Gàletìyà 4:29 - Mokpwe: Bakwery (New Testament)

²⁹ O eŋge hvonda o ma hwɛ ndi nanù ema, e ŋmanà ema à mà ŋyàahwa na oma e mòtò wà hwènàmà a ŋyàhwɛlɛ, à mà hwɛ lì tàkìrzɛ̀ e ŋmanà ema à mà ŋyahwa na e ŋginyà ya Èlìŋgɛ̀ yà Wòtani. Nànù mɛnɛ ndi e hwèlì nàŋgɛ natɛ̀ɛ na yawono.

Gàletìyà 4:29 ပူးပေါင်းရင်းမြစ်များ

Yòwanìrzɛ̀ 15:9

Nà òma Tatɛ̀ a nò lìŋgàni, nanù mɛnɛ ndi imba hvɛ na e lìŋgàni. O èŋgànɛ̀lɛ̀ e akakumɛnɛ ndi nanù mɛnɛ na imba aŋga nanù na hwɛni ndi lì e lìŋgàna nanù mɛnɛ.

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Ròmànì 8:13

Èhwanja e gbèyi tɛ ndi na òma e nyàmà nyò ya arza nanù òma e hwɛni lì ŋwa. Ndi e hwèlì tɛ ò ŋginyà ya Èlìŋgɛ̀ ya ama Lohwɛ̀ rzìi e òŋwa hweyà hwe wòhwe ema e gbeyà, nanù òma e luwa lòŋgɛ.

Gàletìyà 4:23

È ŋmanà wa munyanà ema e molanà wa mokome à mà ŋya, à mà ŋyàahwà ndi nàa oma hwatò hwa arzɛ hwa ŋyàahwà, e hwèlì e jɔ̀kɛ̀ nanù ema Abràhamù à mà ŋya ŋmanà na jòjìyɛ̀ wa eni ema a rzi hwɛ̀ɛ mokome, ene eyà e ma gbeeyɛnɛ ndi nanù o lì ondìrzɛ̀ lì kàkɛ̀nɛ̀ là ama Lohwɛ̀ ema à mà kàkɛ̀nɛ̀ Abràhamù.

Gàletìyà 5:11

Wònyamòwè kòkò, na ɛndi tɛ o worzo ò lì ohwa nanù ema mòtò a kànɛ̀yi lì endàhwà ndèŋgàna Lohwɛ̀ a o mo emeyà nàa mòtò ema a rzaŋgi na oma wònyà Yudà hwa lòkɛ̀yi, mamɛ ndèŋgàtɛ̀ inyɔ e no kàyìrzɛ e? Imba nà mà hwɛ tɛ lì ohwa nanù ema hwa àŋgàmɛ̀nɛ̀yi lì enda mòtò, e rzi hwɛ imba lì ohwa lì hvomɛ̀nɛ̀ e kpelì ya ama Yerzù o mbarza o ma eŋge e rza tàtìrzɛ̀ wònyà Yudà.