2 Tɛ̀rzàlonìyà 2:9 - Mokpwe: Bakwery (New Testament)

⁹ È mòtò wa wòhwe a o jà na e ŋginyà ya ama Mòkarzɛ̀, a o gbèeyà hwèwòlò hwe mòlàŋga o lì uŋmɛ̀lɛ̀ iŋginyà ja eni, ndèŋgànɛlɛ a o gbeyà nyayi na nyayi ja hwèèmbànèlì na hweyà hwe mànyaka.

2 Tɛ̀rzàlonìyà 2:9 ပူးပေါင်းရင်းမြစ်များ

Matiyò 12:22

O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Makòrzì 13:22

Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.

Lukàrzɛ̀ 11:25

È tìmbi tɛ, e ùŋmànɛ̀lɛ̀ èŋge ndawò è rzàŋgi nà lì rzeyàhwɛlɛ.

Yòwanìrzɛ̀ 4:48

Yerzù rzìi à mò òhweyà nanù ema, “È rza lòkɛ̀! Nàtɛ̀ɛ inyɔ hwanù hwatò è ɛnɛ hwèèmbànèlì nà mànyàka.”

Yòwanìrzɛ̀ 8:41

Inyɔ e gbeyà ndi hwèŋge hweyà ema e rzàŋgò ya anyu e gbeyà.” Hwà mà timbirzɛlɛlɛ na mbùnakɛ̀ nanù ema, “I rza enje ndi hwàna hwa mòrzònje, e rzàŋgò mɛnɛ ema i hwɛnì e hwèlì ndi Lohwɛ̀ mɔ̀ ŋmìti.”

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

2 Kɔ̀rintìyà 11:14

Ène eyà e rzà no tàmìrzɛ̀ èhwanja, tɔ̀ Mòkarzɛ̀ mɔhvɛ a àwuŋmɛ̀lɛ̀ mo ŋmìti hwa ɛnɛ oma a hwèlì ndi aŋgèlì yà ama Lohwɛ̀ ya wòtani.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

2 Tìmotì 3:8

Nà oma Jànɛ̀rzi na Jàmbrɛ̀rzi hwà mà teŋgɛ̀nɛ Morzè o hvonda ema e ma aka, nanù hvɛ mɛnɛ ndi hwà-òkòlèlì hwa mòlàŋgà hwa teŋgɛ̀nɛyi hwèyòkòlèlì hwe jɔ̀kɛ̀. Hwa hwɛni ndi màlùtèyà ma wòhwe, Lohwɛ̀ à mà hwa kìnyɛ̀lɛ̀ èhwanja hwa rza ohvi tɔ̀ lìlòkɛ̀ tɔ̀ lɔ̀kɔ.

Jèmìrzì 3:15

Ène nyayi ya lìhwiyè e rza uwɛ̀lɛ̀lɛ̀ ndi o ŋmanyu yà lohwà. Lì hwèlì ndi lìhwiyè ema lì uwɛ̀lɛ̀lɛ̀yi o hwatò hwa e rze ya mɔ̀nyɛ̀. È hwèlì ndi lìhwiyè ema lì uwɛ̀lɛ̀lɛ̀yì oma hwatò ema hwa rza hwɛnɛ èlìŋgɛ̀ ya ama Lohwɛ̀, lìhwiyè la èlìŋgɛ̀ ya wòhwe.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 18:23

O e mbowà ndɛnɛ ya aŋgɔ, etùlù e rza o hvànya hvɛ tɔ̀ wùnyà, lìlo la mɔ̀nyɛ̀ŋgì la mɔ̀ɔ̀mbì na e mohwɛ̀ɛ̀nɛ wa mɔ̀ɔ̀mbì lì rza o hwɛ̀ɛnɛ hvɛ tɔ̀ wùnyà. Hwa o hvàŋga eŋge mbowà ndɛnɛ ehwànja, hwatò hwa aŋgɔ̀ hwa nyòŋga ya lì anda na lì ahwìrzɛ wɔ̀ ndi hwà mà hwɛ iŋgumu ja nyòŋga o e rze ya mɔ̀nyɛ̀ ya arzɛ, ndèŋgànɛ̀lɛ̀ hwatò hwa arzɛ hwa hwèkòmè hwe e rze ya mɔ̀nyɛ̀, o ma gbeyàna màagikì ma aŋgɔ o lì hwa lukɛlɛ.”

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.

Hwèwulùwèlì 9:11

È kìŋgɛ ema e hwa kànèyà e hwèlì ndi e aŋgèlì ema e ɔŋgeya eŋge ehvɔ̀ndi ema e rza ohvɛ lìrzùkù. Lìinà la eni o e mbɔrzi ya Hibrù lì hwèlì ndi Abàdɔ̀ni, ndèŋgànɛ̀lɛ̀ o e mbɔrzi ya Grììkì lì hwèlì ndi Apolìyɔ̀ni (jànda i hwèlì ndi nanù ema, mòtò ema a hvaŋga).