Gàletìyà 4:17 - Mokpwe: Bakwery (New Testament)

¹⁷ Hwanɛyi hwà-òkòlèlì hwa mòlàŋgà hwa ohvi o mèèmà me awu nanù ema e hwa nɔŋge, ndi mɔ̀ŋgɛ̀lɛ̀ ma awu ma rza lɔ̀wu. Wɔ̀ hwa arza ndi nanù ema e rza hwɛ na imba aŋga nanù e hwɛnɛ ndi e nyɔ̀ŋgi o lì hwɛ na wɔ̀.

Gàletìyà 4:17 ပူးပေါင်းရင်းမြစ်များ

Matiyò 23:15

Mòjèmà na inyɔ Hwà-òkòlèlì hwa mbenda na inyɔ Hvàlìrzàyì, e hwèlì ndi hwatò hwa mèhvìlì! È lìŋgòwa ò èkòmè yɔ̀kɔ tɛ na enɛyi aŋga nanù e lùwa mòtò mɔ̀kɔ ema a tànɛyi lì e lata. Ndi mɔ̀ à e lati tɛ, inyɔ e mò hvaŋga nyayi ema mɔ̀ à hwɛni lì luwa kɔ̀kìrzɛ̀ ya ŋgelì ihwàkɛ ya mùùnya ema mò rza lìma lì aka tɔ̀ inyɔ.

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.

Ròmànì 16:18

È rzi keka lì hwa òŋgama èhwanja hwa rza gbèeyà ndi e Rzàŋgò ya arzu Krirztò, ndi hwa gbèeyà ndi nanù ò lì òndìrzɛ̀ e nyɔ̀ŋgi ya awu. Hwa gbeyàna e mbɔrzi ya awu ya gbamù na jòòhwì ja gbamù ò lì lukɛlɛ hwatò ema hwa rza rzɔ̀ŋgɔ lì rzɔ̀ŋgìtɛ̀nɛ̀.

1 Kɔ̀rintìyà 11:2

I wònyàmowe, imba na e èki rzayì-rzayì nanù ema inyɔ e no ika o màlùtèyà ma anyu i hvonda ja arzɛ rzìi e nɔ̀ŋgɔ hvɛ hwèyòkòwèlì hwe ama Krirztò na oma imba hvɛ nà mà e okolɛ̀.

1 Kɔ̀rintìyà 4:18

Lòŋgò la anyu e ma onda na kumba, e ɔ̀ŋgɛ̀lɛ̀ nanù ema na rza e jèeyà hvɛ tɔ̀ wùnyà.

1 Kɔ̀rintìyà 4:8

Inyɔ e ɔ̀ŋgɛ̀lɛ̀yi nanù ema e ma màa lì lùwa mamɛ ya arzɛ ema e ɔ̀ŋgɛ̀lɛ̀ ema e arza e? È ɔ̀ŋgɛ̀lɛ̀yi nanù ema e ma màa lì nàmà e? È ma tìmba ndi i kiŋgɛ̀, tɔ̀ nɛ irzɔ i rza enje kiŋgɛ̀ e? Nà àhvìtɛ̀ ema e hwèlì ndi kiŋgɛ̀, aŋga naŋgɛ, oma irzɔ hvɛ ima hwɛ ndi kiŋgɛ̀ na inyɔ.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

Gàletìyà 4:16

Èhwanja na e ohweyà e jɔ̀kɛ̀ lì hvomɛ̀nɛ̀ ŋmɛ̀ndì mò gbamù o eŋgànɛ̀lɛ̀ nàŋgɛ nanù nà mà timba ndi e mɔ̀kɔ̀yèlì hwa anyu e?

Gàletìyà 4:18

O nàŋgɛ rzɔ, o lɔ̀wu lì hwɛnɛ eŋge tumba nyɔ̀ŋgi ema e rzɔ̀ŋgɔ̀ o lì gbeyà eyà e hwèlì tɛ nanù ema eŋge nyɔ̀ŋgi e hwèlì ndi o lì gbeyà eyà ya gbamù. O lɔ̀wu lì hwɛnɛ nyɔ̀ŋgi ya lì gbeyà eyà i hvonda ja arzɛ, rzeketɛ e hvonda mɛnɛ ema e hwèlì na imba.

Hvìlipìyà 2:21

Nà ohwa ndi ene eyà nanù ehwànja tɔ̀ ima mòtò a lùteyà ndi lì hvomɛ̀nɛ̀ mamɛ ema mɔ̀ à arza, hwa rza gbeyà na oma Yerzù Krirztò mɔ̀ à arza nanù ema hwa gbeye.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.