1 Yòwanìrzɛ̀ 5:21 - Mokpwe: Bakwery (New Testament)

²¹ Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.

1 Yòwanìrzɛ̀ 5:21 ပူးပေါင်းရင်းမြစ်များ

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

1 Kɔ̀rintìyà 10:14

Ò èŋgànɛ̀lɛ̀ rzɔ wònyamòwè kòkò e rzi keka lì kànɛlɛlɛ hwèrzùmbu.

1 Kɔ̀rintìyà 10:7

È rzì keka hvɛ tɔ̀ lìkanɛ̀lɛ̀lɛ̀ hwèrzùmbù na omà lòŋgò la awu hwà mà gbèye. È kààtì ya Lohwà e ohwi nanù ema, “hwaŋga hwatò hwà mà lìya o rze o lì làa na lì nyɔ o ndèma ema è ma tìmba ndi ya lì gbeyà hweyà hwe ndɔ̀ki o worzò wo erzumbu.”

1 Tɛ̀rzàlonìyà 1:9

Hwàŋga hwatò wɔ̀ hwiti ndi hwa ohwa nɛ inyɔ è mà jò kàrzɛ̀ è hvonda ema irzɔ ì mà è jèeyà. Ndeŋgànɛlɛ wɔ̀ hwa ohwa nà oma inyɔ è mà tìmbeyà Lohwɛ̀, ndèŋgànɛ̀lɛ̀ nɛ inyɔ è mà rzɔnjɛ̀lɛ̀ lì kanɛ̀ là mòòhwà mà mòlàŋga ndi inyɔ è gbèeyà Lohwɛ̀ ŋmitɛ-ŋmitɛ ema à hwèlì lòŋgɛ.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

Hwèwulùwèlì 14:11

Yùùtùtù ema è ò wurza ò mùnya ema mò hwa rzɛ̀lɛ̀, è ò agba ò ŋmanyu natɛ̀ɛ nà ò gbìndèyà. Ò rza ò hwɛ tɔ̀ lìwɔ̀wìrzɛ̀ là nyo ŋmèrze nà wuu ò hwaŋga hwatò ema hwa kanɛ̀ eŋge èembe nà èrzìrzà yà eni. Ndeŋgànɛ̀lɛ̀ nanù ndi è àŋgàmɛ̀nɛ̀yi lì hwɛ nà tɔ̀ ima mòtò ema à ohvi eŋge embànelì ya lìinà la eŋge èembè.”

Hwèwulùwèlì 9:20

Hwanɛyi hwatò hwà hwènàmà hwa arzɛ ema ini kàndɛ i rzi oŋwɛ, hwa rzi hwɛmɛ o lì kànɛ mòohwà ema wɔ̀ hwiti hwà mà wèkè. Hwa rzi hwɛmɛ o lì gbèeyà hwèlìŋgɛ̀ hwe wòhwe, hwa rzi hwɛmɛ o lì gbèeyà mahvɛhvɛ mohwà, mohwà ema hwà mà wondɛ na gòòlù, na rzìlìhwà, na brɔ̀nrzi tɔ̀ màŋyàyi, tɔ̀ hwèhwàmbo, mohwà ema mà rza tanɛ lì ɛnɛ, ma rza tanɛ lì hweyà na e mɔ̀ ema mà rza tanɛ lì ɛndɛ.