Gàletìyà 4:18 - Mokpwe: Bakwery (New Testament)

¹⁸ O nàŋgɛ rzɔ, o lɔ̀wu lì hwɛnɛ eŋge tumba nyɔ̀ŋgi ema e rzɔ̀ŋgɔ̀ o lì gbeyà eyà e hwèlì tɛ nanù ema eŋge nyɔ̀ŋgi e hwèlì ndi o lì gbeyà eyà ya gbamù. O lɔ̀wu lì hwɛnɛ nyɔ̀ŋgi ya lì gbeyà eyà i hvonda ja arzɛ, rzeketɛ e hvonda mɛnɛ ema e hwèlì na imba.

Gàletìyà 4:18 ပူးပေါင်းရင်းမြစ်များ

Yòwanìrzɛ̀ 2:17

Nà òma Hwà-òkòwèlì hwa ama Yerzù hwà mà ɛnɛ nanù, rzìi hwa ɔ̀ŋgɛlɛ na òma e ma tìlahwe ò kààtì ya ama Lohwà nanù ema, “Ìi Rzàŋgò, e nyìrzɛ ema na hwɛni nà è Ndawò yà aŋgɔ, e tànɛyi lì nò òŋwirzɛlɛlɛ.”

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Gàletìyà 4:13

È hwiye nanù ema e hvonda ema nà mà lome lì e ohweyà Ŋmɛ̀ndì mò Gbamù, imba nà mà hwɛ lì lìya na inyɔ èhwanja nà mà ɔ̀kirzɛ̀.

Gàletìyà 4:17

Hwanɛyi hwà-òkòlèlì hwa mòlàŋgà hwa ohvi o mèèmà me awu nanù ema e hwa nɔŋge, ndi mɔ̀ŋgɛ̀lɛ̀ ma awu ma rza lɔ̀wu. Wɔ̀ hwa arza ndi nanù ema e rza hwɛ na imba aŋga nanù e hwɛnɛ ndi e nyɔ̀ŋgi o lì hwɛ na wɔ̀.

Gàletìyà 4:20

Nà lìŋgàneyayi lì hwɛ na inyɔ nàŋgɛ, o ma na hwi mamɛ ema na e ohwirzɛnɛ. Èhwanja na àkàyìrzɛ̀ rzayi-rzayi o lì e hvomɛ̀nɛ̀.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hwèwulùwèlì 3:19

Nà kanja na lì kɔ̀kìrzɛ̀ hwaŋga ema na lìŋgàni. O eŋgànɛlɛ rzɔ̀ e hwɛnɛ e nyɔ̀ŋgi o lì ayèŋgowɛ̀ o wòhwe wo anyu.