2 Tìmotì 2:24 - Mokpwe: Bakwery (New Testament)

²⁴ Nàa e mògbèèlì wa ama Lohwɛ̀ o rza hwɛni lì tɔ̀wɔ, ndi o hwɛni lì hwɛ eenji na tɔ̀ ima mòtò, o hwɛni lì okolɛ hwatò gbamù, na lì ajùlɛ̀nɛ̀ hwatò kɔ̀yi-kɔ̀yi.

2 Tìmotì 2:24 ပူးပေါင်းရင်းမြစ်များ

Tàyìtùrzì 3:2

O hwa ohweyà nanù ema hwa rzi keka lì ohwàna tɔ̀ mòtò eyà ya wòhwe, ndi inyɛ hwa hwɛ o ɛ̀yɔ̀lɛ̀ na hwatò nà ò lìŋgànà hwahvɛhvɛ hwatò, nà o lì arzìhwìrzɛ̀lɛ̀lɛ̀ o hwatò hwa arzɛ.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

1 Tɛ̀rzàlonìyà 2:7

Tɔ̀ nɛ irzɔ̀ nàa i àpɔ̀rzìtòlò ja ama Krirztò, i ma hwɛnɛ e wònja o lì e hwànirzɛ muna, ndi i rzi gbeye nanù. Ndi i ma arzihwirzɛ o ìtììtènì ja anyu nàa e nyàŋgo ya hwàna e aŋgoweya hwàanà hwa eni.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.

Hvìlipìyà 2:14

È gbeye hweyà hwe arzɛ e rzi hwɛ lì àyiŋgòwɛ̀ tɔ̀ o lì kɔɔ hvènda.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

Ɛ̀hvìrzìyà 4:2

Tɔ̀ mamɛ ema è gbèeyà, è à rzììrzɛ, è hwɛ hvɛ hviyayi, rzìi è ajùlɛ̀nɛ̀ mɔ̀kɔ nà ɔ̀nɛyi. È à ùŋmɛlɛnɛ è ndìŋgɛ nà oma è ajùlɛ̀nɛ̀ mɔ̀kɔ nà ɔ̀nɛyi.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

Tàyìtùrzì 1:9

A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

Hwègbèèlì 7:26

Ènɛyi eka ya elele Mòrzè rzìi a ɛnɛ hvɛ hwatò hwa wònyà Irzàyɛ̀lì hwahwàkɛ hwa ana. Rzìi à keka lì hwa rzeeya ema hwa jèe ò ɛ̀yɔ̀lɛ̀. Rzìi à hwa òhweyà nanù ema, ‘È rza enje e jɔ̀kɛ̀ nanù ema inyɔ e yàhwi e? Mamɛ ndeŋgatɛ e arza lì àhwenìrzɛ̀nɛ̀ mɔ̀kɔ na ɔ̀nɛyi e?’

Matiyò 12:19

A rza kɔ̀ɔ hvenda tɔ̀ lì tɛɛya hwatò mòrzeya. Lìlò la eni lì rza ò hwɛ̀ɛnɛ̀ ò tenì ya mbòwa.

Jèmìrzì 4:2

Inyɔ e nòneyà hwemà ndi inyɔ e rza tànɛyi lì hwe luwà, o eŋgànɛ̀lɛ inyɔ e wòŋgìrzɛ̀nɛyi o lì oŋwa mòtò. È hwɛni nyɔ̀ŋgi ndɛnɛ o tenì ya anyu o lì hwɛnɛ hwema ndi e rza tanɛ e hwe luwa. Èŋge eyà e gbeyà inyɔ e tɔ̀wɔ, na lì ananɛ mɔ̀kɔ na ɔ̀nɛyi. È rza luwa hwèèmà ema ya arza ehwànja e rza hwe ijòwa Lohwɛ̀.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

Hwègbèèlì 23:9

Malò ma awu ma mà hwɛ ndi lì agba ò ŋmanyu. O eŋgànɛ̀lɛ̀ lòŋgò la hwà-òkòlèlì hwa e mbenda ema hwà mà hwɛ ndi ò ehvehva ya Hvàlìrzàyì, hwà mà tɛ̀mɛ̀nɛ̀ ò ŋmanyu, rzìi hwa tɛɛ na ŋginyà nanù ema, “Irzɔ i rza lùwànì ònò mòtò tɔ̀ njɔ̀mi. È tànɛyi lì hwɛ nanù ema, èlìŋgɛ̀ tɔ̀ aŋgèlì ndi e ma mò òhweyà eyà!”

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

2 Kɔ̀rintìyà 10:4

Hwɛ̀ɛkɛ hwe arzu hwe njùma ema i gbeyàna o lì anana hwe rza enje nyayi hvɔ̀kɔ nàa hwɛ̀ɛkɛ hwe njuma ema hwatò hwa ene rze hwa gbeyàna o lì anana e njuma. Ndi irzɔ i gbeyàna ndi hwɛ̀ɛkɛ hwe ŋginyà hwe ama Lohwɛ̀, o lì hvàŋga i ŋguwa ja ama hwàkɔ̀yèlì hwa arzu. Hwene hwɛ̀ɛkɛ hwe njùma hweyɔ ndi irzɔ i gbeyàna o lì ɔ̀tɛlɛ̀ metaŋgo me arzɛ me mòlàŋgà.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Yòwanìrzɛ̀ 6:52

Hwàŋga hwatò hwà mà hweye nanù, hwà mà tata, hwa wòteya lì tɔ̀kirzɛnɛ wɔ̀ na wɔ̀, rzi hwa ijòwanɛ nanù ema, “Nɛ ònò mòtò a àŋgàmɛ̀nɛyi lì jò ŋgbà e nyàmà nyò ya eni ema i lee e?”

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.