2 Pètrò 3:3 - Mokpwe: Bakwery (New Testament)

³ Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,

2 Pètrò 3:3 ပူးပေါင်းရင်းမြစ်များ

Yòwanìrzɛ̀ 12:48

È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

2 Tìmotì 3:1

Ìi Tìmòtì na arza ema o hwiye nanù ema, o menya me lìrzùkù hweyà hwe o amba.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

2 Pètrò 1:20

O ŋmanyu ya hweyà hwe arzɛ, e àŋgàmɛ̀nɛ̀yi lì hwiya nanù ema, tɔ̀ mòtò a rza tànɛ lì gbeyàna lìhwiyè la eni o lì lalowa hweyà ema hwà-òhwèlì hwa hwèlìŋgɛ̀ hwà mà ohwe na oma e tìlahwì o e kààti ya ama Lohwɛ̀.

2 Pètrò 2:10

À ò kɔ̀kìrzɛ̀ hwatò rzɛ̀hvɔ̀nì hwaŋga hwatò ema hwa oŋgama èèti yà è nyàma nyo yà mòtò wà hwènàmà rzi hwa hvàka lìkànèyà là ama Lohwɛ̀. Hwanu hwà-òkòlèlì hwa mòlaŋgà hwa kolì ndèŋgànà hwa ohvi hvɛ è kumba. Ndeŋgànɛ̀lɛ̀ hwa rza ŋgbelì tɔ̀ èluhwe ò iŋginyà jà è ŋmanyu yà lohwà. Wɔ̀ hwa hwɛnyɛ ndi iŋgi ŋginyà lì hwɛnyɛ, è rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.

1 Yòwanìrzɛ̀ 2:18

Inyɔ ema è hwèlì nàa hwàànà hwa ami, è hvonda yà lìrzùkù è mà kombɛnɛ. Ndèŋgàna, nà oma inyɔ è mà hwèyɛ nanù ema è Mɔ̀kɔ̀yèlì wà ama Krirztò à ò jà, tɔ̀ ò naŋgɛ, rzayi-rzayi jà hwàkɔ̀ɔ̀yèlì hwa ama Krirztò hwa mà màà lì jà. Ò eŋgànɛ̀lɛ̀, è hwiyè nanù ema è hvonda lìrzùkù è mà kombɛ̀nɛ̀.

Judɛ 1:16

Hwanù hwatò hwa lìyelì ndi ò lì arzàrzòwɛ ndeŋgànɛlɛ hwa hwɛlɛ hwahvɛhvɛ hwatò. Hwa oŋgama è nyɔ̀ŋgì yà awu yà wòhwe, hwa à èkìrzɛ̀, nà lì ohwàna jɛ̀ɛ̀mɛ̀ ema ì tɛ̀ɛ̀ aŋga nanù hwa luwànà hwatò hwèèmà.

Judɛ 1:18

Hwa mà è ohweyà nanù ema, “Ò mèènyà mè lìrzukù ema mè ò jɛ̀ɛ̀, hwatò ema hwa è yɔ̀ɔ̀yeyà hwa ò jà, wɔ̀ ema hwa oŋgàma ndi hweyàrzèlì hwe awu hwe è nyàma nyo ema hwe rza enje hwetɛirzelelì hwe ama Lohwɛ̀.”