2 Tɛ̀rzàlonìyà 3:11 - Mokpwe: Bakwery (New Testament)

¹¹ Jo òhwa ndi ene eyà nanù ehwànja irzɔ i ma hweyà nanù ema o hwèlì lòŋgò la hwatò ò ìtììtènì ja anyu ema hwa hwèlì rzìŋga, hwa rza gbèeyà tɔ̀ eyà, ndi hwa lìŋgowa o lì rzɔ̀ɔ merzɔ̀ɔ̀ni o hweyà hwe hwahvɛhvɛ hwatò.

2 Tɛ̀rzàlonìyà 3:11 ပူးပေါင်းရင်းမြစ်များ

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tɛ̀rzàlonìyà 4:11

Je e rzorzomeya hvɛ nanù ema, inyɛ tɔ̀ ima mòtò a hwɛnɛ lòŋgɛ la wɔ̀ti-wɔ̀ti, inyɛ tɔ̀ mòtò a rza ɔŋgɔ mamɛ ema ŋmanyàŋgò a gbeyà, ndèŋgànɛlɛ inyɛ tɔ̀ ima mòtò a gbeye èwòlò ya eni. Nànù ndi i ma e ohweyà nanù ema e a gbeyà.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

1 Pètrò 4:15

È hwèlì tɛ nanù ema e taka, e rza hwɛ ndi nanù ema ehwànja inyɔ e oŋwa hwatò, tɔ̀ ehwànja e ma ìhwa, tɔ̀ ehwànja e hwèlì ndi hwatò hwa wòhwe, tɔ̀ ehwànja e hwèlì ŋmalì o hweyà hwe hwatò.