Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yòwanìrzɛ̀ 5:7 - Mokpwe: Bakwery (New Testament)

7 Ò hwèlì ŋgànà iyàwò ò lì hwiya e jɔ̀kɛ̀ ya ama Yerzù.

အခန်းကိုကြည့်ပါ။ ကော်ပီ




1 Yòwanìrzɛ̀ 5:7
31 ပူးပေါင်းရင်းမြစ်များ  

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”


Ndi a rza emelì tɛ nanù ema a ò tònani, wòwa òhvɛhvɛ mòtò mɔ̀kɔ tɔ̀ hwahwàkɛ ò lì arza nanù ema, ‘Tɔ̀ ima wòhwe ema ò òhwa nanù ema a ò gbe e ò hwiyahwa na mbòŋgi ihwakɛ tɔ̀ iyàwò.’


O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.


O hwèwòtelì ndèŋgàna Lohwɛ̀ a e hwiya lì wèka e rze, Eyà ya Lohwà e mà lòma lì hwɛ. Ène Eyà e mà hwɛ ndi na Lohwɛ̀. Èŋge Eyà e ma hwɛ ndi Lohwɛ̀.


È Tatɛ̀ na imba i hwèlì ndi mòtò mɔ̀kɔ.”


Ìi Tatà, uŋmɛ̀lɛ̀ èluhwe ò lìnà là aŋgɔ̀!” Rzìi lìlò lì òhwa ò ŋmanyu yà lohwà nanù ema, “Nà ŋgbelì lìinà là ami èluhwe, ò èŋgànɛ̀lɛ̀ nà lì ŋgbà hvɛ èluhwe.”


Oŋgò Mòòŋgòwànèlì ndi à hwèlì Èlìŋgɛ̀ ema e wurzirzɛ e jɔ̀kɛ̀ ya ama Lohwɛ̀. Hwatò hwa rze hwa rza tànɛyi lì mò emeyà, èhwanja wɔ̀ hwa rzìi mò ɛnɛ, ndèŋgànɛlɛ hvɛ hwa rza mò hwi. Ndi inyɔ e mò hwi, èhwanja a hwèlì na inyɔ, ndèŋgànɛ̀lɛ̀ hvɛ a ò hwɛ ò tenì ya anyu.


È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.


Nà òma Tatɛ̀ mɔ̀ ŋmìti a hwèlì lìwòndò la lòŋgɛ, nanù mɛnɛ hvɛ ndi à gbèyi è Ŋmanà wà eni lìwòndò la lòŋgɛ.


Imba na hwèlì ndi mɔ̀kɔ ema na atɛ̀mɛ̀lɛ̀ e mbòŋgi, e Rzàŋgò hvɛ ema e nò òmi, mò hvɛ a nò tɛmelì mbòŋgi.”


Yerzù ama hwa timbirzɛlɛlɛ nanù ema “È hwèlì tɛ ema na akàrzɛ̀yi imba mbiti, lì kàrzɛ̀lɛ̀hwɛ̀ lì ami lì rza òhva tɔ̀ wòlìtò. Rzàŋgò wa ami, ema inyɔ e kɔti nàa Lòohwà là anyu, mɔ̀ ndi à hwèlì e mɔ̀ ema a nò kàrzɛ.


Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.


Irzɔ ì hwèlì ndi mbòŋgi ò hwenè hweyà hwe arzɛ ema hwe mà gbèyɛ̀nɛ̀. Èlìŋgɛ̀ yà Wòtani yɔ̀ hvɛ è hwèlì ndi mbòŋgi. Ndeŋgànɛ̀lɛ̀ yɔ̀ ndi è hwèlì làhweyà ema Lohwɛ̀ à ŋgba hwatò ema hwa mò hweyàna.”


Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.


Yerzù Krirztò à mà jà ò rze. Hwa mà mò lùhwìrzɛ̀ nà malìhwa, ndi ò mburza hweŋweelì hwe eni ò mbàrza, rzi màyija mà eni mà kòmeyà ò rze. Rzeketɛ lì lùhwìrzɛ̀ là màlìhwa mɛnɛ ndi lì mà mò gbèyɛ̀nɛ̀, ndi è hvonda ema à mà ŋwe màyija mà eni ma mà kòmeyà ò rze. Èlìŋgɛ̀ yà Wòtani yɔ̀ ndi è jò uŋmɛ̀lɛ̀ nanù ema ene eyà è hwèlì ndi è jɔ̀kɛ̀, ehwànja Èlìŋgɛ̀ yà Wòtani è rza kɔ̀ɔ̀ hweyà.


I hwi e jɔ̀kɛ̀ lì hvomɛ̀nɛ̀ Yerzù ehwànja Èlìŋgɛ̀ e ma jo òhweyà, hwa mà mo lùhwìrzɛ̀ na malìhwa, ndèŋgànɛ̀lɛ̀ màyija ma eni ma mà komeya o rze na oma à mà ŋwe. Ini ŋgànà jàayɛ̀ i jo uŋmɛ̀lɛ̀ nanù ema Yerzù a hwèlì ndi è Ŋmanà wà ama Lohwɛ̀.


A wɔ̀ti mòŋgòmbè ema mo ma inahwa o màyija ndèŋgànɛ̀lɛ̀ lìnà ema hwà mà mo hwɛlɛnɛ lì ma hwɛ ndi, Eyà ya Lohwà.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