Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.
2 Pètrò 2:2 - Mokpwe: Bakwery (New Testament)2 Hvɛ tɔ̀ nanù, rzayi-rzayi ja hwatò hwa o òŋgama ndi hweyà hwe mbindo ema hwe hwaŋga hwà-òkòlèlì hwa mòlàŋga. Èhwànja o mamɛ ema wɔ̀ hwa gbeyà, hwatò hwa o òhwa wòhwe o hweyà hwe e Njiya ya jɔ̀kɛ̀. အခန်းကိုကြည့်ပါ။ |
2 Pètrò 2:2
36 ပူးပေါင်းရင်းမြစ်များ
Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.
Hwàŋga hwatò hwà mà mò jèeya rzìi hwa mò ijòwa nanù ema, “Ìi Mòòkòlelì, ì hwi nanù ema ò hwèlì ndi mòtò ema òhwa e jɔ̀kɛ̀, ndèŋgànɛ̀lɛ̀ hvɛ ò rza tìmbana tɔ̀ mòtò mburzà. O rza enje hvɛ tɔ̀ mòtò ema ò òka wɔ̀ŋgɔ̀ ò lì òhwa eyà. Ndi ò òkòlɛ̀ hwatò, eyà ya ama Lohwɛ̀ ò jɔ̀kɛ̀. È mbenda ya arzù e òhwi ndi ema ì rzaweyà Kayirzà è kiŋgɛ̀ yà Ròmànì e njaŋge ya lìkànèyà e?”
Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.
Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.
Hwà hwa okòlɛ̀ nanù ema hwa hwɛ ijòjìyɛ̀ ja gbamù. Hwa ika ndi mèèmà me awu o mèjòmɛ̀ me awu mɛnɛ, ndèŋgànɛ̀lɛ̀ hwà hwa okòlɛ̀ nɛ hwa àŋgàmɛ̀nɛ̀yi o lì aŋgoweya indawò ja awu, nyayi ema e hwa gbeyà o lì hwɛ jòjìyɛ̀ ema ja arzìhwìrzɛ̀lɛ̀lɛ̀yì mèjòmɛ̀ me awu. È hwèlì tɛ nanù ema hwàalanà hwa gbèya hwene hweyà hwe arzɛ, hwatò hwa rza ohwa tɔ eyà ya wòhwe lì hvomɛ̀nɛ̀ ŋmɛ̀ndì ema Lohwɛ̀ à mà ŋgbe hwatò.
Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.
Mɔ̀ à ò kàyìrzɛ hwatò hwa arzɛ hwa è rze yà mɔ̀nyɛ̀. Hwàto hwa arzɛ ema ɛ̀ɛ̀mɛ̀ yà awu è rza enje nàa ɛ̀ɛ̀mɛ̀ yà hwatò hwa Lohwà mɔ̀ à hwa tùùlɛ̀ ŋmàŋgo, ndèŋgànɛlɛ à ò kɔ̀kìrzɛ̀ hwatò hwa wòhwe ema hwa rza oka Lohwɛ̀ wɔ̀ŋgɔ̀. À ò hwa kɔ̀kìrzɛ̀ ò nyòla hweyà hwe wòhwe ema wɔ̀ hwa ohwa ò lì mò tèŋgɛ̀nɛ̀.”
Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.
È ɔ̀ŋgɛ̀lɛ̀ hvɛ màmbowà mà Rzodomi nà Gòmòrà nà màŋga màmbowà emà ma mà hwa kombɛ̀nɛ̀. Hwàto ema hwa mà hwɛ ò tenì yà màŋga màmbowà, hwa mà aŋgbɛ wɔ̀ hwiti ò lì gbeyà hweyà hwe mòrzònje, ndèŋgànɛlɛ wɔ̀ hwa mà hwɛ ndi ò lì oŋgàma hweyàrzèlì hwe e nyàma nyo ema e mòtò wa hwènàma a rza àŋgàmɛ̀nɛ̀yi lì gbeyà. Hwà mà luwa ɛkɔ̀kìrzɛ̀ ya mùnya ema mo rza lìma. Ène kɔ̀kìrzɛ̀ e hwèlì ndi o lì okolɛ hwahvɛhvɛ hwatò nanù ema ene eyà e tànɛyi e hwa gbèyɛ̀nɛ.
Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.
ကြော်ငြာတွေ