2 Pètrò 3:9 - Mokpwe: Bakwery (New Testament)

⁹ È Rzàŋgo e rza ɛndɛ ndi hviyayi, o lì gbeyà mamɛ ema mɔ̀ à kàkɛ̀nɛyi. Lòŋgo la hwatò hwa ɔ̀ŋgɛlɛ nanù ema mɔ̀ à hwèlì hviyàyi. Ndi à mà e àjùlɛ̀nɛ̀ ehwànja mɔ̀ à rza arza nanù ema tɔ̀ mòtò tɔ̀ mɔ̀kɔ a wɔ̀lɛnɛ lòŋgɛ la eni. A arza nanù ema hwatò hwa arzɛ hwa tikowe o wòhwe hwa awu.

2 Pètrò 3:9 ပူးပေါင်းရင်းမြစ်များ

Ròmànì 13:11

Ndeŋgànɛlɛ è hwi nanù ema è hvònda è mà uka ema inyɔ è hwɛni lì imòwa ò ijɔ. È hwɛni lì imòwa ò ijɔ èhwanja ò naŋgɛ hwèkɔ̀tèlì hwe arzu hwe mà kòmbɛnɛ lì aka eŋge hvònda ema i mà lòme lì lòkɛ̀ Krirztò.

Ròmànì 13:12

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

Ròmànì 9:22

Àŋgàmɛ̀nɛ̀ Lohwɛ̀ à mà arza ò lì uŋmɛ̀lɛ̀ hwètàtò wa eni ndèŋgànà à mà arza nanù ema hwatò hwa ɛnɛ e ŋginyà ya eni. Ndi mɔ̀ à mà àjùlɛ̀ rzayi-rzayi ndèŋgànà à mà àjùlɛ̀nɛ̀ hwatò ema hwà mà mò tàtirzɛ. Hwàŋga hwatò hwà mà aŋgàmɛ̀nɛ̀yi lì luwa e kɔ̀kìrzɛ̀.

1 Tìmotì 1:16

Ndi Lohwɛ̀ à mà nò òkeya ììlì ò lì arza nanù ema, Yerzù Krirztò à ò nò uŋmɛ̀lɛ̀ lì àjùùlɛ̀ là eni là arzɛ ò lì nò làkìrzɛ̀ imba ema nà ohvi wòhwe ema wò koki lì aka wòhwe wò hwànɛ̀yì hwatò. Ène eyà, è mà hwɛ ndi nanù ò lì ŋgba ɛ̀mɛ̀nɛ̀nì ò hwatò ema hwa ò mò lòkɛ̀ nà lì lùwa lòŋgɛ là gbìndèyà.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

Hibrù 10:37

È tìlahwì o e kààtì ya ama Lohwà nanù ema, “O ŋmanà hvonda, e mɔ̀ ema à hwɛni lì jà a o jà, o rza wowa hvonda.

1 Pètrò 3:20

Hweŋge hwèlìŋgɛ̀ hwe hwèlì ndi hwèlìŋgɛ̀ ema hwe rzi hweyàne Lohwɛ̀ natɛ̀ɛ na e kòòhwà. O e hvonda ema Lohwɛ̀ à mà hwa ŋgbe hvoka hvonda ema e wawi o lì hwɛmɛ wòhwe wo awu. O eŋge hvonda ema Nowà à mà hwɛ lì oŋga wɔ̀ɔ̀lɔ̀ wo ndɛnɛ. Hwàmbi ya hwatò mɛnɛ ndi hwà mà hwɛ o tenì ya woŋgo wɔ̀lɔ̀ wo ndɛnɛ. Hwà mà rzùŋgahwà ndi na malìhwa.

2 Pètrò 1:4

Ò ene ŋgàna rzɔ̀, mɔ̀ à ohwi nanù ema à jò gbèeyà hweyà hwe gbamù hwe ndɛnɛ. A gbèyi hwene hweyà hwe arzɛ nanù, aŋga nanù inyɔ e rza kpèeyà o tenì ya hweyà hwe wòhwe ema hwe hwèlì o rze. È nyɔ̀ŋgi ya hweyàrzèlì hwe hweyà hwe e nyàma ya nyo yɔ̀ ndeŋgàtɛ hwatò hwa gbeyà hwene hweyà hwe arzɛ. Hweŋge hweyà hwe gbamù hwe ndɛnɛ hwe gbèyɛ̀nɛ tɛ, ɛ̀ɛ̀mɛ̀ ya anyu e rzàŋga ndi nàa ɛ̀ɛ̀mɛ̀ ya ama Lohwɛ̀.

2 Pètrò 3:15

Inyɛ̀ e hwiye nanù ema na oma e Rzàŋgo e hvàŋga hvonda o lì jà, e hwèlì ndi nanù ema inyɛ mɔ̀ à ŋgbe hwatò e hvonda o lì luwa lì rzùŋgàhwa. Nànù ndi Pàwolò mɔ̀ hvɛ à mà gbeyàne lìhwiyè ema Lohwɛ̀ à mà mo ŋgbe o lì e tìleya e kààti.

Hwèwulùwèlì 2:21

Nà mà mò ŋgba hvonda ema à àyèŋgowɛ̀ ò wòhwe wò eni, ndi à rza arza lì hwɛmɛ mòrzònje mò eni.