1 Yòwanìrzɛ̀ 5:20 - Mokpwe: Bakwery (New Testament)

²⁰ Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

1 Yòwanìrzɛ̀ 5:20 ပူးပေါင်းရင်းမြစ်များ

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Lukàrzɛ̀ 24:45

Rzìi à hwa lìhvòhwa mɔ̀ŋgɛ̀lɛ̀ ma awu aŋga nanù hwa rzɔ̀ŋgìtɛ̀nɛ̀ e kààtì yà ama Lohwɛ̀.

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 14:20

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 15:4

È hwɛ ndi nàa imba, imba hvɛ na hwɛ ndi nàa inyɔ. O rza enje tɔ̀ ɛkɔkɔ ema e tànɛyi lì ŋyàa ehvùma ema e rza kukamɛ ò gbee. Mòlemilemi mɛnɛ na inyɔ e rza tànɛyi lì ŋyàa hwehvùma e rza enje tɛ na imba.”

Yòwanìrzɛ̀ 17:14

Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Ɛ̀hvìrzìyà 3:18

Nà kanɛ̀ hvɛ nanù ema inyɔ nà hwatò hwa arzɛ hwa ama Lohwà è hwiye nanù ema Krirztò à jò lìŋgàni rzayi-rzayi ndeŋgànɛ̀lɛ̀ è ndìŋgɛ yà eni nà irzɔ è rza hwɛni lìrzùkù.

Hvìlipìyà 3:9

ndèŋgànɛ̀lɛ̀ na hwɛ mòtò mɔ̀kɔ na mɔ̀. Rzeketɛ o lì ika imbenda ndi e gbèyi nanù ema na emàyɛ̀lɛ̀hwɛ̀ o worzo wo ama Lohwɛ̀. Ndi na emàyɛ̀lɛ̀hwɛ̀ o worzo wo ama Lohwɛ̀ ehwànja na lòkɛ̀ Krirztò. Ndeŋgànɛ̀lɛ̀ Lohwɛ̀ ndi à gbèyi nanù ema na emàyɛ̀lɛ̀hwɛ̀ o worzo wo eni ehwànja na lòkɛ̀ Krirztò.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 1:8

Ndi Lohwɛ̀ à mà ohwa lì hvomɛ̀nɛ̀ e Ŋmanà wà eni nanù ema, “Ìi Lohwà, lìkànèyà la aŋgɔ, lì o hwɛ o gbìndèyà na o gbìndèyà. O ò kànèyà hwatò hwa aŋgɔ nyayi ema e hvomɛ̀nɛ̀.

1 Yòwanìrzɛ̀ 2:23

Hwàŋga hwa arzɛ ema hwa rzɔ̀rzi è Ŋmanà, hwa rzɔ̀rzi hvɛ Tatɛ̀. Hwàŋga hwa arzɛ ema hwa imànɛ̀lɛ̀yì è Ŋmanà wà ama Lohwɛ̀, hwa imànɛ̀lɛ̀yì hvɛ è Tatɛ̀.

1 Yòwanìrzɛ̀ 2:24

Inyɔ è àŋgàmɛ̀nɛ̀yi ò lì ɛnɛ nanù ema, ŋmɛ̀ndì ema inyɔ è mà hwèyɛ natɛ̀ɛ nà ò hwèwòtèlì, mò lìyayi ò tenì yà anyu. Ŋmɛ̀ndì ema è mà hwèyɛ mò lìyelì tɛ ò tenì yà anyu, è ò hwɛ nà è Ŋmanà wà ama Lohwɛ̀ nà è Tatɛ̀.

1 Yòwanìrzɛ̀ 2:6

Tɔ̀ njɛnɛ ema à ohwa nanù ema à hwèlì nà Lohwɛ̀ ò ì hvonda jà arzɛ, lòŋgɛ là eni lì àŋgàmɛ̀nɛ̀yi ndi lì hwɛ nàa è là ama Yerzù Krirztò.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

1 Yòwanìrzɛ̀ 4:16

Ò èŋgànɛ̀lɛ̀ rzɔ irzɔ ì hwi nà lì lòkɛ̀ ò è ndìŋgɛ ema Lohwɛ̀ à jò hwɛ̀nèlì. Tɔ̀ mamɛ ema Lohwɛ̀ à gbeyà è uŋmɛ̀lɛ̀ è ndìŋgɛ ema mɔ̀ à hwɛ̀nèlì hwatò, ndèŋgànɛ̀lɛ̀ hwatò ema è ndìŋgɛ è hwèlì ò tenì yà awu hwa hwèlì nà Lohwɛ̀, Lohwɛ̀ mɔ̀ hvɛ à hwèlì nà wɔ̀.

