2 Tɛ̀rzàlonìyà 2:10 - Mokpwe: Bakwery (New Testament)

¹⁰ A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

2 Tɛ̀rzàlonìyà 2:10 ပူးပေါင်းရင်းမြစ်များ

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 5:34

Rzekɛtɛ ema e mòtò wa hwènàmà ndi à nò tɛmeya mbòŋgi. Ndi na e òhweyà ndi lì hvòmɛ̀nɛ̀ e mbòŋgi ya ama Yòwanìrzɛ̀, aŋga nanù e nò lòkɛ̀ rzìi e rzùŋgàhwa.

Ròmànì 10:1

Wònyamòwè kòkò, na lìŋgàni na ŋmèma mò ami mò arzɛ nanù ema, hwatò hwa ami hwa Irzàyɛ̀lì hwa rzùŋgàhwe, ndèŋgànɛ̀lɛ̀ na hwa kanɛ̀lɛ̀lɛ̀ ndi nanù ema e gbèyɛ̀nɛ̀ ndi nanù.

Ròmànì 16:18

È rzi keka lì hwa òŋgama èhwanja hwa rza gbèeyà ndi e Rzàŋgò ya arzu Krirztò, ndi hwa gbèeyà ndi nanù ò lì òndìrzɛ̀ e nyɔ̀ŋgi ya awu. Hwa gbeyàna e mbɔrzi ya awu ya gbamù na jòòhwì ja gbamù ò lì lukɛlɛ hwatò ema hwa rza rzɔ̀ŋgɔ lì rzɔ̀ŋgìtɛ̀nɛ̀.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

1 Kɔ̀rintìyà 1:18

Ŋmɛ̀ndì mò è kpelì yà ama Krirztò ò mbarza, mò hwèlì ndi èètì nà hwàŋgà hwatò ema hwa hwɛnì lì hvàŋgahwà. Ndì irzɔ̀ ema i hwèlì ò lì rzùŋgàhwà, ì hwi nanù ema mòŋgò ŋmɛ̀ndì mò hwèlì ndi è ŋginyà yà ama Lohwɛ̀.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

2 Kɔ̀rintìyà 11:13

Hwàŋga hwatò ema hwa hwà kùmba màà mà awu o kòkò, hwa hwèlì ndi hwà-òhwèlì hwa mòlàŋgà, hwa ɔnjɔ̀ hwatò ò èwòlò ema hwa gbeyà, na oma hwa hwà lukɛlɛ nanù ema wɔ hwa hwèlì ndi i àpɔ̀rzìtòlò ja ama Krirztò.

2 Kɔ̀rintìyà 11:15

O èŋgànɛ̀lɛ̀ rzɔ, e rza no tàmìrzɛ̀, e hwèlì tɛ nanù ema hwàgbèèlì hwa ama Mòkarzɛ̀ hwa ohvɛ hwa awuŋmɛ̀lɛ̀ tɛ wɔ hwiti na hwàgbèèlì ema hwa okolɛ hwatò ò lì gbeyà eyà ya jɔ̀kɛ̀ na oma Lohwɛ̀ a àrzeyà. O lìrzukù e kɔ̀kìrzɛ̀ ema hwa o luwɛ e o atìŋgɛ̀ na hwegbèèlì hwe awu.

2 Kɔ̀rintìyà 2:15

Èrzunju ya gbamù ya hvɛ̀ɛ̀hvɛ̀, erzunju ya Krirztò ema i hwèlì o worzo wo ama Lohwɛ̀. I ohwa tɛ ŋmɛ̀ndì lì hvomɛ̀nɛ̀ Krirztò, hwatò hwa arzɛ ema hwa lòkɛ̀yi moŋgo ŋmɛ̀ndì ema jo òhwa Lohwɛ̀ a hwa rzuŋga. Ndi hwatò hwa arzɛ ema hwa rza lòkɛ̀yi moŋgo ŋmɛ̀ndì Lohwɛ̀ a rza o hwa rzuŋga.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

2 Tɛ̀rzàlonìyà 2:12

È mbàko e o hwɛ ndi nanù ema, hwatò hwa arzɛ ema hwa rzi lòkɛ̀yi e jɔ̀kɛ̀, ndi hwa tɛ̀yirzɛ̀ o lì gbeyà hweyà hwe wòhwe, Lohwɛ̀ a o hwa kɔ̀kìrzɛ̀.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.