Gàletìyà 6:18 - Mokpwe: Bakwery (New Testament)

¹⁸ Ìi wònyamòwè kòkò, inyɛ è ndèli yà ama è Rzàŋgo ya arzu Yerzù Krirztò è hwɛ nà inyɔ hwa arzɛ. Inyɛ̀ wò lìya nanù!

Gàletìyà 6:18 ပူးပေါင်းရင်းမြစ်များ

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

Ròmànì 16:20

Lohwɛ̀ la ɛ̀yɔ̀lɛ̀ ŋmanà mbɔ à hwɛni lì rzììkà Mòkarzɛ̀ ò rze yà matàŋga mà anyu. Inyɛ̀ è ndèli yà ama è Rzàŋgò hwa arzu Yerzù Krirztò è hwɛ nà inyɔ hwa arzɛ.

Ròmànì 16:23

Gàyiyùrzì, e mòtò ema ò ndawò ya eni ndi na hwèlì, ema ò ndawò ya eni ɔ̀ndi ŋmèmba mò wònya Krirztò mò tàneyà, mɔ̀ hvɛ a e òmelì ikɔ̀mi. Ɛ̀ràrztùrzì, ema mɔ̀ ndi à uta malì ma e mbòwa, na ŋmanyàŋgò hwa arzu Kwàtùrzì wɔ̀ hvɛ hwa e òmelì ikɔ̀mi.

Gàletìyà 3:15

Nà arza lì wòwa ɛ̀mɛ̀nɛ̀nì yà hweyà ema hwe gbèyɛ̀nɛ wùnyà tɛ. Hwatò hwahwakɛ hwa emelì tɛ eyà rzìi hwa tɛ̀yirzɛ̀ hwa uka hwètɛ̀yìrzèlì, tɔ̀ mòtò à rza tànɛyi lì hvàŋga hweŋge hwètɛ̀yìrzèlì.

Gàletìyà 4:12

Wònyamòwè kòkò, na e arzarzɛ nanù ema, e hwɛ ndi nàa imba èhwanja o nàŋgɛ nanù imba hvɛ na hwèlì ndi nàa inyɔ. Nà rza enje hvɛ ndi o rze ya e mbenda hvɛ ndeŋgànɛ̀lɛ̀ e rzi no gbèyi eyà ya wòhwe.

Gàletìyà 4:28

O nàŋgɛ rzɔ, wònyamòwè kòkò, lì kàkɛ̀nɛ̀ ema Lohwɛ̀ à mà ŋgbe Abràhamù lì ma e gbèeyà inyɔ hvɛ e ma hwɛ ndi hwàna hwa ama Lohwɛ̀ nàa oma Irzàkì hvɛ a hwèlì ndi e ŋmanà wa ama Lohwɛ̀.

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

2 Tìmotì 4:22

Rzàŋgo à hwɛ nà ò wà. È ndèli ya ama Lohwɛ̀ e hwɛ nà ò wà.

Hvìlɛ̀mɔ̀nì 1:25

Inyɛ̀ è ndèli yà ama Rzàŋgo Yerzù Krirztò è hwɛ nà inyɔ hwa arzɛ.

Hwèwulùwèlì 22:21

Inyɛ̀ è ndèli yà ama è Rzàŋgo Yerzù è hwɛ nà hwatò hwa arzɛ.