1 Yòwanìrzɛ̀ 4:2

Nànù ndi è àŋgàmɛ̀nɛ̀yi lì gbeyà ò lì hwiya ŋga Èlìŋgɛ̀ yà ama Lohwɛ̀ è hwèlì ò tenì yà awu; tɔ̀ ima mòtò ema à ohwa nanù ema Yerzù Krirztò à mà jà anu rze yà mɔ̀nyɛ̀ nàa mòtò wà hwènàmà nanù oma oŋgo mòtò à ohvi Èlìŋgɛ̀ yà ama Lohwɛ̀.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

1 Yòwanìrzɛ̀ 5:15

Kànàtɛ irzɔ i hwi nanù ema a jo hweyàna o tɔ̀ mamɛ ema i mo akòhwàni, i hwi nanù ema i luwa mamɛ ema i mo akòwànì.

1 Yòwanìrzɛ̀ 5:18

Ì hwi nanù ema tɔ̀ ima mòtò ema à mà jɛ̀ɛ̀ è ŋmanà wà ama Lohwɛ̀ à rza tànɛ lì eleyà ò wòhwe. Oŋgo ema à mà jɛ̀ɛ̀ è ŋmanà wà ama Lohwɛ̀, Yerzù à mò kombɛ̀ komba-komba aŋga nanù è Mɔ̀ wà Wòhwe à rza mò gbeyà tɔ̀ eyà yà wòhwe.

1 Yòwanìrzɛ̀ 5:5

Ò rza enje tɔ̀ mòtò ema à mà rzuwànɛ̀ è rze lì aka tɛ è mòtò ema à lòkɛ̀ nanù ema Yerzù ndì à hwèlì è Ŋmanà wà ama Lohwɛ̀.

Hwèwulùwèlì 15:3

Hwà mà hwɛ lì emba mɔ̀rzɔ̀kɔ̀ mo ama Morzè e mògbèèlì hwa ama Lohwɛ̀ na mɔ̀rzɔ̀kɔ̀ mo ama e Ŋguma ya Mɔ̀lɛ̀ŋgù nanù ema, “Rzàŋgo Lohwɛ̀ lì Kàrzàmi, hwègbèèlì hwe aŋgɔ hwe olo ndeŋgànɛlɛ hwe hwèlì hwètàmirzelì. Kìŋgɛ ya hwèkòmè, hwègbèèlì hwe aŋgɔ hwe hvomɛ̀nɛ̀, ndèŋgànɛ̀lɛ̀ o hwèlì jɔ̀kɛ̀.

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.

Hwèwulùwèlì 3:14

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Làwòdèrzìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì, Inyɛ̀ wò Lìya Nànù. Mɔ̀ à gbeyà ndi nà oma Lohwɛ̀ à àrzeyà, à hwèlì ndi mboŋgi ya jɔ̀kɛ̀, ndèŋgànɛ̀lɛ̀ ò lì akeyà nà mɔ̀, ɔndi Lohwɛ̀ à mà wèkè hwèèmà hwe arzɛ natɛ̀ɛ nà ò hwèwòtèlì.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.

Hwèwulùwèlì 6:10

Hweŋge hwèlìŋgɛ̀ hwe ma londa na lìlo lì kàrzàmi nanù ema, “Ìi Rzàŋgo Lohwɛ̀ ema o Kàrzàmi, ema o hwèlì wòtani na lì hwɛ jɔ̀kɛ̀, ima hvoka hvonda ndèŋgànà o e kàyìrzɛ hwatò hwa e rze ya mɔ̀nyɛ̀ na o lì hwa kɔ̀kìrzɛ̀ ehwànja hwa jo òŋwi e?”