1 Yòwanìrzɛ̀ 5:14 - Mokpwe: Bakwery (New Testament)

¹⁴ I ma rzekeya mèèmà me arzu nanù ema tɔ̀ mamɛ ema ja akowani Lohwɛ̀ ema e hwèlì o lì emeyà là eni, mɔ̀ à jo hweyàna.

1 Yòwanìrzɛ̀ 5:14 ပူးပေါင်းရင်းမြစ်များ

Matiyò 21:22

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 14:13

Ndèŋgànɛ̀lɛ̀ hvɛ, imba na ò gbeyà tɔ̀ mamɛ ema ò ijò ò lìna lì ami, aŋga nanù Tatɛ̀ a ò luwa èluhwe lì akeyà è Ŋmanà wà Munyanà wa eni.

Yòwanìrzɛ̀ 15:7

È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Yòwanìrzɛ̀ 16:24

Nàtɛ̀ɛ nà nàŋgɛ è rzi mò ijòwi tɔ̀ yomà ò lìnà là ami. E ijòwa Lohwɛ̀, à ò ŋgbà, òma mɔ̀nyɛ̀ŋgì mò anyu mò mà ònda.

Yòwanìrzɛ̀ 9:31

I hwi nanù ema Lohwɛ̀ a rza alàhwɛ̀ màkanɛ̀ ma hwatò hwa wòhwe, ndi à alàhwɛ̀ ndi màkanɛ̀ ma hwatò ema hwa mò ŋgba èluhwe na lì gbeyà mamɛ ya arzɛ ema a arza.

Ɛ̀hvìrzìyà 3:12

Èhwanja i lòkɛ̀yì Krirztò nà lì hwɛ mