Gàletìyà 5:19 - Mokpwe: Bakwery (New Testament)

¹⁹ Mamɛ hweyàrzèlì hwe e nyàmà ya nyo e gbeyà hwe ɛneya telele. Hwene hweyàrzèlì hwe nyàmà nyo hwe hwèlì ndi mòrzònje, hwe gbèelì hwe hweyà hwe mbindo, e àkpàlà.

Gàletìyà 5:19 ပူးပေါင်းရင်းမြစ်များ

Yòwanìrzɛ̀ 3:6

È mɔ̀ ema à ŋyàahwi nà è nyàmà yà nyò yà mòtò à hwèlì ndi mòtò wà hwènàmà ndèŋgàna è mɔ̀ ema à ŋyàahwi nà Èlìŋgɛ̀ yà Lohwɛ̀ à hwèlì ndi èlìŋgɛ̀.

Ròmànì 7:18

Imba na hwi nanù ema ò rza ènje tɔ̀ eyà yɔ̀kɔ ya gbamù ò tenì ya ami. Ŋmèma mò e mòtò wa hwènàmà mòŋgò ema na hwɛni. Tɔ̀ nɛ na hwɛni ŋmèma mò lì gbeyà eyà ya gbamù ndi na rza tanɛ lì e gbeyà.

Ròmànì 7:25

Nà èki Lohwɛ̀. A nò rzùŋgi lòŋgɛ la ami lì akeyà na Ŋmanà wa eni Yerzù Krirztò e Rzàŋgò ya arzu. O èŋgànɛ̀lɛ̀ rzɔ imba mbiti na hwèlì hwèhvàrzù hwehwakɛ, ŋmèma mò ami mò nò òhweyà ò lì òŋgama e mbenda ya ama Lohwɛ̀ ndi e nyò ya ami ya mòtò wa hwènàmà e òŋgama ndi wòhwe ema wò hwèlì ò tenì ya ami.

Ròmànì 7:5

Èhwanja e hvònda ema ɛ̀ɛ̀mɛ̀ ya arzu ya e mòtò wa hwènàmà e ma hwɛ lì jò kànèyà, e mbenda e ma hwɛ lì jò kɔ̀mɛ̀lɛ̀ ò màkèkìrzɛ̀nɛ̀ ma hweyàrzèlì hwe e nyàmà nyò. Ène e ma hwɛ ò lì jò gbeyà nanù ema i gbeye hweyà hwe wòhwe ema hwe jànà e kpelì.

Ròmànì 8:13

Èhwanja e gbèyi tɛ ndi na òma e nyàmà nyò ya arza nanù òma e hwɛni lì ŋwa. Ndi e hwèlì tɛ ò ŋginyà ya Èlìŋgɛ̀ ya ama Lohwɛ̀ rzìi e òŋwa hweyà hwe wòhwe ema e gbeyà, nanù òma e luwa lòŋgɛ.

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Ròmànì 8:5

Hwàŋga hwatò ema hwa lìya lòŋgɛ na òma e nyàmà ya nyò ya arza, hwa ika ndi mèèmà me awu ò hwèèmà hwe e nyò ya e mòtò wa hwènàmà. Ndi hwatò ema hwa gbeyà hweyà na òma Èlìŋgɛ̀ yà ama Lohwɛ̀ e òhwa, hwa ika ndi mèèmà me awu ò Èlìŋgɛ̀ ya ama Lohwɛ̀.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

1 Kɔ̀rintìyà 3:3

Èhwanja e hwèlì e nɔ̀ŋgɔ ndi hweyà hwe e nyàmà yà nyo. È a ohvanɛyi inona mɔ̀kɔ na ɔ̀nɛyi. È tɔ̀wɔ hvɛ metaŋgo mɔ̀kɔ na ɔ̀nɛyi. Rzeke hwenè hweyà hwe uŋmɛ̀lɛ̀ nanù ema hwègbèèlì hwe wòhwe hwe e nyàmà ya nyo hwe hwèlì hwe e kànèyà e? Rzekè inyɔ e hwèlì e lìya ndi nàa hwatò hwa ène rze.

1 Kɔ̀rintìyà 6:18

È rzɔ̀rzè mòrzònje. Tɔ̀ ima nyayi ya wòhwe ema mòtò a gbeyà mo rzà mò hvàŋga è nyo yà eni nàa wòhwe wo mòrzònje wo gbeyà ndi è mòtò ema à gbeyà ndi mòrzònje, à gbeyà wòhwe lì teŋgɛ̀nɛ̀ e nyo yà èni.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

Gàletìyà 5:17

Èhwanja mamɛ ema e nyàmà ya nyo ya arzu yɔ ya arza, hwe hwèlì ndi o lì teŋgɛ̀nɛ̀ mamɛ Èlìŋgɛ̀ ya arza. Ndeŋgànɛ̀lɛ̀ mamɛ ema Èlìŋgɛ̀ ya arza e teŋgɛ̀nɛ mamɛ ema e nyàmà ya nyo e arza. Hwene hwe ahwakɛ hwe hwèlì ndi hwàkɔ̀yèlì, ene ŋgàna e hwèlì ndi nanù ema, e rza tànɛyi lì gbeyà mamɛ ema e hwɛni lì gbeyà.

Gàletìyà 6:8

Tɔ̀ njɛnɛ ema a gbeyà hweyà hwe wòhwe o hweyàrzèlì hwe e nyàmà nyo, a hwiye nanù ema hweŋge hweyà hwe mo jàneyà e kpelì. Ndèŋgàna tɔ̀ njɛnɛ ema o gbèyi hweyà hwe gbamù na oma Èlìŋgɛ̀ ya ama Lohwɛ̀ e arza, mɔ̀ à hwiyè nanù ema hweŋge hweyà hwe mo gbeyà a lùwà lòŋgɛ la gbìndèyà.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.