Gàletìyà 6:8 - Mokpwe: Bakwery (New Testament)

⁸ Tɔ̀ njɛnɛ ema a gbeyà hweyà hwe wòhwe o hweyàrzèlì hwe e nyàmà nyo, a hwiye nanù ema hweŋge hweyà hwe mo jàneyà e kpelì. Ndèŋgàna tɔ̀ njɛnɛ ema o gbèyi hweyà hwe gbamù na oma Èlìŋgɛ̀ ya ama Lohwɛ̀ e arza, mɔ̀ à hwiyè nanù ema hweŋge hweyà hwe mo gbeyà a lùwà lòŋgɛ la gbìndèyà.

Gàletìyà 6:8 ပူးပေါင်းရင်းမြစ်များ

Matiyò 19:29

Tɔ̀ ima mòtò hvɛ ema à mà hwɛmɛ mandawò me enì, wònyànyàŋgò tɔ̀ indòmɛ ja eni, e rzaŋgò tɔ̀ e nyàŋgò, hwàànà na erzaŋgò ya eni ya arzɛ ò nyòla ami a hwe lùwa egbe ya ŋgelì, a lùwa hvɛ lòŋgɛ la gbìndèyà.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Lukàrzɛ̀ 18:30

a ò lùwa mòrzawèlì rzayì-rzayì ò ène hvònda, à ò lùwa lòŋgɛ la gbìndèyà ò hvònda ema e ò jɛ̀ɛ̀.”

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Ròmànì 6:13

È rzi inyɛ tɔ̀ èhvàrzù yɔ̀kɔ ya anyu ya enama ya nyò e gbeyànɛhwɛ nàa ɛ̀ɛkɛ̀ ò lì gbeyàna wòhwe. Ndi e aŋgbɛ inyɔ hwìti ò ma Lohwɛ̀ nàa hwatò ema hwa hvɔ̀ɔtɔ̀wi ò kpelì rzìi hwa ŋgbàhwi lòŋgɛ lì hvènya. È ŋgbe inyò ja anyu ja arzɛ ò ma Lohwɛ̀ aŋga nanù, mɔ̀ à e gbeyàna ò lì gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

Ròmànì 8:11

È hwèlì tɛ nanù ema, Èlìŋgɛ̀ ya ama Lohwɛ̀ ema e ma hvùmùlɛ̀ Yerzù ò kpelì e hwèlì tɛ ò tenì ya anyu, nanù òma tɔ̀ e nyàmà nyò ya anyu ema e hwɛni lì ŋwa e ma màa tɛ lì ŋwa, nanù òma Lohwɛ̀ ema à mà hvùmùlɛ̀ Krirztò ò kpelì a hwɛni lì e hvùmùlɛ̀ yɔ hvɛ. A gbeyà ene na e ŋginyà ya Èlìŋgɛ̀ ema e hwèlì ò tenì ya anyu.

Ròmànì 8:13

Èhwanja e gbèyi tɛ ndi na òma e nyàmà nyò ya arza nanù òma e hwɛni lì ŋwa. Ndi e hwèlì tɛ ò ŋginyà ya Èlìŋgɛ̀ ya ama Lohwɛ̀ rzìi e òŋwa hweyà hwe wòhwe ema e gbeyà, nanù òma e luwa lòŋgɛ.

Ròmànì 8:6

Mòtò a ika tɛ ŋmèma mò eni ò hwema hwe e nyàmà nyò nanù òma a hwɛni lì ŋwa. Ndi mòtò a ika tɛ ŋmèma mò eni ò hweyà hwe Èlìŋgɛ̀ nanù òma Lohwɛ̀ a mò ŋgba lòŋgɛ la gbìndèyà na ɛ̀yɔ̀lɛ̀.

