Gàletìyà 3:24 - Mokpwe: Bakwery (New Testament)

²⁴ Ò eŋgànɛ̀lɛ̀ rzɔ è mbenda ndi è mà hwɛ lì jo òŋgeya natɛ̀ɛ nà hwejèelì hwe ama Krirztò, ò lì arza nanù ema Lohwɛ̀ à jò emeyà èhwanja i lòkɛ̀ Krirztò.

Gàletìyà 3:24 ပူးပေါင်းရင်းမြစ်များ

Ròmànì 10:4

Krirztò mɔ̀ à mà gbeyà èwòlò ema e mbenda e ma àŋgàmɛ̀nɛ̀ lì gbeyà, ò èŋgànɛ̀lɛ̀ rzɔ, tɔ̀ njɛnɛ ema a mò lòkɛ̀, a hwɛ ehve-ehve ò wòrzò wò ama Lohwɛ̀.

Ròmànì 9:30

Mamɛ rzɔ irzɔ i tànɛyi lì òhwa e? Èma hwatò ema hwa rza enje wònyà Yudà, hwa hwèlì ehve-ehve ò wòrzò wò ama Lohwɛ̀ lì akeyà na lì lòkɛ̀ la awu ema hwa òhvi na Krirztò, tɔ̀ nɛ hwa rzi keke ò lì hwɛ ehve-ehve ò wòrzò wò ama Lohwɛ̀.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.

Gàletìyà 2:19

È hwèlì tɛ ndi o lì nɔ̀ŋgɔ e mbenda mɛnɛ nanù oma nà mà ŋwa. Nànù oma e mbenda yɔ yiti yɔ ndi e no òŋwi. Ndi Yerzù Krirztò à mà no ulɛ o tenì ya e mbenda aŋga nanù na tanɛ lì gbèeyà Lohwɛ̀.

Gàletìyà 3:25

Nàŋgɛ rzɔ ema è hvonda è mà jɛ̀ɛ̀ ema i hwɛni lì ika lì lòkɛ̀ là arzu nà Krirztò, ò rza enje tɔ̀ yoma hvɛ ema è jò ɔ̀ŋgeya.

Kòlòrzìyà 2:17

Iŋgi mbenda jà arzɛ ì mà hwɛ ndi nàa èlìŋgɛ̀ ema è uŋmɛ̀lɛ̀ hwèèmà hwe gbamù ema Lohwɛ̀ à àŋgàmɛ̀nɛ̀yi lì oma. Ndeŋgànɛlɛ Krirztò ndi à ondìrzɛ̀ hweŋge hwèèmà hwe arzɛ.