3 Yòwanìrzɛ̀ 1:8 - Mokpwe: Bakwery (New Testament)

⁸ Irzɔ ema i hwèlì hwàlòkèlì hwa ama Krirztò rzɔ, i hwɛnì lì òŋgòwàna hwanu hwatò, aŋga nanù oma irzɔ i ma hwa lata o èwòlò ya awu ya lì ohweyà hwatò ŋmɛ̀ndì mo jɔ̀kɛ̀.

3 Yòwanìrzɛ̀ 1:8 ပူးပေါင်းရင်းမြစ်များ

Matiyò 10:14

Ndi è uki tɛ ò tɔ̀ ima ndawò tɔ̀ mbòwa rzìi hwa rza e kàrzɛ̀ tɔ̀ ò lì e òkànèyà, e hvùhvùhwè irzɔ̀hwɛ̀ ema i hwèlì ò màtàŋgà ma anyu e anjiiya tɛ aŋga ò lì uŋmɛ̀lɛ̀ nanù ema Lohwɛ̀ a rza hwa emelì.

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Lukàrzɛ̀ 11:7

Oŋgò mbunda wà aŋgɔ̀ rzìi a wà alàhwɛ̀ ò ndawò nanù ema, ‘Ò rza nò kàyìrzɛ̀. Nà mà màa lì umba lìyòhva la ami, ìmba nà hwàanà hwa amì ì ma màa lì nàŋgà. O èŋgànɛ̀lɛ̀ nà rza tanɛ̀ lì tɛ̀mɛ̀ ò lì ò ŋgbà tɔ̀ yòmà.’

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

2 Kɔ̀rintìyà 8:23

Tàyìtùrzì, à mà no oŋgama i hvonda ja arzɛ o lì gbeyà èwòlò ya lì e òŋgòwàna. Hwanɛ̀yi wònyànyàŋgo wa arzu hwa Krirztò, ema hwa ɛ̀ndɛ na Tàyìtùrzì, hwa hwèlì ndi hwatò ema ŋmèmba mo mà omɛ o lìnà la awu, ndèŋgànɛlɛ tɔ̀ ima ekì ema hwa ɛndɛ, na hweyà hvɛ ema hwa gbeyà, hwe jàneyà Krirztò èluhwe.

Hvìlipìyà 4:3

Mbunda ami kòkò, ema ì gbèyɛnɛ èwòlò, nà ò atɛ̀kɛ̀ nanù ema ò òŋgowane hwanu hwalanà hwahwàkɛ nanù ema hwa àwohvanɛ̀ mɔ̀kɔ nà ɔnɛyi ɛ̀yɔ̀lɛ̀. Hwanu hwalana hwahwàkɛ, Klɛ̀mɛ̀ntì nà hwahvɛhvɛ hwàgbèèlì hwa mà hwɛ ò toŋgoŋgo yà ami. Irzɔ nà wɔ̀ ì mà gbeyà èwòlò gbamù, aŋga nanù imba nà ò tànɛ lì ohwa ŋmɛ̀ndì mò gbamù. Mììnà mà awu mà arzɛ mà hwèlì ò tenì yà è kààtì yà lòŋgɛ.

Kòlòrzìyà 4:11

Yerzù, ema hwa hwɛlɛ ema Jùrzìtùrzì, mɔ̀ hvɛ a e omelì ikɔ̀mi. Hwanu hwatò hwaayɛ mɛnɛ ndi hwa hwèlì hwatò hwa wònyà Yudà ema hwa lòkɛ̀ Krirztò. Irzɔ na wɔ ndi i gbeyà èwòlò ya lì ohwa ŋmɛ̀ndì mò gbamù lì hvomɛ̀nɛ̀ lìkànèyà la ama Lohwɛ̀. Wɔ hwà mà no ètìrzɛ̀ ŋmèma mo ami rzàyi-rzàyi.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

Hvìlɛ̀mɔ̀nì 1:2

I kɔ̀mi hvɛ Ahvìyà, e ndòmɛ ya arzu wa ama Krirztò. I kɔ̀mi hvɛ Achipurzi, ema mɔ̀hvɛ a ohwa ŋmɛ̀ndì mò gbamù na e ŋginyà ya eni ya arzɛ na oma irzɔ hvɛ i gbeyà. Ndèŋgànɛlɛ i kɔ̀mɔ̀ hvɛ wònyànyàŋgo hwa arzu hwa ŋmèmba ema hwa tàneya o ndawò ya aŋgɔ.

Hvìlɛ̀mɔ̀nì 1:24

Nànù mɛnɛ hvɛ nà Màkòrzì, Arìrztàkùrzì, Dèmàrzì nà Lukàrzì, hwàgbèèlì ema irzɔ nà wɔ̀ ì gbèeyà èwòlò wɔ̀hvɛ hwa è òmèlì ikɔ̀mi.

3 Yòwanìrzɛ̀ 1:10

O eŋgànɛlɛ rzɔ, na jelì tɛ aŋga, na ohweyà hwatò hwa ŋmèmba mamɛ ya arzɛ ema mɔ̀ à gbeyà. Hweya ema mɔ̀ à gbeyà hwe hwèlì ndi, hwèyòhwèlì hwe mòlàŋgà mo èèti o lì jo hvomɛ̀nɛ̀, ndèŋgànɛlɛ hvɛ mɔ̀ à rza kàrzɛ wònyànyàŋgo hwa arzu hwa ama Krirztò, ndèŋgànɛlɛ hvɛ mɔ̀ à kekà hwà hvɛhvɛ hwatò ò lì hwa kàrzɛ. Ndeŋgànɛ̀lɛ̀ mɔ̀ à hwa hvaya o ŋmèmba.

3 Yòwanìrzɛ̀ 1:7

Hwanu hwatò hwà mà hwɛ lì ɛndɛ hweki nà hweki, o lì gbèeyà Yerzù Krirztò, ndèŋgànɛlɛ hwa rzi emeyà tɔ̀ lìwòŋgo ò màà mà hwatò ema hwa rzi lòkɛ̀ Krirztò.

3 Yòwanìrzɛ̀ 1:9

Nà ma tìleya ŋmèmba ema mo hwèlì o mbowà ndɛnɛ ya aŋgɔ̀ kààti, ndi Dìyòtrɛ̀hvɛ̀rzì a rzi emeyà lì gbeyà mamɛ nà mà tile ehwànja à mà arza lì hwɛ e mòtìmbèlì wa ŋmèmba.