1 Kɔ̀rintìyà 15:42

Nànù mɛnɛ hvɛ ndi e o hwɛ̀ɛ na hwatò ema hwa o hvùmùhwɛ̀ɛ. È nyo ema e imayɛlɛhwɛ, e hwèlì ndi e nyo ema e hvaŋgeya, ndi e nyo ema Lohwɛ̀ a hvùmùlɛ̀ e ɔ̀ndi e rza hvaŋgeya hvɛ.

Gàletìyà 6:7

È rza alukɛlɛ inyɔ hwiti. Tɔ̀ mòtò a rzi keka lì ɔ̀ŋgɛ̀lɛ̀ nanù ema a tanɛ a lukɛlɛ Lohwɛ̀. Tɔ̀ mamɛ ema mòtò a oni, yɔ̀ ndi à hwɛni lì rzàŋgà.

1 Tìmotì 1:16

Ndi Lohwɛ̀ à mà nò òkeya ììlì ò lì arza nanù ema, Yerzù Krirztò à ò nò uŋmɛ̀lɛ̀ lì àjùùlɛ̀ là eni là arzɛ ò lì nò làkìrzɛ̀ imba ema nà ohvi wòhwe ema wò koki lì aka wòhwe wò hwànɛ̀yì hwatò. Ène eyà, è mà hwɛ ndi nanù ò lì ŋgba ɛ̀mɛ̀nɛ̀nì ò hwatò ema hwa ò mò lòkɛ̀ nà lì lùwa lòŋgɛ là gbìndèyà.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

Jèmìrzì 3:18

È hwèlì tɛ nanù ema hwàgbèèlì hwa ɛ̀yɔ̀lɛ̀ hwa gbeyà èwòlò ema e jànà ɛ̀yɔ̀lɛ̀ o ìtììtènì ja hwatò, eŋge e gbeyà hwatò hwa gbeyà hweyà ema Lohwɛ̀ a arza.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

2 Pètrò 2:19

Wɔ̀ hwa ohweyà hwatò nanù ema hwa oŋgami tɛ hwèyòkòlèlì hwe awu, hwa gbeyà tɔ̀ mamɛ ema hwa arza lì gbeyà, ema tɔ̀ wɔ̀ hwitɛ-hwitɛ wòhwe wò hwa lìŋgi nà è ŋgɔ̀kɔ̀hwi. Wòhwe wò hwa lìŋgi ehwànja tɔ̀ mamɛ ema è kànèyà mòtò, oŋgo mòtò à hwɛ ndi mòkòmì ò rze yà eŋge yòma.

Judɛ 1:21

È ɛ̀ndɛ̀nɛ̀ ndi lòŋgɛ là anyu ò worzo nyayi ema inyɔ e ayèmbɛ nanù ema Lohwɛ̀ a e lìŋgàni. È hwɛ ndi o lì ambɛ̀lɛ̀, ndeŋgànɛlɛ e àhvìtɛ̀ nanù ema e Rzàŋgo ya arzu Yerzù Krirztò e o jà, ndèŋgànɛlɛ mɔ̀ à o gbeyàna ŋmèma mo eni mo ììlì, inyɔ e o luwa lòŋgɛ la gbìndèyà. Mɔ̀ a o gbeyà ndi nanù ehwànja a e lìŋgàni.

Hwèwulùwèlì 22:11

Hwàto ema hwa gbeyà wòhwe inyɛ hwa eleyà ndi o lì gbeyà wòhwe. Inyɛ̀ hwaŋga ema hwa gbeyà hweyà hwe mbìndo inyɛ hwa eleyà ndi o lì gbeyà hweyà hwe mbìndo. Hwàŋga ema hwa gbeyà hweyà ema hwe hvomɛ̀nɛ̀, inyɛ hwa eleyà ndi o lì gbeyà hweyà ema hwe hvomɛ̀nɛ̀, ndèŋgànɛ̀lɛ̀ hwaŋga ema hwa hwèlì wòtani inyɛ hwa eleyà ndi o lì hwɛ wòtani.”