2 Tìmotì 4:18 - Mokpwe: Bakwery (New Testament)

¹⁸ Rzàŋgo, à ò nò rzùŋgà lòŋgɛ là ami ò tɔ̀ ima lìtumba là wòhwe ema lì ò nò urzuweyà, à ò nò timba gbamù ò Lìkànèyà là eni là è ŋmanyu yà Lohwà. Èluhwe yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

2 Tìmotì 4:18 ပူးပေါင်းရင်းမြစ်များ

Matiyò 13:43

Rzìi hwatò ema hwa tɛmi ehve-ehve na Lohwɛ̀, hwa ò hvànya ndi nàa igbe ò lìkànèyà la ama Tatɛ̀ wa awu. È òkànèyà, tɔ̀ njɛnɛ ema a òhvi matò inyɛ a hweye.”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 11:4

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

Lukàrzɛ̀ 12:32

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

Lukàrzɛ̀ 22:29

Nà òmà Tatɛ̀ wà amì a nò ŋgbelì è wònjà yà lìkànèyà, nanù ndi ìmba hvɛ na è ŋgbà.

Yòwanìrzɛ̀ 17:15

Nà rza o òhwèlì nanù ema ò hwa ulɛ ò rze, ndi na òhwi ndi nanù ema ò hwa kòmbɛ ò lì arza nanù ema e Mòtò wa Wòhwe a rzi ja lì hwa gbeyà wòhwe.

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

Ròmànì 16:27

Lohwɛ̀ mɔ̀ ŋmìti mɛnɛ ndi à hwɛni lìhwiyè la arzɛ. Inyɛ̀ i mò ŋgbe èluhwe èhwanja eyà ema Yerzù Krirztò à mà gbeyɛ, ò gbìndèyà na ò gbìndèyà. Inyɛ̀ wò lìya nanù.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 10:13

Tɔ̀ ima lìkèkìrzɛ ema ò lu lì hwèlì ndi maŋga ema mà nyàmɛ̀hwɛlɛ nà hwatò. Ndi Lohwɛ̀ à ika lìkàkɛ̀nɛ là eni nyàyi ema ò rza hwɛnì lì kèkìrzɛhwɛ lì akà mamɛ e ŋginyà yà àŋgɔ è rzà tanɛ̀yi lì hwanɛ̀. Ò èŋge hvonda yà lìŋgi lìkèkìrzɛ̀ à ò ŋgba ŋginyà ò lì ajùlɛ̀nɛ̀ lìŋgi lìkèkìrzɛ̀ nanù rzìi à ò lùhweyà hvèyò yà lì li àrzòlòhwɛ̀.

1 Kɔ̀rintìyà 15:50

I wònyàmowe, mamɛ ema na e ohweyà e hwèlì ndi nanù ema, yòma ema e wèkahwì ema ya ohvi nyo na màyija, e rza tanɛ lì lùwa hweyà hwe lìkànèyà la ama Lohwɛ̀. I nyo ema jo ò hwɛ natɛ̀ɛ nà ò mòlìkɛ̀ i rza o lùwa hweyà ema hwe o hwɛ natɛ̀ɛ na o mòlìkɛ̀.

2 Kɔ̀rintìyà 1:10

Tɔ̀ nɛ i mà kombɛ̀nɛ̀ è kpelì, Lohwɛ̀ à mà jo rzùŋga. I hwèlì tɛ o ndùtù, à jò rzùŋga ndi nanù mɛnɛ. Lìhvìta là arzu lì hwèlì ndi ema Lohwɛ̀ à ò jò rzùŋga hvɛ i hvonda ja arzɛ, i hwèlì tɛ ò ndùtù.

Gàletìyà 1:5

Èluhwe è hwɛ nà Lohwɛ̀ ò gbìndèyà nà ò gbìndèyà! Inyɛ̀ wò lìya nanù.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

2 Tɛ̀rzàlonìyà 3:3

Ndi Rzàŋgo à gbèeyà ndi na oma mɔ̀ à ohwi nanù ema a gbeyà, à ò yè ètìrzɛ̀, na lì e iŋga aŋga nanù Mòkarzɛ̀ a rza e gbeyà tɔ̀ wòhwe.

1 Tìmotì 1:17

Ŋmàye nà èluhwe hwe hwɛ nà Lohwɛ̀ ò gbìndèyà nà ò gbìndèyà. Mɔ̀ ndi à hwèlì è kiŋgɛ ò gbìndèyà nà gbìndèyà. Mɔ̀ ndi à hwèlì è mɔ̀ ema hwatò hwa rza ɛni nà mììrzɔ̀ mà awu ndeŋgànɛ̀lɛ̀ à rza ŋwa. Mɔ̀ ŋmìti mɛ̀nɛ ndi à hwèlì Lohwɛ̀. Inyɛ̀ wò lìya nanù.

1 Tìmotì 6:16

Mɔ̀ ndi hvɛ a hwèlì e mɔ̀ mɛnɛ ema a hwɛni e ŋginyà o lì hwɛ natɛ̀ɛ na o gbìndèyà, mɔ̀ ndi hvɛ a hwèlì ŋmàye ema mo mɔ̀tɛ̀lɛ̀ rzayi-rzayi ema tɔ̀ mòtò tɔ̀ mɔ̀kɔ a rza tànɛyi lì kombɛnɛ. Mɔ̀ ndi à hwèlì e mɔ̀ ema tɔ̀ mòtò a rza ɛni. Ndèŋgàna tɔ̀ mòtò tɔ̀ mɔ̀kɔ a rza tànɛyi lì mo ɛnɛ. Èluhwe e hwɛ na mɔ̀ ndèŋgàna mɔ̀ à o hwɛ ndi o lìkànèyà natɛ̀ɛ na o gbìndèyà. Inyɛ̀ wo lìya nanù.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hibrù 12:22

Ndi inyɔ e ma jà ndi o lì kombɛnɛ e hvàko ya Rzayɔ̀nì. È ma jà o e mbowà ndɛ̀nɛ ya ama Lohwà ema lì hwèlì lòŋgɛ. Èŋge mbowà e hwèlì ndi Jèrurzalɛ̀mù ema e hwèlì o ŋmanyu. Rzayi-rzayi ja aŋgèlì i ma arzàŋgànɛ̀ o tenì na mɔ̀nyɛ̀ŋgì.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

1 Pètrò 5:11

Iŋginyà ja arzɛ ì hwèlì ndi è jà eni natɛ̀ɛ nà ò gbìndèyà. Inyɛ̀ wò lìya nanù.

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.