2 Yòwanìrzɛ̀ 1:6 - Mokpwe: Bakwery (New Testament)

⁶ Nànù ndi e ndìŋgɛ ya jɔ̀kɛ̀ e hwèlì, e hwèlì ndi nanù ema irzɔ i hwɛnì lì oŋgama imbenda ja ama Lohwɛ̀. Èŋge mbenda na oma inyɔ hwa arzɛ e ma hweye nàtɛ̀ɛ na o hwewòtelì, e hwèlì ndi nanù ema e àŋgàmɛ̀nɛ̀yi lì alìŋgànɛ mɔ̀kɔ na ɔ̀nɛti.

2 Yòwanìrzɛ̀ 1:6 ပူးပေါင်းရင်းမြစ်များ

Yòwanìrzɛ̀ 14:15

Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 14:21

Tɔ̀ njɛnɛ ema a lu imbenda ja ami rzìi a i ika, ò ma mɔ̀ ndi à nò lìŋgàni. È mɔ̀ ema a nò lìŋgàni, a ò lìŋganahwa na Tatɛ̀ wa ami. Imba hvɛ na ò mò lìŋgana, ndèŋgànɛ̀lɛ̀ hvɛ na mò awuŋmɛ̀lɛ̀ imba mbiti.”

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

Yòwanìrzɛ̀ 15:10

È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.

Yòwanìrzɛ̀ 15:14

È hwèlì ndi imbunda ja ami e gbèyi tɛ mamɛ ya arzɛ na arza ema e gbeye.

1 Yòwanìrzɛ̀ 2:24

Inyɔ è àŋgàmɛ̀nɛ̀yi ò lì ɛnɛ nanù ema, ŋmɛ̀ndì ema inyɔ è mà hwèyɛ natɛ̀ɛ nà ò hwèwòtèlì, mò lìyayi ò tenì yà anyu. Ŋmɛ̀ndì ema è mà hwèyɛ mò lìyelì tɛ ò tenì yà anyu, è ò hwɛ nà è Ŋmanà wà ama Lohwɛ̀ nà è Tatɛ̀.

1 Yòwanìrzɛ̀ 2:5

Tɔ̀ njɛnɛ ema à gbeyà mamɛ ema eyà yà ama Lohwɛ̀ è ohwa, à uŋmɛ̀lɛ̀ nà è jɔ̀kɛ̀ nanù ema à mò lìŋgàni kɔ̀yi-kɔ̀yi. Nànù ndi irzɔ ì tànɛyi lì hwiya kɔ̀yi-kɔ̀yi nanù ema ì hwèlì nà Lohwɛ̀.

1 Yòwanìrzɛ̀ 2:7

Imbùnda jà ami kòkò, ene mbenda ema nà è tìleyà nanù, è rza enje ndi mbenda hvènya, è hwèlì ndi mbenda yà mbolowa ema è mà hwɛnɛ natɛ̀ɛ nà ò hwèwòteli. Ène mbenda yà mbolowa è hwèlì ndi ŋmɛ̀ndì mò gbamù ema è mà lòmɛ lì hweyà.

1 Yòwanìrzɛ̀ 5:15

Kànàtɛ irzɔ i hwi nanù ema a jo hweyàna o tɔ̀ mamɛ ema i mo akòhwàni, i hwi nanù ema i luwa mamɛ ema i mo akòwànì.

1 Yòwanìrzɛ̀ 5:3

Ì lìŋgàni tɛ Lohwɛ̀ nà è jɔ̀kɛ̀, nanù oma irzɔ ì hwɛni lì ika imbenda jà eni. Ndèŋgana imbenda jà eni ì rza ambi ò lì ika.

2 Yòwanìrzɛ̀ 1:5

O èŋgànɛ̀lɛ̀ rzɔ ìi nyàŋgo, na rza o tìleya ndi mbenda hvènya ndi e yɔ ema e ma hwɛ natɛ̀ɛ na o hwewòtelì, na o rzòrzòmeya nanù ema ja alìŋgànɛ mɔ̀kɔ na ɔ̀nɛyi.