Gàletìyà 5:22 - Mokpwe: Bakwery (New Testament)

²² Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Gàletìyà 5:22 ပူးပေါင်းရင်းမြစ်များ

Matiyò 12:33

“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà.

Lukàrzɛ̀ 13:9

Wò nyayi tɛ hwèhvùma mònɛ̀yi ŋmàa, òma gbamù. Wò rzà nyayi hvɛ tɛ, wò kɛɛ̀hwɛ̀.’”

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Yòwanìrzɛ̀ 15:5

“Imba ndi na hwèlì gbèe wò hwehvùma, inyɔ ndi e hwèlì hwɛkɔkɔ. Mòtò a hwèlì tɛ na imba nanù mɛnɛ, imba hvɛ rzìi na hwɛ na mɔ̀, a ŋya hwehvùma rzayi-rzayi. È rza enje tɛ na imba, e rza tànɛyi lì gbeyà tɔ̀ eyà.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 15:14

Wònyàmòwe kòkò imba mbiti ò tɛ̀ɛ̀tɛ̀ɛ na hwi nanù ema inyɔ hwiti e òhvi mèèmà me gbamù ò lì gbeyà hweyà ema Lohwɛ̀ a arza nanù ema e gbeye, e rzɔ̀ŋgìtɛ̀nɛ̀ hweyà gbamù, ndeŋgànɛ̀lɛ̀ e tànɛyi lì àwòkòlɛ̀nɛ̀ mɔ̀kɔ na ɔ̀nɛyi.

Ròmànì 15:3

Tɔ̀ Krirztò ŋmìti a rzi hwɛ lì gbeye hweyà ò lì alìŋgìrzɛ mɔ̀ ŋmìti. Ndi à mà gbeyà ndi na òma e tìlahwì ò kààtì ya Lohwà nanù ema, “Hweyòlì hwe arzɛ ema hwà mà ò hwɛnyɛ, hwe ma nò timbeya ndi imba.”

Ròmànì 15:30

Ìi wònyamòwè kòkò, ò lìna la ama e Rzaŋgò Yerzù Krirztò, ndèŋgànà lì hvòmɛ̀nɛ̀ e ndòlo ema e uwɛ̀lɛ̀lɛ̀yi ò èlìŋgɛ̀ ya eni, imba na e atɛkɛ nanù ema i late màa ò lì nò kànɛ̀lɛlɛ na ŋginyà nanù ema Lohwɛ̀ a nò òŋgòwane.

Ròmànì 6:22

Ndi ò naŋgɛ Lohwɛ̀ à mà e ulɛ ò rze ya e ŋginyà ya wòhwe ò èŋgànɛ̀lɛ̀ e hwèlì ndi hwàkòmì hwa ama Lohwɛ̀. Mɔ̀rzɛ̀ŋgi ema e luwa mò hwèlì ndi nanù ema Lohwɛ̀ à mà e gbeyà ò lì hwɛ wòtani na òma hwatò hwa eni hwa àŋgàmɛ̀nɛ̀yi lì hwɛ. Èŋge eyà ye e gbeyà nanù ema e luwe lòŋgɛ la gbìndèyà.

Ròmànì 7:4

Wònyamòwè kòkò, nanù ndi e hwèlì na inyɔ. È mbenda e rza ò kànèyà hvɛ èhwanja na òma Yerzù à mà ŋwe inyɔ hvɛ e ma ŋwa. O nàŋgɛ nanù, e hwèlì ndi hwatò hwa òhvɛhvɛ mòtò, Yerzù ema Lohwɛ̀ a hvùmùlɛ̀yi aŋga nanù i gbèeyà Lohwɛ̀ gbamù.

Ròmànì 8:5

Hwàŋga hwatò ema hwa lìya lòŋgɛ na òma e nyàmà ya nyò ya arza, hwa ika ndi mèèmà me awu ò hwèèmà hwe e nyò ya e mòtò wa hwènàmà. Ndi hwatò ema hwa gbeyà hweyà na òma Èlìŋgɛ̀ yà ama Lohwɛ̀ e òhwa, hwa ika ndi mèèmà me awu ò Èlìŋgɛ̀ ya ama Lohwɛ̀.

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

Ɛ̀hvìrzìyà 4:23

È mà okòlɛhwɛ̀ nanù ema è hwɛmɛ Lohwɛ̀ à è tìkòwè mèèmà mè anyu aŋga nanù è lùwa mɔ̀ŋgɛ̀lɛ̀ mà hvènya.

Ɛ̀hvìrzìyà 5:9

Nà ohwa ndi nanù ehwànja hwatò ema hwa hwèlì o ŋmàye wɔ̀ hwa gbèeyà ndi hweyà hwe gbamù, hwa gbèeyà ndi hweyà ema hwe hvomɛ̀nɛ̀yi na hweyà ema hwe hwèlì jɔ̀kɛ̀.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

2 Tɛ̀rzàlonìyà 3:2

È kànɛ hvɛ nanù ema Lohwɛ̀ a jo kàrzolɛ o màà mà hwatò hwa ekɔ̀nì na hwatò hwa wòhwe ehwànja rzeketɛ tɔ̀ ima mòtò ndi à lòkɛ̀ ŋmɛ̀ndì mò gbamù mo ama Rzàŋgo Yerzù Krirztò.

1 Tìmotì 3:11

Tɔ̀ hwàalanà hwa hwànu wunyanà, wɔ̀ hvɛ hwa àŋgàmɛ̀nɛ̀yi lì hwɛnɛ ɛ̀ɛ̀mɛ̀ ya gbamù. Wɔ̀ hwa rza hwɛni lì hwɛ hwalana ema hwa inda hwatò, hwa hwɛ hvɛ lì alɛ̀mbɛnɛ, hwa hwɛ hvɛ ndi hwalana ema hwatò wa hwɛni lì lòkɛ̀ tɔ̀ mamɛ ema hwa gbeyà.

1 Tìmotì 4:12

O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 1:8

Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.