2 Tɛ̀rzàlonìyà 3:4 - Mokpwe: Bakwery (New Testament)

⁴ I ma ika mèèmà me arzu nanù ema Rzàŋgo à è gbèeyà o lì gbeyà tɔ̀ ima eyà ema je e ohwèlì nanù ema e gbeye, ndèŋgànɛlɛ e hwɛ ndi o lì e gbeyà.

2 Tɛ̀rzàlonìyà 3:4 ပူးပေါင်းရင်းမြစ်များ

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Ròmànì 15:14

Wònyàmòwe kòkò imba mbiti ò tɛ̀ɛ̀tɛ̀ɛ na hwi nanù ema inyɔ hwiti e òhvi mèèmà me gbamù ò lì gbeyà hweyà ema Lohwɛ̀ a arza nanù ema e gbeye, e rzɔ̀ŋgìtɛ̀nɛ̀ hweyà gbamù, ndeŋgànɛ̀lɛ̀ e tànɛyi lì àwòkòlɛ̀nɛ̀ mɔ̀kɔ na ɔ̀nɛyi.

Ròmànì 15:18

Nà rza tànɛlì ò lì òhwa tɔ̀ ehvɛhvɛ eyà hvɛ lì aka tɛ ò lì òhwa lì hvòmɛ̀nɛ̀ èwòlò ema Krirztò a gbèyi ema na atànɛ̀yi ò lì gbeyà, ema e hwèlì ndi ò lì gbeyà nanù ema hwatò ema hwa rza enje wònyà Yudà hwa gbeye ndi na òma Lohwɛ̀ a arza nanù ema hwa gbeye. Hweya ema nà mà òhwɛ̀ɛ, na hweyà ema nà mà gbeyɛ hwe hwèlì ndi hweyà ema wɔ̀ hwa hwɛni lì òhwa na hweyà ema wɔ̀ hwa àŋgàmɛ̀nɛ̀ lì gbeyà.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

1 Kɔ̀rintìyà 14:37

È hwèlì tɛ ema o hwèlì mòtò mɔ̀kɔ ema à ɔŋgɛ̀lɛ ema mɔ̀ à hwèlì ndi Mòòhwèlì wà Èlìŋgɛ̀ tɔ̀ mòtò ema a ŋgbàahwì jàhwèyà ema jo uwɛ̀lɛ̀lɛ̀yi o hwèlìŋgɛ̀, inyɛ a hwiye nanù ema, mamɛ ya arzɛ̀ ema na hwèlì na e tìleya nanù, hwe hwèlì ndi hweyà ema Rzàŋgo A ohwi ama e gbeye.

1 Kɔ̀rintìyà 7:19

O lì endàhwa o rza uŋmɛ̀lɛ̀ tɔ̀ eyà, o rza endàhwì hvɛ tɛ o rza uŋmɛ̀lɛ̀ tɔ̀ eyà. Èya ema e hwèlì wòlìtò e hwèlì ndi o lì ika i mbenda ja ama Lohwɛ̀.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 2:9

Lìtìŋga ema lì ma gbeyà ndèŋgàna na e tìleya ene kààtì, lì hwèlì ndi nanù ema o lì hwiya ŋga e o gbeyà hweyà ema nà mà e ohweyà o lì gbeyà.

2 Kɔ̀rintìyà 8:22

O èŋgànɛ̀lɛ̀ rzɔ, je omelì ŋmanyàŋgo wa arzu wa Krirztò na hwa Tàyìtùrzì à mà jo uŋmɛ̀lɛ̀yi nanù ema a hwɛnì nyɔ̀ŋgi ya lì e òŋgòwàna. Tɔ̀ nàŋgɛ nanù à mà ika ŋmèma mo eni na inyɔ, ndèŋganɛlɛ e nyɔ̀ŋgi ya eni ya lì e oŋgòwànà e ma nyàla.

Gàletìyà 5:10

Ndi imba na e ohvani kumba nanù mɛnɛ ema, Lohwɛ̀ a gbeyà nanù ema e rza nɔŋgɔ hwèyòkòlèlì hwe hwahvɛhvɛ hwatò ndi e nɔŋgɔ ndi e hwe ami. Lohwɛ̀ a o kɔ̀kìrzɛ̀ tɔ̀ ima mòtò ema a emirzɛ tɔ̀ a hwɛ ndi njɛnɛ.

Hvìlipìyà 1:6

Nà lòkɛ̀yi nanù ema Lohwɛ̀ ema à mà wòteyà ò lì gbeyà hwene hwèwòlò hwe gbamù ò ìtììtènì ja anyu, à hwɛ ndi ò lì hwe gbeyà natɛ̀ɛ à hwe kulɛ̀ Wùùnyà ema Yerzù Krirztò à ò tìmbɛ̀ ò lì jà.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

1 Tɛ̀rzàlonìyà 4:10

Ò jɔ̀kɛ̀ nanù ndi e lìŋgàni wònyànyàŋgo hwa anyu hwa arzɛ hwa ama Krirztò ema hwa hwèlì o erzòokà ya arzɛ ya Màrzèdonìyà. O eŋgànɛ̀lɛ ìi wònyàmowe je e rzòrzòmeyà nanù ema inyɔ e hwa lìŋgàne lì aka nanù o ihvonda ja arzɛ.

2 Tɛ̀rzàlonìyà 3:12

O lìna la ama Rzàŋgo Yerzù Krirztò i kànèyà hwanu hwatò na lì hwa kòkòwɛ̀lɛ̀ nanù ema hwa lìya lòŋgɛ ema lì tɛnɛnɛ rzìi hwa gbeye èwòlò ya awu o lì luwa lì laa la wùnyà.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.

Hvìlɛ̀mɔ̀nì 1:21

Nà lòkɛ̀ nanù ema, nà oma nà tìlì ini ìtìtà nanù, ò gbeyà tɔ̀ mamɛ ema imba nà ohwi nanù ema ò nò gbèeyà. Ndèŋgànɛlɛ nà hwi nanù ema ò wà ò è gbeyà lì aka mamɛ ema imba nà ohwi nanù ema ò gbèye.