Gàletìyà 5:14 - Mokpwe: Bakwery (New Testament)

¹⁴ Inyɔ e gbeyà ndi nanù èhwanja hwa lati tɛ imbenda ja arzɛ eyà ema jo òhwa e hwèlì ndi nanù ema, “O lìŋgàne ohvɛhvɛ mòtò na oma wa alìŋgànɛ o wà witi.”

Gàletìyà 5:14 ပူးပေါင်းရင်းမြစ်များ

Matiyò 7:12

O èŋgànɛ̀lɛ̀ rzɔ, ò gbèeyà hwahvɛhvɛ hwatò nà òma ò àrza nanù ema wɔ̀ hvɛ hwa ò gbèeyà. Nanù ndi è mbenda yà ama Lohwɛ̀ nà hwà-òhwèlì hwa hwèlìŋgɛ̀ yò òkòlɛ nà è jɔ̀kɛ̀.”

Makòrzì 12:31

È yɔ ema e ùkirzɛ̀ ihwàkɛ ò wòlìtò e hwèlì ndi e yɔ ema e òhwa nanù ema, ‘Lìŋgàna ŋmànyàŋgò wa aŋgɔ̀ nà òmà ò alìŋgànɛ ò wa hwìti.’ O rzà ènje èhvɛhvɛ mbenda ema è òhvi wòlìtò lì aka ini jà ahwàkɛ.”

Makòrzì 12:33

Mòtò a hwɛnì lì mò lìŋgàna na ŋmèma mò eni mò arzɛ, na màlùtèyà ma eni ma arzɛ, na e ŋginyà ya eni ya arzɛ na lì lìŋgàna hvɛ ŋmànyàŋgò wà aŋgɔ̀ nà òmà ò alìŋgànɛ ò wa hwìti. Ènè e hwèlì wòlìtò lì aka ò lì ŋgba Lohwɛ̀ màhwèyà ema mà rzɛlɛhwɛyi nà mahvɛhvɛ màhwèyà.”

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Gàletìyà 1:6

Lohwɛ̀ à mà e hvɔ̀rzɔ̀ o lì hwɛ hwatò hwa eni o nyòla e ndèli ya ama Yerzù Krirztò. Ndi na tami o lì ɛnɛ nanù ema e akɛ̀lɛ̀yi o lì rzɔ̀rzɔ̀ Lohwɛ̀, ndèŋgàna e hwèlì e nɔ̀ŋgɔ hwehvɛhvɛ hwèyòkòlèlì ema inyɔ e ɔ̀ŋgɛ̀lɛ̀ nanù ema e hwèlì ndi ŋmɛ̀ndì mò gbamù.

Gàletìyà 6:2

È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.