2 Tɛ̀rzàlonìyà 1:10 - Mokpwe: Bakwery (New Testament)

¹⁰ Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

2 Tɛ̀rzàlonìyà 1:10 ပူးပေါင်းရင်းမြစ်များ

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

1 Kɔ̀rintìyà 3:13

Ndi o wùnyà wo hwèkayirzelì, mùùnya mo hvurzirzɛ e tumba èwòlò ema tɔ̀ ima mooŋgelì a gbèyi. Mòŋgo mùùnya mo uŋmɛ̀lɛ̀ ŋga èwòlò yà mòtò tɛ è hwɛnì wòlìtò.

Yòwanìrzɛ̀ 17:10

Hwatò hwa arzɛ ema na hwɛnì hwa hwèlì ndi e hwa aŋgɔ, ndèŋgànɛlɛ e hwa aŋgɔ hwa arzɛ ema ò hwɛnì wɔ̀ hvɛ hwa hwèlì ndi e hwa ami, ndèŋgàna hwa wuluhwa èluhwe e ami.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

1 Kɔ̀rintìyà 1:6

Ène eyà è uŋmɛ̀lɛ̀ nanù ema ŋmɛ̀ndì mò ama Yerzù Krirztò mò mà è kakùmɛ̀nɛ̀ kɛ̀lɛ̀tɛ̀tɛ̀ ò tenì yà mèèmà mè anyu.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tɛ̀rzàlonìyà 1:12

Ì kanɛ̀ ndi nanù aŋga nanù, lìinà là ama Rzàŋgo wà arzu Yerzù Krirztò lì ò luwa èluhwe ò ìtììtènì jà anyu, ndèŋgànɛ̀lɛ̀ ò nyòla mɔ̀, inyɔ hvɛ è ò lùwa èluhwe. Inyɛ̀ è ndèli yà ama Lohwà là arzu nà Rzàŋgo Yerzù Krirztò, hwèyɔ ndi hwe ò gbeyà ene eyà ò lì gbèyɛ̀nɛ.

1 Tɛ̀rzàlonìyà 2:13

O hwèlì hvɛ lì hvɛhvɛ lìtiŋgà ema lì gbèyi i ŋgbàa Lohwɛ̀ jèka ihvonda ja àrzɛ. È hvonda ema i ma e jàneyà Ŋmɛ̀ndì mo ama Lohwɛ̀, e ma mo hweyà, rzìi e ma mo imànɛlɛ. Inyɔ e rzi mo imànɛlɛ ndi nàa ŋmɛ̀ndì ema mo uwɛ̀lɛ̀lɛ̀yi na mòtò wà hwènàmà ndi e ma mo emeyà ndi nàa Ŋmɛ̀ndì ema mo uwɛ̀lɛ̀lɛ̀yì o ma Lohwɛ̀ ema o jɔ̀kɛ̀ nanù ndi e hwèlì. Ndeŋgànɛ̀lɛ̀ eŋge mbɔrzi ndi Lohwɛ̀ a gbeyàna o ìtììtènì ja anyu o lì oŋgowàna inyɔ ema e lòkɛ̀.

1 Tɛ̀rzàlonìyà 2:1

Wònyàmòwe kòkò, inyɔ hwiti e hwi nanù ema mejeŋga i ma e jèeya me rzìi hwɛ ndi e me ŋgundu.

1 Tɛ̀rzàlonìyà 1:5

I hwi nanù ehwànja è hvonda ema ì mà è jèeyà rzi jè è ohweyà Ŋmɛ̀ndì mò Gbamù, rzeketɛ mbɔrzi mɛnɛ ndi ì mà è jàneyà. Ndi è ŋginyà yà èlìŋgɛ̀ yà wòtani yɔ̀ ndi è mà gbeyà ɔ̀ndeŋgàtɛ̀ i mà ohwa mòŋgo ŋmɛ̀ndì mò gbamù nà ŋginyà, ndèŋgànɛ̀lɛ̀ i mà hwɛ lì lòkɛ̀ nanù ema tɔ̀ mamɛ ema i mà hwɛ lì ohwa è mà hwɛ ndi è jɔ̀kɛ̀. Inyɔ è hwi nà oma ɛ̀ɛ̀mɛ̀ yà arzu è mà hwɛ è hvonda ema ì mà hwɛ nà inyɔ. Mamɛ è mà gbeyà eŋge ɛ̀ɛ̀mɛ̀ ò lì hwɛ nanù, è mà hwɛ ndi ò lì è oŋgowàna.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Ɛ̀hvìrzìyà 3:10

