2 Tɛ̀rzàlonìyà 2:8 - Mokpwe: Bakwery (New Testament)

⁸ Èŋge hvonda ndi e mòtò wa wòhwe a o wuluwahwɛ. Mɔ̀ a hwèlì ndi mòtò ema Rzàŋgo Yerzù a o òŋwɛ na muulu mo e wàna ya eni, ndèŋgànɛlɛ a o mo hvàŋga na ŋmàye mo eni mo nyo ema mo mɔ̀tɛ̀lɛ̀ rzàyi-rzàyi e hvonda ema mɔ̀ à o jɛ̀ɛ̀.

2 Tɛ̀rzàlonìyà 2:8 ပူးပေါင်းရင်းမြစ်များ

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 13:38

e hvaya e hwèlì ndi e rze ya arzɛ, i hvɔ̀ŋgɔ̀ ja gbamù i hwèlì ndi hwatò ema hwa hwèlì ò rze ya lìkànèyà la ama Lohwɛ̀, hwèwùlè hvɛ hwe hwèlì ndi hwaŋga hwatò ema hwa hwèlì na mòkarzɛ̀.

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

1 Kɔ̀rintìyà 1:28

Lohwɛ̀ à mà hvɔ̀rzɔ̀ ndi mamɛ ema hwatò hwa anù rze yà mɔ̀nyɛ̀ hwa ɛnɛ ema è hwèlì ndi ŋgundu, ndeŋga hwa rzɔnjɛ̀lɛ̀. À mà gbeyà ndi nanù ò lì hvaŋga mamɛ ema hwatò hwa anù rze, hwa ɛnɛ̀ nà eyà yà wòlìtò.

2 Tɛ̀rzàlonìyà 2:3

È rzi keka lì emeyà nanù ema tɔ̀ mòtò a e lukɛlɛ na tɔ̀ ima hveyo. Èhwànja o Wùùnyà ema Rzàŋgo à ò jɛ̀ɛ̀, mɔ̀ à rza o jà natɛ̀ɛ e hvonda ema o ò hwɛ̀ɛ mbunàkɛ ndɛnɛ o rze ya mɔ̀nyɛ̀, ndèŋgànɛlɛ e mòtò ema a hwèlì e mòtò wà wòhwe a o ɛneya. Lohwɛ̀ mɔ̀ à mà màa lì tɛ̀yirzɛ nanù ema oŋgo mòtò a o ɛndɛ o ɛhvɔ̀ndi ya mùnya.

1 Tìmotì 6:14

gbeyà mamɛ ya arzɛ ema Lohwɛ̀ à mà o òhweyà nanù ema o gbeye, natɛ̀ɛ na e hvonda ema Rzàŋgo wa arzu Yerzù Krirztò e jà.

2 Tìmotì 1:10

Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 10:27

Ndi mòtò a lìmelì tɛ o lì gbeyà wòhwe, nanù oma wɔ̀ɔŋgɔ̀ ndi wo mo hwɛ o tenì nanù ema Lohwɛ̀ a mo tùulɛ̀ màaŋgo ò Wùnyà wo Hwèkàyìrzèlì. Hwa mo rzɛlɛ o tenì ya mùùnya mondɛnɛ ema mo rzɛlɛ hwaŋga ema hwa teŋgɛ̀nɛ Lohwɛ̀.

1 Yòwanìrzɛ̀ 2:13

Inyɔ ema è hwèlì nàa ì tatɛ̀ ja ami, na e tìleya ehwànja e mo hwi e mɔ̀ ema a hwèlì natɛ̀ɛ na o hwewotelì. Hwèrzɔ̀mbɛ̀ hwe hwatò, na e tìleya ehwànja e akayi e Mɔ̀ ema a hwèlì Wòhwe.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

1 Yòwanìrzɛ̀ 5:18

Ì hwi nanù ema tɔ̀ ima mòtò ema à mà jɛ̀ɛ̀ è ŋmanà wà ama Lohwɛ̀ à rza tànɛ lì eleyà ò wòhwe. Oŋgo ema à mà jɛ̀ɛ̀ è ŋmanà wà ama Lohwɛ̀, Yerzù à mò kombɛ̀ komba-komba aŋga nanù è Mɔ̀ wà Wòhwe à rza mò gbeyà tɔ̀ eyà yà wòhwe.

Hwèwulùwèlì 1:16

O lìya la eni la momɛ̀, à mà tɛtɛ rzombe lìrzamba. Rzɔ̀lɔ̀ ema e ma eeya rzayi-rzayi o hwèhvàrzù hwe-ahwakɛ yɔ̀hvɛ e ma wurza o wàna ya eni. Wòrzo wa eni wɔ̀ hvɛ wo ma hvànya na ŋginyà nàa igbèyi ja kɔ̀rzi ya ŋmerze.

Hwèwulùwèlì 13:5

Èŋge èembe e ma ŋgbààhwà wònjà o lì ohwa hweyà hwe kumba na ìrzìlako o lì teŋgɛ̀nɛ̀ Lohwɛ̀. È ma ŋgbààhwà ehvolo o lì gbeyàna è wònjà ya eni o tenì ya mènìmenì me ŋgbɛ̀ndɛ na ihwàkɛ.

Hwèwulùwèlì 19:15

Rzɔ̀lɔ̀ ema e eeya rzayi-rzayi ema à mà gbeyàne o lì anana hwatò hwa hwèkòmè hwe e rze ya mɔ̀nyɛ̀ e ma wurza o tenì ya e wàna ya eni. Mɔ̀ ŋmìti a o hwa kànèyà na màa emà mà eti. Mɔ̀ ŋmìti a o yàaya hwehvùma ema hwa nyuka o lì gbeyà mìimba, o lì uŋmɛ̀lɛ̀ hwètàtò hwe ndɛnɛ hwe ama Lohwɛ̀ lì kàrzàmi.

Hwèwulùwèlì 2:16

Ò eŋgànɛlɛ rzɔ è ayèŋgowɛ̀ ò wòhwe wò anyu, è rzi ayèŋgowɛ̀ tɛ ò wòhwe wò anyu, rzìi nà ò ahwèŋgɛ̀ ò lì jà lì anana hwaŋga hwatò. Nà ò gbeyàna è rzɔ̀lɔ̀, ema è uwɛlɛlɛ ò tenì yà è wàna yà ami ò lì anàna hwaŋga hwatò.

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.