2 Tìmotì 2:7 - Mokpwe: Bakwery (New Testament)

⁷ O lùtèyà kɔ̀yi-kɔ̀yi mamɛ ema na o òhweyà, èhwanja Rzàŋgo à ò oŋgòwànà o lì hwe rzɔ̀ŋgìtɛ̀nɛ̀ hwe arzɛ.

2 Tìmotì 2:7 ပူးပေါင်းရင်းမြစ်များ

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Lukàrzɛ̀ 24:45

Rzìi à hwa lìhvòhwa mɔ̀ŋgɛ̀lɛ̀ ma awu aŋga nanù hwa rzɔ̀ŋgìtɛ̀nɛ̀ e kààtì yà ama Lohwɛ̀.

Lukàrzɛ̀ 9:44

“È nò òkànèyà, è rzi hvòŋgà hvɛ mamɛ na àrza lì è òhweyà. È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa hwènàma.”

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Hwègbèèlì 7:10

rzìi a mò gbeyà ò lì akeyà mètàkà me eni me arzɛ ema à mà ùŋmànɛ̀lɛ̀. Lohwɛ̀ à mà gbeyà nanù ema Hvèro e Kiŋgɛ ya Ìjiptò ò lì òkana Yòrzɛ̀hvù mɔ̀nyɛ̀ŋgì, rzìi a ŋgba Jòrzɛ̀hvù lìhwiyè na òma à mà uke ò wòrzò wò ama e kiŋgɛ̀. Ène eyà e ma gbeyà Hvèro à mà ŋgba Jòrzɛ̀hvù e kònda ya lìkànèyà la èkòmè ya arzɛ ya Ìjiptò na erzaŋgò ya eni ya arzɛ ya kiŋgɛ.”

1 Kɔ̀rintìyà 12:8

Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.

Hvìlipìyà 4:8

Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

1 Tìmotì 4:15

O gbeye hwene hweyà na ŋmèma mɔ̀kɔ, aŋga nanù tɔ̀ ima mòtò a o ɛnɛ nanù ema o hwe gbeyà gbamù na lì hwe ɛ̀ndɛ̀nɛ̀ o worzo.

2 Tìmotì 2:6

È mògbeyà mbota ema a gbèyi èwòlò ya gbamù, mɔ̀ ndi à àŋgàmɛ̀nɛ̀yi o lì hwɛ e mòtò wà worzo ò lì laa e mbota ya worzo.

2 Tìmotì 2:8

O hwɛni ndi lì ɔ̀ŋgɛ̀lɛ̀ nanù ema Yerzù Krirztò ema à mà hwɛ o e nyɔ̀ŋgɔ̀nì ya ama kiŋgɛ̀ Dàhwitì, Lohwɛ̀ à mà mo hvùmùlɛ̀ o kpelì. Ŋmɛ̀ndì mò Gbamù mòno ema imba na òhwèyà hwatò.

Hibrù 12:3

È lùtèyà nɛ Yerzù à mà emeyà lì taka o màà mà hwatò hwa wòhwe ema hwà mà mo kɔwu. È ɔ̀ŋgɛ̀lɛ̀ lìŋgi lìtake aŋga nanù inyɔ e rza ɔ̀tɔ̀ na lì kpa ŋmèma.

Hibrù 13:7

È ɔ̀ŋgɛ̀lɛ̀ hwàtimbèlì hwa anyu hwa kòhwà ema hwa mà e ohweyà Eyà ya Lohwà è ɔ̀ŋgɛ̀lɛ̀ nà oma hwà mà lìya mòŋgɛ ma awu, e hwa nɔŋge matàŋgà mà awu ndeŋgànɛ̀lɛ̀ e lòkɛ̀ na oma wɔ̀ hvɛ hwà mà lòkɛ̀.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Hibrù 7:4

È ɔ̀ŋgɔ nɛ Mɛ̀lkirzɛ̀dɛ̀ki à mà hwɛ ndi yumɛ. Abràhamù e mbamba ya arzu ndɛnɛ à mà mo ŋgbà lòŋgo lɔ̀kɔ la lìyomɛ̀ la mamɛ ya arzɛ ema à mà uhwane o èŋge njùma.

Jèmìrzì 1:5

Ndi tɔ̀ ima mɔ̀ wa anyu ema a rza hwɛnɛ lìhwiyè, a kànɛ Lohwɛ̀, a mo ŋgbàà e lɔ̀. Lohwɛ̀ ndi à gbeyàna ŋmèma mo eni mo awɔ̀kɛ o lì ŋgba tɔ̀ ima mòtò lìhwiyè. Mɔ̀ Lohwɛ̀ a rza timbana tɔ̀ mòtò mburzà ndèŋgànɛ̀lɛ̀ a mo ŋgba e lɔ.

Jèmìrzì 3:15

Ène nyayi ya lìhwiyè e rza uwɛ̀lɛ̀lɛ̀ ndi o ŋmanyu yà lohwà. Lì hwèlì ndi lìhwiyè ema lì uwɛ̀lɛ̀lɛ̀yi o hwatò hwa e rze ya mɔ̀nyɛ̀. È hwèlì ndi lìhwiyè ema lì uwɛ̀lɛ̀lɛ̀yì oma hwatò ema hwa rza hwɛnɛ èlìŋgɛ̀ ya ama Lohwɛ̀, lìhwiyè la èlìŋgɛ̀ ya wòhwe.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.