1 Yòwanìrzɛ̀ 5:18 - Mokpwe: Bakwery (New Testament)

¹⁸ Ì hwi nanù ema tɔ̀ ima mòtò ema à mà jɛ̀ɛ̀ è ŋmanà wà ama Lohwɛ̀ à rza tànɛ lì eleyà ò wòhwe. Oŋgo ema à mà jɛ̀ɛ̀ è ŋmanà wà ama Lohwɛ̀, Yerzù à mò kombɛ̀ komba-komba aŋga nanù è Mɔ̀ wà Wòhwe à rza mò gbeyà tɔ̀ eyà yà wòhwe.

1 Yòwanìrzɛ̀ 5:18 ပူးပေါင်းရင်းမြစ်များ

Matiyò 5:37

È òhwi tɛ nanù ema e gbèya eyà, e òhwe ndi ema, ‘Ɛ̀ɛ, na e gbèya.’ Tɔ e ò hwɛ ndi nanù ema, ‘Jàyɛ̀, na rza e gbèya.’ Tɔ̀ mamɛ ema e òhwi lì aka nanù, e uhwɛ̀lɛ̀lɛyi ndi na Mòkarzɛ̀.”

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Yòwanìrzɛ̀ 1:13

Wɔ̀ hwa rza enje ndi hwàànà hwa ama Lohwɛ̀ nàa hwatò hwa hwènàmà hwa ŋyàa hwànà. Hwa rzi hwɛ ndi hwàànà hwa ama Lohwɛ̀ nàa ò à ɛnɛ ema mòtò wà hwènàmà ndi à hwa ŋyàayi. Lohwɛ̀ mɔ̀ ŋmìti ndi à hwèlì è Tatɛ̀ yà awu.

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

Yòwanìrzɛ̀ 15:4

È hwɛ ndi nàa imba, imba hvɛ na hwɛ ndi nàa inyɔ. O rza enje tɔ̀ ɛkɔkɔ ema e tànɛyi lì ŋyàa ehvùma ema e rza kukamɛ ò gbee. Mòlemilemi mɛnɛ na inyɔ e rza tànɛyi lì ŋyàa hwehvùma e rza enje tɛ na imba.”

Yòwanìrzɛ̀ 15:7

È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Yòwanìrzɛ̀ 15:9

Nà òma Tatɛ̀ a nò lìŋgàni, nanù mɛnɛ ndi imba hvɛ na e lìŋgàni. O èŋgànɛ̀lɛ̀ e akakumɛnɛ ndi nanù mɛnɛ na imba aŋga nanù na hwɛni ndi lì e lìŋgàna nanù mɛnɛ.

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Jèmìrzì 1:18

Lohwɛ̀ à mà kàkɛ̀nɛ̀ nanù ema a jo ŋgba lòŋgɛ lì hvènya, e hvonda ema à mà jo ŋgbe eyà ya eni ya jɔ̀kɛ̀. A ma gbeyà ndi nanù, aŋga nanù o ìtììtènì ja ewèkelì ya eni ya arzɛ irzɔ i hwɛ ndi nàa e mbota ya eni ya worzo ema e mo ŋgbààhwà nàa làhweyà.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.

1 Pètrò 1:23

È hwɛni lì hwiya nanù ema Lohwɛ̀ à mà è ŋgbàà lòŋgɛ lì hvènya ò lì akeyà nà è mbɔrzi yà eni. Èŋge mbɔrzi è mà jana lòŋgɛ, ndèŋgànɛ̀lɛ̀, è rza enje ndi eyà ema è hvaŋgèya. È ò hwɛ natɛ̀ɛ nà ò mòlìkɛ̀. Lohwɛ̀ ema à hwèlì ò gbìndèyà, mɔ̀ ndi à è ŋgbelì lìŋgi lòŋgɛ, rzeketɛ è mòtò wà hwènàmà.

1 Yòwanìrzɛ̀ 2:29

Inyɛ̀ è hwiye nanù ema Krirztò mɔ̀ à gbeyà hweyà ema hwe hvomɛ̀nɛ̀yi ò worzo wò ama Lohwɛ̀, ò eŋgànɛlɛ inyɛ è hwìye nanù ema tɔ̀ ima mòtò ema à gbèyi mamɛ ema è hvomɛ̀nɛ̀yi ò worzo wò ama Lohwɛ̀ à hwèlì ndi è ŋmanà wà ama Lohwɛ̀.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

1 Yòwanìrzɛ̀ 3:3

Tɔ̀ njɛnɛ ema a hwɛni lìni lìhvìtà o ma Krirztò, a arzàŋgìrzɛ̀ mɔ̀ ŋmìti ŋgànà hvɔ̀kɔ hvɛ na oma Krirztò a rzàŋgi.

1 Yòwanìrzɛ̀ 3:9

Tɔ̀ mɔ̀kɔ hwa hwaŋga ema à hwèlì è ŋmanà wà ama Lohwɛ̀ à rza tànɛ lì lìmeyà ò lì gbeyà wòhwe. Èhwànja hwèhwɛ̀ɛ̀lì hwe ama Lohwɛ̀ hwe hwèlì ò tenì yà awu. Hwa rza tanɛ lì lìmeyà ò lì gbeyà wòhwe hvɛ ehwànja Lohwɛ̀ à hwèlì ndi Tatɛ̀ wà awu.

1 Yòwanìrzɛ̀ 4:6

Irzɔ ì hwèlì ndi hwatò hwa ama Lohwɛ̀ ndèŋgànɛ̀lɛ̀ tɔ̀ njɛnɛ ema à hwi Lohwɛ̀, à àŋgàmɛ̀nɛ̀yi lì jo òkànèyà. Ndi tɔ̀ njɛnɛ ema à rza enje mòtò wà ama Lohwɛ̀, à rza jò hweyànà. Nànù ndi irzɔ jè embànà Èlìŋgɛ̀ yà jɔ̀kɛ̀ nà èlìŋgɛ̀ ema è lùkɛ̀lɛ̀ hwatò.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

1 Yòwanìrzɛ̀ 5:15

Kànàtɛ irzɔ i hwi nanù ema a jo hweyàna o tɔ̀ mamɛ ema i mo akòhwàni, i hwi nanù ema i luwa mamɛ ema i mo akòwànì.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

1 Yòwanìrzɛ̀ 5:21

Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.

1 Yòwanìrzɛ̀ 5:4

Èhwanja tɔ̀ njɛnɛ ema à hwèlì è ŋmanà wà ama Lohwɛ̀ à mà màa lì rzuwànà è rze. Lìtiŋga ema mɔ̀ à mà màà lì rzuwànà è rze lì hwèlì ndi nanù ema, irzɔ ì lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi nà Lohwɛ̀.

Judɛ 1:21

È ɛ̀ndɛ̀nɛ̀ ndi lòŋgɛ là anyu ò worzo nyayi ema inyɔ e ayèmbɛ nanù ema Lohwɛ̀ a e lìŋgàni. È hwɛ ndi o lì ambɛ̀lɛ̀, ndeŋgànɛlɛ e àhvìtɛ̀ nanù ema e Rzàŋgo ya arzu Yerzù Krirztò e o jà, ndèŋgànɛlɛ mɔ̀ à o gbeyàna ŋmèma mo eni mo ììlì, inyɔ e o luwa lòŋgɛ la gbìndèyà. Mɔ̀ a o gbeyà ndi nanù ehwànja a e lìŋgàni.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.