2 Tìmotì 2:20 - Mokpwe: Bakwery (New Testament)

²⁰ O tenì ya e ndawò yà mòndɛnɛ, lòŋgo là màluku mà mèyɔnjɔ ma gbeyànɛhwɛ ndi na gòòlù, lòŋgo mà hvomàhwi ndi na hwèeye, lòŋgo hvɛ mà gbeyànɛhwɛ ndi na mɔ̀nyɛ̀ mò jèka. Hwa gbeyàna lòŋgo ò hvonda ya ndèma hwenɛyi hvɛ tɔ̀ ima lìrzàkò la hvonda.

2 Tìmotì 2:20 ပူးပေါင်းရင်းမြစ်များ

Yòwanìrzɛ̀ 8:49

Yerzù à mà hwa alàhwɛ̀ nanù ema “Nà rza òhvi tɔ̀ èlìŋgɛ̀ ya wòhwe ò nyò ya ami. Ndi na ŋgba tɛ e Tatɛ̀ wa ami èluhwe, ndi inyɔ e rza nò ŋgba èluhwe.

Ròmànì 9:20

Ndi ò wa mòtò wa hwènàmà ò wa ò hwèlì ndi njɛnɛ ò lì ijòwa Lohwɛ̀ eyà e? Njɔ̀ŋgɔ̀ ja lìhwànya i rza tanɛyi ji ijòwa e mòtò ema e mò weki nanù ema, “Mamɛ ndèŋgàtɛ̀ ò nò weki na òma ò nò weki nanù e?”

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

Ɛ̀hvìrzìyà 2:22

Nà oma e hwèlì mòtò mɔ̀kɔ na Krirztò, à mà e lata na hwahvɛhvɛ hwàlòkèlì hwa Krirztò. Nà oma e hwèlì naŋgɛ nanù, e hwèlì ndi nàa wòoŋgi ema Lohwɛ̀ a lìiyaà o tenì. Lohwɛ̀ ema a hwèlì ndi nàa Èlìŋgɛ̀.

1 Tìmotì 3:15

Nà e tìleya hwene hweyà ema e hwɛyi o lì hwe gbèeyà aŋga nanù na rza akɛlɛ tɛ lì jà, e hwɛni lì hwiya ɛ̀ɛ̀mɛ̀ ema hwatò hwa Lohwà hwa àŋgàmɛ̀nɛ̀yi lì hwɛnɛ. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ ndi à hwa ɔŋgeya. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ a hwèlì lòŋgɛ. Moŋgo ŋmèmba mo hwèlì ndi nàa lìwondi na ɛ̀ɛkɛ̀ ema hwe rzulɛ gbamù eyà ya Lohwà.

1 Pètrò 2:5

Inyɔ e jèe e hwɛ ndi nàa màŋyàyi ema mà hwèlì lòŋgɛ ema Lohwɛ̀ a gbeyàna o lì oŋga e ndawò ya eni ya èlìŋgɛ̀. Ndeŋgànɛlɛ o tenì ya eŋge ndawò ɔndi inyɔ e o mo gbèeyà. È o hwɛ ndi pìlìrzì ja wòtani, ema e o mo ŋgbɛ màhwèyà ma wòtani ema mɔ̀ à o emeyà lì akeyà na Yerzù Krirztò.