Lohwɛ̀ à mà gbeyà ndi nanù, aŋga nanù hwàkànèlì nà iŋginyà jà è ŋmanyu yà lohwà hwa ɛnɛ nà oma mɔ̀ à ohvi lìhwiyè ò hweyà hwe arzɛ ema mɔ̀ à gbeyà naŋgɛ ò lì akeyà nà lì arzàŋganɛ là hwatò hwa Lohwà.

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

Ɛ̀hvìrzìyà 1:14

Ène Èlìŋgɛ̀ yà Wòtani yɔ ndi e jo uŋmɛ̀lɛ̀ nanù ema i luwa hwèèmà ema Lohwɛ̀ à mà jo kàkɛ̀nɛ nanù ema i luwa. Irzɔ jo ò luwa hwene hwema e hvonda ema Lohwɛ̀ à ò jo rzolohwɛ irzɔ hwatò hwa eni o èki ema i kakahwi. Ène eyà e o gbèeyà hwatò wo ò eka Lohwɛ̀ o nyòla e ŋginyà ya eni ndɛnɛ.

Ɛ̀hvìrzìyà 1:12

À mà gbeyà ndi nanù, aŋga nanù irzɔ ema i mà lòmɛ lì ika lìhvìta là arzu ò mà Yerzù Krirztò, jò ò ohva ɛ̀ɛ̀mɛ̀ ema è ò gbeyɛ hwahvɛhvɛ hwatò ò lì mò eka èhwanja ò è ŋginyà yà eni ndɛnɛ.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

Yòwanìrzɛ̀ 11:4

Ndi nà òma Yerzù à mà hwèya nanù à mà òhwa nanù ema, “È nyàmbɛ ya ama Làrzàrɔ̀rzì e rza mò ùkirzɛ̀ ò kpelì. È gbèyɛ̀nɛ ndi ò lì ŋgbà Lohwɛ̀ èluhwe ò lì arza nanù ema è Ŋmanà wà ama Lohwà a lùwane enè eyà èluhwe.”

Lukàrzɛ̀ 10:12

Nà è òhweyà ndi e jɔ̀kɛ̀ nanù ema, ò wùnyà wò hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa Rzòdòmì lì aka inyɔ.

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 24:36

“Tɔ̀ mòtò tɔ̀ mɔ̀kɔ a rza hwi wòŋgò wùnyà tɔ̀ e hvònda ema hwene hweyà hwe gbèyɛ̀nɛ. Tɔ̀ i aŋgèlì ema i hwèlì ò ŋmanyu ya Lohwà tɔ̀ e Ŋmanà hwa rza hwi. Tatɛ̀ mɔ̀ ŋmìti ndi à hwi e hvònda ema hwene hweyà hwe ò gbèyɛ̀nɛ.

Matiyò 7:22

O wòŋgò wùnyà wò hwèkàyìrzèlì rzayì-rzayì ja hwatò hwa ò nò jèeyà lì òhwà nanù ema, ‘Rzàŋgò, Rzàŋgò rzeke irzɔ i mà hwɛ lì òhweyà hwatò hweyà ema Lohwɛ̀ à mà jò òmane ema i hwa òhweyà nanù ema hwe ò gbèyɛ̀nɛ̀. Rzeke i mà gbeyàna lìinà la aŋgɔ̀ ò lì hvaya hwèlìŋgɛ̀ hwe wòhwe ò hwatò, na lì gbeyà hvɛ rzayi-rzayi ja hweyà hwe mànyakà e?’

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

1 Tɛ̀rzàlonìyà 2:12

I ma e ètìrzɛ̀ mèèmà, i ma e kòkòwɛ̀lɛ̀ nanù ema e lìya lòŋgɛ ema lì okìrzɛ̀ Lohwɛ̀ mɔ̀nyɛ̀ŋgì. Lohwɛ̀ ndi à e hwɛlɛ o lì hwɛ o ìtììtènì ja hwatò wa eni ema mɔ̀ à kànèyà na o lì hwɛ o rze ya èluhwe ya eni.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.