2 Tɛ̀rzàlonìyà 2:2 - Mokpwe: Bakwery (New Testament)

² e rzi keka lì ahwèŋgɛ̀ o lì tameya màlùtèyà ma anyu, tɔ̀ e rzi keka lì emeyà nanù ema na oma hwatò hwa ohwa nanù ema wùùnya wo ama Rzàŋgo wo ma uka. Aŋgàmɛnɛ hwatò hwa hwèlì hwa lùteyà nanù ema, irzɔ i ma ohwa ene eyà na oma èlìŋgɛ̀ e ma jo lìyɛlɛ o lì ohwa hweyà ema i ma ohwe, tɔ̀ na oma i ma hwɛ lì e ohweyà ŋmɛ̀ndì mò gbamù, tɔ̀ na oma i ma e tìleya e yɔ o kààti. Ndi irzɔ i rzi gbeye nanù.

2 Tɛ̀rzàlonìyà 2:2 ပူးပေါင်းရင်းမြစ်များ

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Makòrzì 13:7

È hwèyì tɛ ema injùmà ja ànà, tɔ̀ e hweyi tɛ ŋgànèlì ja njùma è rzì tumeya mèèmà. Hwenè hweyà hwe hwɛnì lì gbeyɛ̀nɛ ndi hwe rza uŋmɛ̀lɛ̀ nanù ema lìrzukù lì ma uka.

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Lukàrzɛ̀ 21:9

È wòtelì tɛ lì hweyà ì njùma nà mèhvùŋgu, è rzì òka wɔ̀ŋgɔ̀, hwenè hweyà hwe hwɛnì lì lòma lì gbèyɛ̀nɛ, ndi hwe rza uŋmɛ̀lɛ̀ ema lìrzukù la rze lì ma uka.”

Yòwanìrzɛ̀ 14:1

Yerzù rzìi a òhweyà Hwà-òkòwèlì hwa eni nanù ema, “È rzi keka lì tàkirzɛ mèèmà me anyu. È lòkɛ̀ Lohwɛ̀, e nò lòkɛ̀ imba hvɛ.

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

1 Kɔ̀rintìyà 14:32

È hwiye nanù ema è wɔ̀ ema hwa ohwa ŋmɛ̀ndì mo ama Lohwɛ̀ hwa hwɛnì ndi lì kaneyà jàhwèyà ema Èlìŋgɛ̀ yà Lohwà e hwa ŋgbelì.

1 Kɔ̀rintìyà 7:26

Li hvomɛ̀nɛ̀ monò motaka o naŋgɛ, o lɔ̀wu ema hwatò hwa lìya e rzi hwɛ lìhwa na lì hwaahwa.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

1 Tɛ̀rzàlonìyà 3:3

Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.

1 Tɛ̀rzàlonìyà 4:15

Hwèyòkolelì ema je e okòlɛ nàŋgɛ hwe hwèlì ndi hwèyòkòlèlì hwe ama Rzàŋgo. Hweŋge hwèyòkòlèlì hwe hwèlì ndi nanù ema, irzɔ ema jo ò hwɛ o lòŋgɛ o wùnyà ema Rzàŋgo à ò jɛ̀ɛ̀, i rza tànɛ lì hwɛ o worzo rzìi hwatò ema hwà mà ŋwɛɛ rzìi hwa hwɛ o mbùrza.

1 Tɛ̀rzàlonìyà 5:2

Èhwànja inyɔ hwiti è hwi gbamù nanù ema woŋgo wùnyà ema Rzàŋgo à ò jɛ̀ɛ̀, à ò jà ndi nàa ŋmìhwɛ̀, nyàyi hvɔ̀kɔ nà oma è ŋmìhwɛ̀ à jà wùùwù ema tɔ̀ mòtò à rza mò ambɛlɛlɛ.

2 Tɛ̀rzàlonìyà 2:15

Ò eŋgànɛlɛ rzɔ, ìi wònyàmòwe kòkò, è àyètìrzɛ̀nɛ̀ ò lì oŋgàma hwèyòkòlèlì ema irzɔ i lùù ndèŋgàna jè è okòlɛ. Irzɔ ì mà hwɛ lì è okòlɛ̀ ò hwèohwèlì hwe ŋmɛ̀ndì mò gbamù nà ò lì è tìleyà ò kààti.

2 Tɛ̀rzàlonìyà 3:17

Imba Pàwolò ndi nà tilì ini ikɔ̀mi nà lìya là ami. Ène è gbèyi ndi nàa èèmbànèlì ò kààtì jà amì jà arzɛ ema nà tìla. Nànù ndi imba nà tìla i kààtì.

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.