Gàletìyà 4:14 - Mokpwe: Bakwery (New Testament)

¹⁴ Ndi tɔ̀ nɛ e nyàmbɛ̀ ya ami e ma hwɛ ndi ema e ma hwɛnɛ lì no rzɔ̀rzɔ̀, ndi inyɔ e rzi no rzɔ̀rzɔ̀ ndeŋgànɛ̀lɛ̀ e rzi no hvaye. È ma no karzɛ ndi o a ɛnɛ ema na hwèlì ndi aŋgèlì yà ama Lohwɛ̀ tɔ̀ nàa nà mà hwɛ ndi Yerzù Krirztò.

Gàletìyà 4:14 ပူးပေါင်းရင်းမြစ်များ

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Matiyò 18:5

Tɔ̀ njɛnɛ hvɛ ema à kàrzɛ̀yi ene nyàyi yà ŋmanà ò lìnà là ami, nanù òma imba ndi à kàrzɛ̀yi.”

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

1 Kɔ̀rintìyà 1:28

Lohwɛ̀ à mà hvɔ̀rzɔ̀ ndi mamɛ ema hwatò hwa anù rze yà mɔ̀nyɛ̀ hwa ɛnɛ ema è hwèlì ndi ŋgundu, ndeŋga hwa rzɔnjɛ̀lɛ̀. À mà gbeyà ndi nanù ò lì hvaŋga mamɛ ema hwatò hwa anù rze, hwa ɛnɛ̀ nà eyà yà wòlìtò.

1 Kɔ̀rintìyà 4:10

Hwatò hwa jo ɔ̀ŋgɔ ndi nàa i hwèlì ndi hwèèti hwe hwatò èhwanja i gbeyà Krirztò, ndi ò inyɔ è ɔ̀ŋgɛ̀lɛ̀ nanù ema è ohvi màhwìyè ehwànja e hweli mòtò mɔ̀kɔ nà Krirztò. Hwàto hwa ɔ̀ŋgɛ̀lɛ̀ nanù ema irzɔ i rza ohvi ŋginyà ya lì gbeyà tɔ̀ eyà, ndi inyɔ è ɔ̀ŋgɛ̀lɛ̀ nanù ema è ohvi e ŋgìnya ema è uhwɛ̀lɛlɛ ò mà Lohwɛ̀. Hwatò hwa rza jo ŋgbaà èluhwe, ndi hwa è ŋgbaà inyɔ èluhwe.

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Gàletìyà 4:13

È hwiye nanù ema e hvonda ema nà mà lome lì e ohweyà Ŋmɛ̀ndì mò Gbamù, imba nà mà hwɛ lì lìya na inyɔ èhwanja nà mà ɔ̀kirzɛ̀.

Gàletìyà 4:15

O eŋge hvonda e ma onda na mɔ̀nyɛ̀ŋgì. Mamɛ e gbèyɛ̀nɛ o moŋgo mɔ̀nyɛ̀ŋgì ema e ma hwɛnɛ e? Imba mbiti na hwèlì ndi e mboŋgi ya anyu nanù ema, o eŋge hvonda e ma no lìŋgàna màlìŋgo ema e ma hwɛ tɛ nanù ema mòtò a tuma lìirzɔ̀ la eni o lì li ŋgba mbunda eni nanù ema a lì gbeyàne oma e ma tuma mìirzɔ̀ ma anyu rzi e no ŋgba e mɔ̀.

1 Tɛ̀rzàlonìyà 2:13

O hwèlì hvɛ lì hvɛhvɛ lìtiŋgà ema lì gbèyi i ŋgbàa Lohwɛ̀ jèka ihvonda ja àrzɛ. È hvonda ema i ma e jàneyà Ŋmɛ̀ndì mo ama Lohwɛ̀, e ma mo hweyà, rzìi e ma mo imànɛlɛ. Inyɔ e rzi mo imànɛlɛ ndi nàa ŋmɛ̀ndì ema mo uwɛ̀lɛ̀lɛ̀yi na mòtò wà hwènàmà ndi e ma mo emeyà ndi nàa Ŋmɛ̀ndì ema mo uwɛ̀lɛ̀lɛ̀yì o ma Lohwɛ̀ ema o jɔ̀kɛ̀ nanù ndi e hwèlì. Ndeŋgànɛ̀lɛ̀ eŋge mbɔrzi ndi Lohwɛ̀ a gbeyàna o ìtììtènì ja anyu o lì oŋgowàna inyɔ ema e lòkɛ̀.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.