2 Tɛ̀rzàlonìyà 1:5 - Mokpwe: Bakwery (New Testament)

⁵ Hwene hweyà hwe uŋmɛ̀lɛ̀ nanù ema hwèkàyìrzèlì hwe ama Lohwɛ̀ hwe tɛmi ehve-ehve. Ò eŋgànɛ̀lɛ nàa è mbàko rzɔ, Lohwɛ̀ à è wòwa nàa hwatò ema hwa hvomɛ̀nɛ̀yi ò lì hwɛ ò lìkànèyà là eni. Èhwànja ò nyòla lìkànèyà là eni ɔndèŋgàtɛ̀ inyɔ è hwèlì è akeyà ò tenì yà màkekirzɛnɛ.

2 Tɛ̀rzàlonìyà 1:5 ပူးပေါင်းရင်းမြစ်များ

Lukàrzɛ̀ 20:35

Ndi hwaŋga hwatò ema hwa ò tànɛyi lì hwɛ ò hwe hvùmùwèlì, na ò lì kpèeyà ò lòŋgɛ lì hvènya hwa rza ò hwaà.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Ròmànì 2:5

Ndi ò wa ò òhvi ŋmèma ema mò eti ndèŋgàna ò rza arza lì timbeya Lohwɛ̀, ò eŋgànɛ̀lɛ̀ ò a òmbɛlɛlɛ ndi ò wà witi ò è kɔ̀kìrzɛ̀ ya ama Lohwɛ̀. À è kɔ̀kìrzɛ̀ ò Wùnyà wò hwèkàyìrzèlì. O wòŋgò Wùnyà, Lohwɛ̀ a ò uŋmɛ̀lɛ̀ hwetàtò wa eni, ndèŋgànɛ̀lɛ̀ mɔ̀ à uŋmɛ̀lɛ̀ nanù ema hwèkàyìrzèlì hwe eni hwe hvòmɛ̀nɛ̀yi.

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlipìyà 1:28

È rzi keka lì oka hwaŋga hwatò ema hwa e teŋgɛ̀nɛ̀ wɔ̀ŋgɔ̀. Inyɛ̀ ètìrzɛ̀ mèèmà me anyu o ihvonda ja arzɛ. Ène eyà e o uŋmɛ̀lɛ̀ nanù ema, wɔ̀ hwa rza o luwa lìrzùŋgàhwa ndi inyɔ e o lì luwa. Lohwɛ̀ ndi à rzekelì hwene hweyà hwe arzɛ.

Kòlòrzìyà 1:12

Inyɔ è ò eka, Tatɛ̀ ò hweyà hwe arzɛ. Mɔ̀ ndi à gbèyi nanù ema inyɔ è tànɛ lì hwɛ hwatò ema hwa tànɛyi lì lùwa lòŋgo là erzàŋgo ema mɔ̀ à ùtelì hwatò wà eni ò èki ema ŋmàye mò hwèlì.

1 Tɛ̀rzàlonìyà 2:14

Ìi wònyàmòwe kòkò, nyayi ya eyà yɔ̀kɔ mɛnɛ ema e ma e gbèyɛ̀nɛ o mèemba me hwatò hwa ama Lohwɛ̀ ema hwa lòkɛ̀ Yerzù Krirztò ema hwa hwèlì o Jùdeyà, yɔ ndi e ma e gbèyɛ̀nɛ inyɔ hvɛ. Inyɔ e ma tàkìrzɛ̀hwɛ o màà mà hwanu hwatò na oma wɔ̀ hvɛ hwà mà take o màà mà hwatò hwa Irzàyɛ̀lì.

2 Tɛ̀rzàlonìyà 1:11

Nà oma hwene hweyà hwe arzɛ hwe jò hwèlì ò tenì yà mèèmà mè arzu, ɔ̀ndeŋgàtɛ̀ jè è kànɛlɛlɛ. Ì kanɛ̀ nanù ema, Lòohwà là arzu à è gbèeyà nanù ema è ò tànɛ ò lì lùwa hwèèmà hwe gbamù ema mɔ̀ à arza lì è gbèeyà nà oma mɔ̀ à mà è hvɔ̀rzɛ̀ ò lì hwɛ hwatò hwa eni. Ndèŋgànɛlɛ i kànɛ hvɛ nanù ema, à gbeyàne è ŋginyà yà eni ò lì gbeyà hweyà hwe arzɛ hwe gbamù ema inyɔ è arza, è ò hwe lùwa, ehwànja è lòkɛ̀ Krirztò.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

Hwèwulùwèlì 16:7

Rzìi na hweyà lìlo ema lì ma uwɛlɛlɛ o ètàwo ya itùwà lì ohwa nanù ema, “Ìi Rzàŋgo Lohwɛ̀ lì Kàrzàmi, e mbàko ya àŋgɔ e hvomɛ̀nɛ̀ ndèŋgànɛ̀lɛ̀ e hwèlì jɔ̀kɛ̀.”

Hwèwulùwèlì 19:2

È mbako ya eni e tɛmi ehve-ehve na e jɔ̀kɛ̀ ehwànja mɔ̀ à mà kɔ̀kìrzɛ̀ e molanà mondɛnɛ wa àkpàlà, ema à mà ìnɛ̀lɛ̀ hwatò hwa arzɛ hwa e rze ya mɔ̀nyɛ̀ o lì gbeye wòhwe lì akeyà na hweyà hwe eni hwe mòrzònje. Lohwɛ̀ à mà mo kɔ̀kìrzɛ̀ ehwànja mɔ̀ à mà oŋwa e mògbèèlì hwa ama Lohwɛ̀.”

Hwèwulùwèlì 3:4

Ndi è hwɛni ŋgurzu jà hwatò ò è mbowà ndɛnɛ yà Rzàdirzi ema hwa rzi rzɔ̀ki mààtù mà awu. Hwa ò hwɛ nà imba, ndèŋgànɛ̀lɛ̀ wɔ̀ hwa ò wɔ̀tɔ̀ mèŋgòmbè mè mbɔ̀mi, ehwànja hwa kànɛyi.