Gàletìyà 4:30 - Mokpwe: Bakwery (New Testament)

³⁰ Ndi mamɛ e Kaàti ya Lohwà e ohwa lì hvomɛ̀nɛ̀ ene eyà e? È kààtì ya Lohwà e ohwa ndi nanù ema, “Hvaya e molanà wa mokome na e ŋmanà wa eni, èhwanja e ŋmanà wa e molanà wa mokome a rza tànɛyi a laa erzàŋgo ya ama rzaŋgɛ na e ŋmanà wa ama e jòjìyɛ̀.”

Gàletìyà 4:30 ပူးပေါင်းရင်းမြစ်များ

Yòwanìrzɛ̀ 8:35

È hwiye ema mòkòme a rza òhvi tɔ̀ hwèlìyelì ò tenì ya lìtumba. Ndi e ŋmana wa mùnyanà a hwɛnɛhwi ò lìŋgi lìtumba i hvònda ja arzɛ.

Ròmànì 11:2

Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

Ròmànì 4:3

È kààtì ya Lohwà è òhwa nanù ema, “Abràhamù à mà lòkɛ̀ Lohwɛ̀, lìlòkɛ̀ là eni lì èŋgànɛ̀lɛ̀ Lohwɛ̀ à mà mò emeyà nàa mòtò ema à tɛmì ehve-ehve.”

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Gàletìyà 3:8

Eyà yà Lohwà è mà lòma lì ohwa nanù ema, Lohwɛ̀ à ò wòwà hwaŋga hwatò ema hwa rza enje wònyà Yudà nàa hwatò hwa eni èhwanja hwa mò lòkɛ̀yì. Ène eyà è mà hwiyɛnɛ lì wòteyà lìrzako ema Lohwɛ̀ à mà òhweyà Abràhamù nanù ema, “Lì akeyà nà ò wà, imba nà à ò nàmìrzɛ̀ hwèkòmè hwa arzɛ hwe è rze yà mɔ̀nyɛ̀.”

Gàletìyà 4:22

È tìlahwì o kààtì ya Lohwà nanù ema, Abràhamù à mà hwɛnɛ hwàna hwa wunyanà hwahwakɛ, molanà mɔ̀kɔ ema à mà hwɛ ndi mokome à mà mo ŋyàyenyà ŋmanà mɔ̀kɔ wa munyanà, ɔ̀nɛyi ŋmanà hvɛ e jòjìyɛ̀ ya eni ndi e ma mo ŋya.

Gàletìyà 4:31

O èŋgànɛ̀lɛ̀ rzɔ, wònyamòwè kòkò, irzɔ i rza enje ndi hwàna hwa e molanà wa mokome ndi irzɔ i hwèlì ndi hwàanà hwa e wònja molanà.

Jèmìrzì 4:5

È ɔ̀ŋgɛ̀lɛ nanù ema o ŋgundu ndi e tìlahwì o kààtì ya Lohwà nanù ema, “Èlìŋgɛ̀ ema Lohwɛ̀ a jo ikà o mèèmà me arzu e hwèlì ndi e ya eni, ndeŋgànɛlɛ mɔ̀ à nòneyà eŋge Èlìŋgɛ̀.”