Gàletìyà 3:27 - Mokpwe: Bakwery (New Testament)

²⁷ Nà oma è mà lùhwìrzɛ̀hwɛ̀, ò eŋgànɛ̀lɛ̀ è hwèlì ndi mɔ̀kɔ naŋgɛ nà Krirztò, ndeŋgànɛ̀lɛ̀ è hwɛni wònjà nàa mɔ̀.

Gàletìyà 3:27 ပူးပေါင်းရင်းမြစ်များ

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

1 Kɔ̀rintìyà 12:13

Nànù mɛnɛ hvɛ ndi e hwèlì na irzɔ hwa arzɛ e hwɛ ndi ŋga wònyà Yudà o tɔ̀ hwaŋga ema hwa rza enje wònyà Yudà tɔ̀ e hwɛ ndi ŋga hwàkòmì tɔ̀ e hwaà wònjà irzɔ hwa arzɛ i lùhwìrzɛ̀hwɛ̀ ndi na èlìŋgɛ̀ yà wòtani, o tenì ya èŋge nyo ya ahvɔ̀kɛ. Ndèŋgana Lohwɛ̀ à mà jo rzòòkɛ èŋge èlìŋgɛ̀ yà wòtani mɛnɛ o tenì ya mèèmà me arzu.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.

Kòlòrzìyà 3:10

Ò nàŋgɛ inyɔ è mà wɔ̀tɔ̀ ndi mòŋgombe mohvènya. Lohwɛ̀ à mà è ika lòŋgɛ lì hvènya ò tenì yà anyu, ndèŋgànɛlɛ mɔ̀ à mà gbeyà ema lì oŋge aŋga nanù è hwɛ ndi nàa mɔ̀, nà ò lì mò hwiya kɔ̀yi-kɔ̀yi nanù ema mɔ̀ ndi à e weki. Lini lòŋgɛ lì hvènya ema è hwɛni, lì mà gbeyà ema

Ɛ̀hvìrzìyà 4:24

Lohwɛ̀ à mà è ŋgbà ɛ̀ɛ̀mɛ̀ hvènya ema è gbèyi ndi nàa ɛ̀ɛ̀mɛ̀ ya eni, o èŋgànɛ̀lɛ rzɔ ɛ̀ɛ̀mɛ̀ ya anyu e hwɛ̀ɛ ndi nàa ɛ̀ɛ̀mɛ̀ ya eni hvènya. Ɛ̀ɛmɛ̀ ya anyu hvènya e hwèlì ndi ɛ̀ɛ̀mɛ̀ hvènya ya jɔ̀kɛ̀ na oma Lohwɛ̀ a arza ndèŋgànɛ̀lɛ e hwèlì wòtani.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

Hwègbèèlì 16:15

Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 8:16

Wɔ̀ hwà mà hwa kanɛ̀lɛ̀lɛ̀ èhwanja ò ene hvònda òma hwa rzi lu Èlìŋgɛ̀ yà Wòtani. Wɔ̀ hwà mà luwa ndi lì lùhwìrzɛ̀ ò lìinà la ama Rzàŋgò Yerzù.

Hwègbèèlì 9:18

O lìwòkimɛnɛ, hwema hwe ma unda ò mirzɔ̀ ma ama Rzàwòlò, ema hwe ma àkɛnɛ̀ hweyàrzà hwe nyàmà ja malìhwa, ò èŋgànɛ̀lɛ̀ mɔ̀ à mà wòteyà lì ɛnɛ̀ hvɛ. A ma tɛ̀mɛ̀ ò ŋmanyu rzi a lùhwìrzɛ̀hwɛ̀.

Lukàrzɛ̀ 15:22

Rzàŋgɛ à mà hwɛlɛ hwàgbèèlì wa eni rzìi a hwa òhweyà nanù ema, ‘È ɛ̀ndɛ̀ lìhwaŋgi nà lì hvinjɛ̀lɛ̀, e jàne è mbɔ̀ti yà gbamù. È mò wɔ̀tìrzɛ. È mò rzòŋgɛ hvɛ jɔ̀ndɔ ò jɔ̀nɔ ja eni ja lìya. È mò wɔ̀tìrzɛ hvɛ hwètambì hwe gbamù ò màtàŋgà.

1 Kɔ̀rintìyà 10:2

Nà oma hwà mà hwɛ o rze yà lìmbàki, ndèŋgàna na oma hwà mà akeyà o tenì ya ŋmanjà mo teyàa, e ma hwa gbeyà wɔ̀ hwa mà lùhwìrzɛ̀hwɛ̀ rzi hwa nɔ̀ŋgɔ Morzè.