2 Yòwanìrzɛ̀ 1:1 - Mokpwe: Bakwery (New Testament)

¹ Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

2 Yòwanìrzɛ̀ 1:1 ပူးပေါင်းရင်းမြစ်များ

Lukàrzɛ̀ 1:3

O èŋgànɛ̀lɛ̀ rzɔ, ìmba hvɛ nà wòwì hvònda ò lì nɔkìrzɛ̀ hwenè hweyà hwe arzɛ natɛ̀ɛ nà ò hwèwòtelì, nà ɛni nanù ema, ò lɔ̀wu ema ìmba hvɛ na wòwè hvònda ò lì ò tìleya hwenè hweyà, yɔ̀kɔ ò mburzà yà ɛnɛ̀yi.

Yòwanìrzɛ̀ 8:32

Àŋga nanù e hwiya e jɔ̀kɛ̀, ndèŋgànɛ̀lɛ̀ èŋge jɔ̀kɛ̀ yɔ ndì ye ŋgba wònjà.”

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Ròmànì 16:13

È nò kɔmèya Lùhvɔ̀rzì, ema e Rzàŋgò e hvɔ̀rzì ò lì mò gbèeyà, e kɔmè hvɛ e nyàŋgò ya eni, ema mɔ̀ à nò wò ndi nàa e ŋmanà wa eni.

Gàletìyà 2:14

Nà oma nà mà ɛnɛ nanù ema wɔ̀ hwa rza gbeyà nà oma ŋmɛ̀ndì mò gbamù mò òhwa nanù ema hwa gbeye, nà mà ohweyà Pètrò o worzo wo awu nanù ema, “Tɔ nɛ o hwèlì ndì mòtò wa wònyà Yudà, o ma hwɛmɛ ɛ̀ɛ̀mɛ̀ ya wònyà Yudà o gbeyà ndi hweyà nàŋgɛ nàa mòtò ema a rza enje wònyà Yudà. Nɛ rzɔ o tànɛyi lì nyàkìrzɛ̀ hwatò ema hwa rza enje wònyà Yudà o lì nɔ̀ŋgɔ ɛ̀ɛ̀mɛ̀ ya wònyà Yudà.”

Gàletìyà 2:5

Ndi èhwanja ì ma arza lì e kombɛlɛlɛ è jɔ̀kɛ̀ ema è hwèlì ò Ŋmɛ̀ndì mò Gbamù, ì rzi hwa ŋgbe tɔ̀ hvonda tɔ̀ hvɔ̀kɔ.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?

Gàletìyà 5:7

O hwewotelì inyɔ e ma hwɛ lì gbeyà hweyà gbamù. Njɛnɛ rzɔ a e tiko mèèmà nanù ema e rza oŋgama e jɔ̀kɛ̀ ema e hwèlì o tenì ya ŋmɛ̀ndì mò gbamù e?

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

Hibrù 10:26

È hwèlì tɛ nanù ema i lìmelì ndi o lì gbeyà hweyà hwe wòhwe, ema irzɔ i ma màa lì hwiya e jɔ̀kɛ̀, tɔ̀ làhweyà tɔ̀ lɔ̀kɔ hvɛ lì rza tànɛyi lì ulɛ wòŋgo wòhwe.

1 Pètrò 1:2

Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Pètrò 5:13

Ŋmèmba mò mììtèlì ema mò hwèlì ò èkòmè ya Babìlɔ̀nì, ema Lohwɛ̀ à hvɔ̀rzì ema mè hwɛ è mà eni nà oma inyɔ hvɛ è hwèlì, mè omèlì ììkɔ̀mì, nanù mɛnɛ hvɛ nà Màkòrzì ema à gbèyi ndi nàa è ŋmanà wà ami ema nà wombi ò lìlòkɛ̀.

1 Yòwanìrzɛ̀ 2:21

Nà rza e tìleya ndi ene kaatì ehwànja e rza hwi e jɔ̀kɛ̀. Nà e tìleya ndi ehwànja e hwi e jɔ̀kɛ̀, ndèŋgànɛ̀lɛ̀ ehwànja tɔ̀ mòlàŋgà mo rza uwɛ̀lɛ̀lɛ̀yi o tenì ya e jɔ̀kɛ̀.

1 Yòwanìrzɛ̀ 3:18

Inyɔ ema e hwèlì nàa hwàanà hwa ami, inyɛ i rza alìŋgànɛ ndi na e mbɔrzi ya wàna mɛnɛ, ndi ja alìŋgànɛ o jɔ̀kɛ̀ na o hwegbèèlì.

2 Yòwanìrzɛ̀ 1:13

Hwàànà hwa è ndòmɛ̀ yà aŋgɔ ema è hvɔ̀rzɔ̀wì nà Lohwɛ̀, wɔ̀ hwa ò kɔ̀mi.

2 Yòwanìrzɛ̀ 1:5

O èŋgànɛ̀lɛ̀ rzɔ ìi nyàŋgo, na rza o tìleya ndi mbenda hvènya ndi e yɔ ema e ma hwɛ natɛ̀ɛ na o hwewòtelì, na o rzòrzòmeya nanù ema ja alìŋgànɛ mɔ̀kɔ na ɔ̀nɛyi.

3 Yòwanìrzɛ̀ 1:1

Imba e mòtìmbèlì wa ŋmèmba, imba ndi na o tìleya o wa Gàyiyùrzì ene kààti. Nà o lìŋgàni na e jɔ̀kɛ̀.