tatɛ̀ wa ami ema a hwèlì ò ŋmanyu yà lohwà.

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Matiyò 5:12

È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Lukàrzɛ̀ 14:14

O gbèyi tɛ nanù, aŋga ndi Lohwɛ̀ a ò nàmìrzɛ̀, èhwanja hwaŋga hwatò hwa rzà tanɛ ò lì ò lɛ̀ɛ̀. È hvònda hwatò hwa gbamù hwa ò hvùmùwɛ, Lohwɛ̀ a ò rzaweyà.”

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Ɛ̀hvìrzìyà 3:12

Èhwanja i lòkɛ̀yì Krirztò nà lì hwɛ mɔ̀kɔ nà mɔ̀, eŋge ndi è jò lìhvòwèlì è njiya ò lì ɛndɛ lì kombɛ̀nɛ̀ Lohwɛ̀ nà lìhvìta là arzɛ è rzì hwɛ irzɔ lì oka tɔ̀ wɔ̀ŋgɔ̀.

Hibrù 10:19

Ò eŋgànɛ̀lɛ̀ ìi wònyamòwè, jo òhvi e wònja o lì kpèeyà o eŋge Èki ema e Rzàŋgi lì Akà na Lìmɛ̀nì la Wòrzàŋgì.

Hibrù 11:26

Mɔ̀ à mà lùtèyà ema o lì luwa ìrzɔnì o nyòla è Mɔ̀ ema à Ɔ̀kirzɛ̀hwɛ̀yi a hwèlì mòrzàhwelì ema mo akayi mònàmɛ̀ mo arzɛ ema mo hwèlì o tenì ya èkomè ya Ìjiptò. A ma gbeyà ndi nanù èhwanja à mà hwɛ lì ambɛlɛlɛ mòrzawèlì ema Lohwɛ̀ a mo ŋgba o e hvonda ema e o jɛ̀ɛ̀.

Hibrù 2:2

Hweyà ema Lohwɛ̀ à mà ohweyà i aŋgèlì nanù ema hwa ohweyà imbamba ja arzu hwe ma hwɛnɛ màyìmbi. Hwàto hwa arzɛ ema hwa rzi oŋgamɛ hweŋge hweyà, ndèŋgànɛ̀lɛ̀ ema hwa rzi gbeyɛ na oma hweŋge hweyà hwe ma ohwahwɛlɛ, hwa o luwa e kɔ̀kìrzɛ̀ ema hwa àŋgàmɛ̀nɛ̀yi lì luwa.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

2 Yòwanìrzɛ̀ 1:8

È hwɛ rzɔ ndi ò lì aŋgòwa, è rzi jà lì hwɛ ema è wɔ̀lɛ̀nɛ̀ mamɛ yà arzɛ ema è mà tàkeyà. Ndi è hwɛnì lì lùwa etàŋgì yà anyu yà arzɛ.