2 Tɛ̀rzàlonìyà 2:13 - Mokpwe: Bakwery (New Testament)

¹³ Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

2 Tɛ̀rzàlonìyà 2:13 ပူးပေါင်းရင်းမြစ်များ

2 Tìmotì 1:9

Lohwɛ̀ à mà jò rzùŋga ndèŋgànɛlɛ à mà jò hwɛlɛ ò lì hwɛ hwatò hwa eni. Mɔ̀ à gbèyi nanù rzeketɛ ò nyòla eyà ema ì gbèyi, ndi à gbèyi ndi nanù lì hvomɛ̀nɛ̀ hwètɛ̀yirzèlèlì à mà tɛ̀yirzɛ̀ ndèŋgàna hwèwòtelì hwe ene rze. À mà jò ŋgba è ndèli yà eni nà oma à jò òmelì Yerzù Krirztò anu rze.

1 Tɛ̀rzàlonìyà 5:9

Lohwɛ̀ à mà tɛ̀yirzɛ nanù ema a jo rzùŋgà o lì akeyà na Rzàŋgo wa arzu Yerzù Krirztò. A rzi jo tɛ̀yirzɛ nanù ema hwètàtò wa eni hwe o jo rzihweyà.

1 Tɛ̀rzàlonìyà 1:4

Ìi wònyàmòwe kòkò, i hwi nanù ema Lohwɛ̀ à è lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò hwa eni.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

Ròmànì 9:11

Ndi ndèŋgàna màŋga mayɛzɛ ma e ŋyahwa, tɔ̀ ndèŋgàna wɔ̀ hwa e hwiya ò lì gbeyà tɔ̀ eyà yɔ̀kɔ ya gbamù tɔ̀ wòhwe, Lohwɛ̀ à mà òhweyà Lìbɛ̀kà nanù ema, “È mùlulu wa ŋmanà a ò gbèeyà e ŋmanà wa mòrzalì.” Lohwɛ̀ à mà gbeyà ndi nanù ò lì uŋmɛ̀lɛ̀ nanù ema à mà gbeyàna ndi màlùtèyà ma eni aŋga nanù ŋmanà mɔ̀kɔ a ò hwɛ ò rze ya enɛyi. È ma mò lɔ̀ɔ̀nɔ ò lì hvɔ̀rzɔ̀ e mɔ̀ ema à mà lìŋgana ò lì hvɔ̀rzɔ̀, rzeketɛ lì hvòmɛ̀nɛ̀ eyà ema òŋgò mòtò à mà gbeyà.

Hwègbèèlì 13:48

È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

1 Yòwanìrzɛ̀ 4:10

Nànù ndi è ndìŋgɛ yà jɔ̀kɛ̀ è hwèlì, è rza enje ndi nanù ema ì mà lìŋgàna Lohwɛ̀, ndi è hwèlì ndi nanù ema à mà jò lìŋgàna rzìi à jò òmeya è Ŋmanà wà eni wà Mùnyanà nàa jàhwèyà ò lì jò kɔ̀tɔ̀ ò nyòla wòhwe ema irzɔ ì mà gbèèyɛ̀.

2 Tɛ̀rzàlonìyà 2:12

È mbàko e o hwɛ ndi nanù ema, hwatò hwa arzɛ ema hwa rzi lòkɛ̀yi e jɔ̀kɛ̀, ndi hwa tɛ̀yirzɛ̀ o lì gbeyà hweyà hwe wòhwe, Lohwɛ̀ a o hwa kɔ̀kìrzɛ̀.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

1 Yòwanìrzɛ̀ 4:19

Irzɔ jò uŋmɛ̀lɛ̀ hwatò è ndìŋgɛ, ehwànja Lohwɛ̀ à mà lòma lì jò uŋmɛ̀lɛ̀ è ndìŋgɛ yà eni.

Jèmìrzì 1:18

Lohwɛ̀ à mà kàkɛ̀nɛ̀ nanù ema a jo ŋgba lòŋgɛ lì hvènya, e hvonda ema à mà jo ŋgbe eyà ya eni ya jɔ̀kɛ̀. A ma gbeyà ndi nanù, aŋga nanù o ìtììtènì ja ewèkelì ya eni ya arzɛ irzɔ i hwɛ ndi nàa e mbota ya eni ya worzo ema e mo ŋgbààhwà nàa làhweyà.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Hibrù 1:10

Lohwɛ̀ rzìi a ohwa hvɛ nanù ema, “Ìi Rzàŋgo, o wa ndi o ma weka e rze o hwewòtelì, ndèŋgànɛ̀lɛ̀ e ŋmanyu yà lohwà hvɛ e hwèlì ndi èki ema o weki na màà mà aŋgɔ.

2 Tìmotì 3:15

Ndeŋgana o hwi ema lìwòteyà o hwàna o ma hwiya mamɛ eyà ya Lohwà e hwèlì. Ène eyà ya Lohwà yɔ ndi e o ŋgbelì lìhwiyè o lì hwiya nanù ema Lohwɛ̀ à mà o rzùŋga èhwanja o lòkɛ̀ Yerzù Krirztò.

2 Tìmotì 2:15

O gbeye èwòlò ya aŋgɔ̀ na ŋginyà, aŋga nanù Lohwɛ̀ a ɛnɛ nanù ema o rza enje mògbèèlì ema a oka ìrzɔnì o lì gbeyà èwòlò ya eni. Ndèŋgànɛ̀lɛ̀ o hwɛni ndi lì hwɛ mòtò ema a okolɛ ŋmɛ̀ndì mò ama Lohwɛ̀ mò gbamù nà è jɔ̀kɛ̀.

2 Tɛ̀rzàlonìyà 2:10

A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

Ròmànì 8:33

Njɛ̀nɛ a tànɛyi lì òhwa nanù ema hwatò ema Lohwɛ̀ a hvɔ̀rzì hwa tùu ŋmàŋgò e? Lohwɛ̀ mɔ̀ ŋmìti ndi à òhwi nanù ema irzɔ i hwèlì ndi hwatò ema ji emeyàlɛhwɛ ò wòrzò wò eni.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 1:1

O hwèwòtelì ndèŋgàna Lohwɛ̀ a e hwiya lì wèka e rze, Eyà ya Lohwà e mà lòma lì hwɛ. Ène Eyà e mà hwɛ ndi na Lohwɛ̀. Èŋge Eyà e ma hwɛ ndi Lohwɛ̀.

Lukàrzɛ̀ 1:75

Èŋge hvònda jò ò mò gbèeyà nà mèèmà me arzu ema me tani, nà lì tɛ̀mɛ̀ hvɛ ehve-ehve ò wòrzò wò eni, ò hwèyu hwe àrzɛ hwe lòŋgɛ la arzu.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Tɛ̀rzàlonìyà 2:12

I ma e ètìrzɛ̀ mèèmà, i ma e kòkòwɛ̀lɛ̀ nanù ema e lìya lòŋgɛ ema lì okìrzɛ̀ Lohwɛ̀ mɔ̀nyɛ̀ŋgì. Lohwɛ̀ ndi à e hwɛlɛ o lì hwɛ o ìtììtènì ja hwatò wa eni ema mɔ̀ à kànèyà na o lì hwɛ o rze ya èluhwe ya eni.

1 Tɛ̀rzàlonìyà 4:7

Lohwɛ̀ a rzi jo hvɔ̀rzè o lì hwɛnɛ ɛ̀ɛ̀mɛ̀ ya èèti, ndi mɔ̀ à mà jo hvɔ̀rzɔ̀ o lì hwɛnɛ ɛ̀ɛ̀mɛ̀ ya wòtani.