Gàletìyà 4:26 - Mokpwe: Bakwery (New Testament)

²⁶ Ndi è molanà wà wònja à kìtìrzɛ̀nɛ̀ nà è Jèrurzalɛ̀mù yà è ŋmanyu yà Lohwà. Ndèŋgànà oŋgo molanà mɔ̀ ndi à hwèlì è nyàŋgo yà arzu.

Gàletìyà 4:26 ပူးပေါင်းရင်းမြစ်များ

Yòwanìrzɛ̀ 8:36

O èŋgànɛ̀lɛ̀ rzɔ è Ŋmanà wà mùnyanà wa ama Lohwɛ̀ a o rzòlòhwì tɛ wònjà nanù òma ò hwɛmɛhwi wònjà na e jɔ̀kɛ̀.

Ròmànì 6:14

O èŋgànɛ̀lɛ̀ e rza hwɛnì lì hwɛmɛ wòhwe wò e kànèyà, èhwanja e rza lìya ò rze ya e mbenda ndi e hwèlì ndi ò rze ya e ndèli ya ama Lohwɛ̀.

Ròmànì 6:18

Nàŋgɛ ema Lohwɛ̀ à mà e ulɛ ò tenì yà è ŋginyà yà wòhwe, e ma jà ndi hwàkòmè ò lì gbèeyà mamɛ ema Lohwɛ̀ a arza.

Gàletìyà 4:22

È tìlahwì o kààtì ya Lohwà nanù ema, Abràhamù à mà hwɛnɛ hwàna hwa wunyanà hwahwakɛ, molanà mɔ̀kɔ ema à mà hwɛ ndi mokome à mà mo ŋyàyenyà ŋmanà mɔ̀kɔ wa munyanà, ɔ̀nɛyi ŋmanà hvɛ e jòjìyɛ̀ ya eni ndi e ma mo ŋya.

Gàletìyà 4:25

Haga à hwèlì ndi nàa yòòmbò ema Lohwɛ̀ à mà ààtɛ̀ nà Morzè ò hvàko yà Rzìnàyì ò èkòmè ya Arèbìyà. Hwatò hwa Jèrurzalɛ̀mù wɔ̀ hvɛ hwa gbèyi ndi nàa Haga èhwanja wɔ̀ hwa arzɛ hwa hwèlì ndi hwàkomè.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Hvìlipìyà 3:20

Ndi o irzɔ, i hwèlì ndi hwatò ema e mbowà ya awu e hwe ndi o ŋmanyu yà lohwà. Ndeŋgànɛ̀lɛ̀ ja ambɛlɛlɛ e Mòrzùŋgèlì hwa arzu, Rzàŋgo Yerzù Krirztò nanù ema mɔ̀ à anjiye o ŋmanyu yà lohwà a timbe o rze ya mɔ̀nyɛ̀.

Hibrù 12:22

Ndi inyɔ e ma jà ndi o lì kombɛnɛ e hvàko ya Rzayɔ̀nì. È ma jà o e mbowà ndɛ̀nɛ ya ama Lohwà ema lì hwèlì lòŋgɛ. Èŋge mbowà e hwèlì ndi Jèrurzalɛ̀mù ema e hwèlì o ŋmanyu. Rzayi-rzayi ja aŋgèlì i ma arzàŋgànɛ̀ o tenì na mɔ̀nyɛ̀ŋgì.

1 Pètrò 2:16

È lìya nàa hwatò hwa wònja. Ndi e rzi gbeyàna eŋge wònja ya anyu, o lì gbeyà wòhwe. Ndi e lìya nàa hwàgbèèlì hwa ama Lohwɛ̀.

Hwèwulùwèlì 12:1

Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.

Hwèwulùwèlì 17:5

O ma hwɛ lìna o mbɔ̀mbɔ̀ ya eni ema e ma hwɛ ndi nàa wùndɛ̀ ema tɔ̀ mòtò a rzi hwiyɛ. Lìŋgi lìna lì ma hwɛ ndi, “Bàbìlɔ̀nì, e mbowà ndɛnɛ. È nyàŋgo ya hwalana hwa àkpàlà, na e hwa hwèèmà hwe ndɔ̀ki hwe e rze.”

Hwèwulùwèlì 21:2

Aŋga ndi nà à ɛnɛ e mbowà ndɛɛndɛ ya wòtani, e Jèrurzalɛ̀mù hvènya e uwɛ̀lɛ̀lɛ̀yi o ma Lohwɛ̀ o ŋmanyu yà lohwà. Lohwɛ̀ à mà mo rzekeya ndi nà oma hwalana hwa rzekeya mɔ̀ɔ̀mbì ema mo ɛndɛ o lìhwa.

Hwèwulùwèlì 3:12

Hwàto ema hwa lìya lì aka hweyà hwe wòhwe, nà ò hwa ika ò lì hwɛ màwòndì ò è ndawò yà ama Lòohwà là ami ndèŋgànɛ̀lɛ̀ hwa rza ò anjiya ò tenì hvɛ. Nà ò tìla lìinà là ama Lòohwà là ami ò inyo jà awu, nà ò tìla lìinà là è mbowà ndɛnɛ yà ama Lòohwà là ami, è Jèrurzalɛ̀mù hvènya ema è uwɛlɛlɛyi ò ŋmanyù yà lohwà ò mà Lòohwà là ami. Nà ò tìla hvɛ lìinà là ami lì hvènya ò inyo jà awu.