3 Yòwanìrzɛ̀ 1:10 - Mokpwe: Bakwery (New Testament)

¹⁰ O eŋgànɛlɛ rzɔ, na jelì tɛ aŋga, na ohweyà hwatò hwa ŋmèmba mamɛ ya arzɛ ema mɔ̀ à gbeyà. Hweya ema mɔ̀ à gbeyà hwe hwèlì ndi, hwèyòhwèlì hwe mòlàŋgà mo èèti o lì jo hvomɛ̀nɛ̀, ndèŋgànɛlɛ hvɛ mɔ̀ à rza kàrzɛ wònyànyàŋgo hwa arzu hwa ama Krirztò, ndèŋgànɛlɛ hvɛ mɔ̀ à kekà hwà hvɛhvɛ hwatò ò lì hwa kàrzɛ. Ndeŋgànɛ̀lɛ̀ mɔ̀ à hwa hvaya o ŋmèmba.

3 Yòwanìrzɛ̀ 1:10 ပူးပေါင်းရင်းမြစ်များ

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.

Gàletìyà 6:10

O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

2 Yòwanìrzɛ̀ 1:10

Ò èŋgànɛ̀lɛ̀ rzɔ, tɔ̀ ima mòtò à è jɛ̀lɛ̀lɛ̀yi tɛ rzìi à è jàneyà hwèokòlelì ema hwe rza uwɛ̀lɛ̀lɛ̀yi ò mà Krirztò, è rzìi mò kpɛ̀lɛ̀ ò ndawò yà anyu tɔ̀ nà lì mò kàrzɛ nàa mɔ̀kɔ wà ŋmèmba.

2 Yòwanìrzɛ̀ 1:12

Ò hwèlì hweyà rzayì-rzayì ema nà mà hwɛnɛ lì è ohweyà, ndi nà rza arze lì hwe tìla ò tenì yà ene kààti. Ndi nà àhvitɛ̀ nanù ema nà ò èhvɛhvɛ, aŋga nanù jò ò à ɛ̀nɛ̀nɛ̀ ò worzo nà worzo, aŋga nanù mɔ̀nyɛ̀ŋgì mò arzu mò ònda.

3 Yòwanìrzɛ̀ 1:3

Nà ma oka mɔ̀nyɛ̀ŋgì rzayì-rzayì lìrzako ema lòŋgo la hwàlòkèlì hwa ama Krirztò hwà mà jèe anu rzìi hwa jo òhweyà nanù ema o hwèlì lì gbeyà na e jɔ̀kɛ̀ mamɛ ema Lohwɛ̀ a arza nanù ema o gbeye nyayi hvɔ̀kɔ na oma o yɔ̀ki lì gbeyà o jɔ̀kɛ̀ mamɛ Lohwɛ̀ a arza nanù ema o gbeye.

3 Yòwanìrzɛ̀ 1:5

Ìi mbunda ya ami kòkò, o gbèyè hweyà na ŋmèma mɔ̀kɔ o lì oŋgowàna wònyànyàŋgo hwa arzu hwa ama Krirztò tɔ̀ nɛ o rzi hwiyɛ lòŋgo.