2 Yòwanìrzɛ̀ 1:8 - Mokpwe: Bakwery (New Testament)

⁸ È hwɛ rzɔ ndi ò lì aŋgòwa, è rzi jà lì hwɛ ema è wɔ̀lɛ̀nɛ̀ mamɛ yà arzɛ ema è mà tàkeyà. Ndi è hwɛnì lì lùwa etàŋgì yà anyu yà arzɛ.

2 Yòwanìrzɛ̀ 1:8 ပူးပေါင်းရင်းမြစ်များ

Matiyò 24:4

Yerzù rzìi a hwà alàhwɛ̀ nanù ema, “È aŋgòwa mòtò a rzì e lukɛlɛ.

Makòrzì 13:23

O èŋgànɛ̀lɛ e aŋgòwè. Nà è òhwèlì hwenè hweyà hwe àrzɛ ndèŋgànɛ̀lɛ̀ e hvònda è ò jà.

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Lukàrzɛ̀ 19:19

È kiŋgɛ̀ rzìi è mò tìmbìrzɛ̀lɛ̀lɛ̀ nanù ema, ‘Ò wà hvɛ ò hwɛnì lì kànèyà màmbòwà Màta.’

Lukàrzɛ̀ 21:8

Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

1 Kɔ̀rintìyà 15:8

O lìrzukù, à mà no wurzeya imba hvɛ, tɔ̀ nɛ na hwèlì ndi mòtò ema à mà ŋyaahwa ndi e hvonda ema hwatò hwa rzìi hwiye ema mòtò a ŋyàa ŋmanà.

1 Kɔ̀rintìyà 3:14

È hwèlì tɛ ema, èwòlò ema, è mògbèèlì à gbèyi, è ò karzòlɛ̀ mòŋgo mùnya, è mògbèèlì à ò lùwa jàhwèyà.

1 Kɔ̀rintìyà 3:8

È mòtò ema a ona na e mɔ̀ ema a hvahva malìhwa hwà gbeyà ndi èwòlò yɔ̀kɔ mɛnɛ. Lohwɛ̀ a o hwa teŋgɛ̀nɛ̀ o èwòlò ya awu ema hwa gbèyi.

Gàletìyà 3:4

È mà taka nà oma è mà lòkɛ̀ Krirztò. Èŋge ŋgàna è hwèlì ndi ema moŋgo mòtàkà mò hwèlì ndi ŋgundu e?

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Hvìlipìyà 3:16

Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 10:35

O èŋgànɛ̀lɛ̀ e kakè mèèmà me anyu nanù mɛnɛ èhwanja eŋge ndi e gbeyà ema Lohwɛ̀ a e ŋgbà etàŋgì ya ŋginyà.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.