Gàletìyà 2:19 - Mokpwe: Bakwery (New Testament)

¹⁹ È hwèlì tɛ ndi o lì nɔ̀ŋgɔ e mbenda mɛnɛ nanù oma nà mà ŋwa. Nànù oma e mbenda yɔ yiti yɔ ndi e no òŋwi. Ndi Yerzù Krirztò à mà no ulɛ o tenì ya e mbenda aŋga nanù na tanɛ lì gbèeyà Lohwɛ̀.

Gàletìyà 2:19 ပူးပေါင်းရင်းမြစ်များ

Ròmànì 4:15

Èya ema e mbenda è gbeyà e hwèlì ndi ò lì jàneyà hwatò hwètàtò hwe ama Lohwɛ̀. Ndi ò rzà ènje tɛ mbenda, ò rzà enje lì unda la mbenda.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

Ròmànì 6:11

Ŋgàna hvɔ̀kɔ hvɛ mɛnɛ inyɔ e hwɛni ndi lì a ɛnɛ inyɔ hwiti hvɛ nàa hwàtò ema hwà mà ŋwɛɛ, aŋga nanù wòhwe wò rza hwɛni lì e kànèyà hvɛ. Ndèŋgana e àŋgàmɛ̀nɛ̀ ndi ò lì a ɛnɛ inyɔ hwiti hvɛ na hwàtò ema hwa hwèlì ò lòŋgɛ na Lohwɛ̀ ò lì akeyà na Yerzù Krirztò.

Ròmànì 6:14

O èŋgànɛ̀lɛ̀ e rza hwɛnì lì hwɛmɛ wòhwe wò e kànèyà, èhwanja e rza lìya ò rze ya e mbenda ndi e hwèlì ndi ò rze ya e ndèli ya ama Lohwɛ̀.

Ròmànì 6:2

Jàyɛ̀ rzeketɛ nanù. Ì ma màa lì ŋwa ò èŋgànɛ̀lɛ̀ rzɔ i rza hwɛni hvɛ tɔ̀ eyà ò lì gbeyàna wòhwe hvɛ. Mamɛ ndeŋgatɛ je eleyà ò lì gbeyà wòhwe e?

Ròmànì 7:14

I hwi nanù ema e mbenda ema jò òhwa nanù e hwèlì ndi eyà ya hwèlìŋgɛ̀ ndi imba nà hwèlì ndi e mòtò wa hwènàmà ema na àhwirzɛ̀hwɛ̀ nàa mòkòmì ò wòhwe.

Ròmànì 7:4

Wònyamòwè kòkò, nanù ndi e hwèlì na inyɔ. È mbenda e rza ò kànèyà hvɛ èhwanja na òma Yerzù à mà ŋwe inyɔ hvɛ e ma ŋwa. O nàŋgɛ nanù, e hwèlì ndi hwatò hwa òhvɛhvɛ mòtò, Yerzù ema Lohwɛ̀ a hvùmùlɛ̀yi aŋga nanù i gbèeyà Lohwɛ̀ gbamù.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

1 Kɔ̀rintìyà 10:31

Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.

1 Kɔ̀rintìyà 9:20

È hvonda ema nà mà hwɛ na hwatò hwa wònyà Yudà, nà mà gbeyà hweyà hwe ami nàa imba hvɛ na hwèlì ndi mɔ̀kɔ wa awu, aŋga nanù hwa lòkɛ̀ Krirztò. È hvonda ema nà mà hwɛ na hwaŋga hwatò ema hwa ika i mbenda ja hwatò hwa wònyà Yudà, imba hvɛ nà mà ika ndi iŋgi mbenda. Tɔ̀ nɛ na rzi hwɛ o rze ya iŋgi mbenda. Nà ma gbeyà ndi nanù, aŋga nanù hwaŋga hwatò hwa lòkɛ̀ Krirztò.

2 Kɔ̀rintìyà 5:15

A ma jo ŋwèeyà ndi irzɔ hwa arzɛ, aŋga nanù hwatò ema hwa hwèlì lòŋgɛ, mòŋgɛ ma awu ma rza uŋmɛ̀lɛ̀ nanù ema hwa lìya ndi o wɔ̀ hwiti. Ndi wɔ̀ hwa hwèlì lòŋgɛ o nyòla ya ama Krirztò ema à mà ŋwa rzìi Lohwɛ̀ a mo hvùmùlɛ̀ o nyòla awu.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Gàletìyà 3:24

Ò eŋgànɛ̀lɛ̀ rzɔ è mbenda ndi è mà hwɛ lì jo òŋgeya natɛ̀ɛ nà hwejèelì hwe ama Krirztò, ò lì arza nanù ema Lohwɛ̀ à jò emeyà èhwanja i lòkɛ̀ Krirztò.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

Kòlòrzìyà 2:20

È hwèlì ndi nàŋgɛ nanù, na oma Krirztò a ŋwelì inyɔ hvɛ e ŋwelì na mɔ̀. O eŋgànɛ̀lɛ̀ rzɔ, inyɔ e rza enje o rze ya e mbenda ya e rze ya mɔ̀nyɛ̀ hvɛ. Mamɛ rzɔ ndeŋgàtɛ inyɔ e hwèlì e oŋgama ndi iŋgi mbenda hvɛ o a ɛnɛ o ma e rze e hwèlì ye e kànèyà nanù mɛnɛ e?

Kòlòrzìyà 3:3

Inyɔ è hwiye nanù ema nà oma Krirztò à ŋwelì è gbèyi ndi nàa inyɔ hvɛ è mà ŋwa.

1 Tɛ̀rzàlonìyà 5:10

Yerzù à mà jo ŋwèeyà aŋga nanù, i hwɛ lòŋgɛ tɔ̀ i ŋwa, e hvonda ema a o jɛ̀ɛ̀, irzɔ jo ò hwɛ na mɔ̀.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hibrù 9:14

È hwèlì tɛ ema màyija ma hwèembè ma tanɛ ma hwɛnɛ màyìmbì ma lì rzàŋgirzɛ hwatò, nanù oma màyija ma ama Yerzù ma hwɛni màyìmbì rzayi-rzayi o lì rzàŋgirzɛ hwatò. Krirztò ema a rza ohvɛ tɔ̀ wòhwe tɔ̀ wɔ̀kɔ à mà aŋgbɛ mɔ̀ ŋmìti nàa jàhwèyà o lì jo kɔ̀tɔ̀ irzɔ hwa arzɛ. A ma gbeyà ndi ene eyà nanù o lì akeyà na èlìŋgɛ̀ yà wòtani ema e hwɛ natɛ̀ɛ na o gbìndèyà. Màyìjà ma eni mɔ̀ ndi ma jo rzàŋgirzɛyi mèèmà me arzu, ema i rza gbeyà hweyà hwe wòhwe ema hwe jo jàneyà e kpelì. Ndi e àŋgàmɛ̀nɛ̀yi lì gbèeyà Lòohwà la lòŋgɛ.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Pètrò 4:6

O lìni lìtiŋga ɔndèŋgàtɛ̀ Ŋmɛ̀ndì mò Gbamù mo ma ohwahwɛlɛ hvɛ o tɔ̀ hwaŋga ema hwà mà ŋwɛɛ. Aŋga nanù tɔ̀ nɛ hwà mà hwa kàyìrzɛ̀ ema hwà mà hwɛ o lòŋgɛ anu rze, wɔ̀ hwa o ŋwa na oma tɔ̀ ima mòtò a ŋwaa, ndèŋgànà wɔ̀ hwa o hwɛ lòŋgɛ na oma Lohwɛ̀ a hwèlì lòŋgɛ.