Gàletìyà 5:25 - Mokpwe: Bakwery (New Testament)

²⁵ Nà oma Èlìŋgɛ̀ ya ama Lohwɛ̀ e ma jo ŋgbɛ lòŋgɛ lìhvènya, inyɛ i hwɛmɛ eŋge Èlìŋgɛ̀ o lì jo kànèyà o lì gbeyà tɔ̀ mamɛ ema i hwɛni lì gbeyà.

Gàletìyà 5:25 ပူးပေါင်းရင်းမြစ်များ

Gàletìyà 5:16

Mamɛ ema na ohwa e hwèlì ndi ema, inyɛ Èlìŋgɛ̀ ya ama Lohwɛ̀ e kànèyà mòŋgɛ ma anyu. Ène ye e gbeyà ema e rza gbeyà hweyà hwe wòhwe na oma e nyàmà nyo e arza.

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

2 Kɔ̀rintìyà 3:6

Mɔ̀ ŋmìti ndi à jo gbèyi ema i tànɛyi o lì ohwa moŋgo ŋmɛ̀ndì mo yòòmbò ehvènya. Rzeketɛ ŋmɛ̀ndì mo lì oŋgama imbenda ja yòòmbò ya koohwa. Hwatò ema hwa ika iŋgi mbenda hwa ŋwa, ndèŋgàna hwa rza hwɛ na Lohwà. Ŋmɛ̀ndì mo lì oŋgama yòòmbò ehvènya ema irzɔ jo òkolɛ mo hwèlì ndi ema Lohwɛ̀ à mà ŋgba hwatò èlìŋgɛ̀ yà wòtani, ndèŋgànɛlɛ mɔ̀ à mà gbeyà hvɛ nanù ema wɔ̀ hwa hwɛ na mɔ̀ natɛ̀ɛ na o gbìndèyà.

1 Pètrò 4:6

O lìni lìtiŋga ɔndèŋgàtɛ̀ Ŋmɛ̀ndì mò Gbamù mo ma ohwahwɛlɛ hvɛ o tɔ̀ hwaŋga ema hwà mà ŋwɛɛ. Aŋga nanù tɔ̀ nɛ hwà mà hwa kàyìrzɛ̀ ema hwà mà hwɛ o lòŋgɛ anu rze, wɔ̀ hwa o ŋwa na oma tɔ̀ ima mòtò a ŋwaa, ndèŋgànà wɔ̀ hwa o hwɛ lòŋgɛ na oma Lohwɛ̀ a hwèlì lòŋgɛ.

Ròmànì 8:10

Ndi e hwèlì tɛ ema Krirztò a hwèlì ò tenì ja anyu, nanù òma e hwèlì lòŋgɛ èhwanja Krirztò à mà e gbeyà nanù ema e imanɛlɛhwɛ ò wòrzò wò ama Lohwɛ̀ tɔ̀ nɛ ò nyòla wòhwe ema inyɔ e ma gbeyɛ, e nyàmà nyò ya anyu e hwɛni lì ŋwa.

1 Kɔ̀rintìyà 15:45

È tìlahwì o kààtì ya Lohwà nanù ema, “È mòtò wa worzò, Adàmu, Lohwɛ̀ à mà mo weka rzi a mo ŋgbaà lòŋgɛ.” Ndi e Adàmu ya lìrzukù e hwèlì ndi èlìŋgɛ̀ ema e ŋgba lòŋgɛ.

Hwèwulùwèlì 11:11

Ndi ò mburza yà mèŋge mèènyà mè ayɛ̀ nà ehvàrzu, mùùlù mò lòŋgɛ ema mò uwɛ̀lɛ̀lɛ̀yi ò mà Lohwɛ̀ mò mà kpèeyà hwaŋga hwà-òhwèlì hwa hwèlìŋgɛ̀ hwahwàkɛ rzìi hwa tɛ̀mɛ̀ ò ŋmanyu. Wɔ̀ɔ̀ŋgɔ wò ndɛnɛ wò mà kpèeyà hwatò ema hwa mà hwa ɛnɛ.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.