3 Yòwanìrzɛ̀ 1:6 - Mokpwe: Bakwery (New Testament)

⁶ Wɔ̀ hwa hwèlì lì ohweyà ŋmèmba ema mo hwèlì anu lì hvomɛ̀nɛ̀ e ndìŋgɛ ema o hwa hwɛnelì. Nà arza nanù ema o òŋgòwane hwanu hwatò e hwèlì tɛ ema hwaa e hwɛmi tɛ lì ɛ̀ndɛ ehvɛhvɛ èki. O gbeye nanù ehwànja nanù ndi Lohwɛ̀ a arza nanù ema o gbeye.

3 Yòwanìrzɛ̀ 1:6 ပူးပေါင်းရင်းမြစ်များ

Hwègbèèlì 15:29

È rzi keka lì làa tɔ̀ mòlelì ema mò ma ŋgbààhwɛ̀ hwèrzùmbù. È rzi keka lì laa màyija, e kìye ò lì làa hwèembè ema hwe ŋwelì mòtìmà. È rzi gbeyà mòrzònje. È ò hwɛ gbamù e rza gbèyi tɛ hwene hweyà. Je ahvìtɛ̀ hwèlìyelì hwe gbamù.”

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 21:5

Ndi na òma e hvònda ya arzu na wɔ e ma ɔ̀lɛ irzɔ i ma hwa lìiya aŋga, rzi je ɛndɛ e ya arzu. Wɔ hwa arzɛ na i jòjìyɛ̀ ja awu na hwàanà hwa awu, hwà mà jò lìyɛlɛ ò lì wurza ò tenì ya eŋge mbòwa ndɛnɛ. I ma hwɛmɛ e mbòwa rzìi jò uka ò rzàawà. Irzɔ hwa arzɛ i ma rzuma màwɔ̀ŋgɔ̀ŋgɔ̀ ma arzu ò mòkòkò rzi i kànɛ.

Ròmànì 15:24

Nà ikayi lìhvìtà ò lì gbèeyà nanù nàŋgɛ. Nà ò lìŋgàna ò lì e ɛnɛ ò yɔ̀ndɔ̀ ya ami ya lì ɛndɛ ò Rzìpenì. Nà ò lìŋgàna hvɛ ò lì e ɛnɛ na a arza tɛ lì ɛndɛ aŋga, aŋga nanù òma inyɔ hvɛ e ma nò òŋgòwànà ema na ɛndɛ aŋga. Ndi na ò hwɛ na inyɔ ò ŋmanà hvòka hvònda ò lì alɔ̀kɔ̀nɛyi mèèmà me arzu ndèŋgànà na e ɛndɛ.

2 Kɔ̀rintìyà 1:16

Nà kàkɛ̀nɛ̀yi ema nà è jèeyà, na ɛ̀ndɛ tɛ o èrzookà ya Màrzèdonìyà. Nà kàkɛ̀nɛ̀yi hvɛ ema o hwètimbelì hwe ami nà tɛ̀mɛ̀ o èki ya anyu. Àŋga nanù è nò òŋgòwànà o lì nò omà o yɔ̀ndɔ̀ ya ami ya èrzoòkà ya Jùdeyà.

Hvìlipìyà 4:14

Ndi tɔ̀ nanù, e ma gbeyà gbamù o lì no òmeya lìhwoŋgo ò e hvonda ema nà mà hwɛ o mòtàkà.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

1 Tɛ̀rzàlonìyà 2:12

I ma e ètìrzɛ̀ mèèmà, i ma e kòkòwɛ̀lɛ̀ nanù ema e lìya lòŋgɛ ema lì okìrzɛ̀ Lohwɛ̀ mɔ̀nyɛ̀ŋgì. Lohwɛ̀ ndi à e hwɛlɛ o lì hwɛ o ìtììtènì ja hwatò wa eni ema mɔ̀ à kànèyà na o lì hwɛ o rze ya èluhwe ya eni.

Tàyìtùrzì 3:13

È keke natɛ̀ɛ e oŋgòwànè Rzɛ̀nàrzì ema a hwèlì e mòtò wa mbenda na Apòlòrzì na oma hwa wòteyà yɔ̀ndɔ̀ ya awu. O ɛnɛ nanù ema o hwa oŋgòwànè o lì luwa hwèemà hwe arzɛ ema wɔ̀ hwa arza lì hvomɛ̀nɛ̀ yɔ̀ndɔ̀ ya awu.

1 Pètrò 2:20

O gbèyi tɛ wòhwe rzìi o kakana ŋmèma o e njuma ema hwa o anàni o nyòla woŋgo wòhwe, ima mɔ̀rzɛ̀ŋgì o luwa e? Ndi o ajùlɛ̀nɛ̀ tɛ mòtàkà o tɔ̀ ima eyà ya gbamù ema o gbèyi, aŋga nanù Lohwɛ̀ a o òkana mɔ̀nyɛ̀ŋgi.

3 Yòwanìrzɛ̀ 1:12

Tɔ̀ ima mòtò a ohwa nanù ema Dɛ̀mɛ̀trìyùrzì a hwèlì ndi mòtò wa gbamù. Lòŋgɛ la jɔ̀kɛ̀ ema mɔ̀ à lìya lì uŋmɛ̀lɛ̀ nanù ema a hwèlì ndi mòtò wa jɔ̀kɛ̀. Nà e ohweyà hvɛ nanù ema, mɔ̀ à hwèlì ndi mòtò wa gbamù, ndèŋgànɛlɛ e hwi nanù ema tɔ̀ mamɛ ema no òhwa e hwèlì ndi e jɔ̀kɛ̀.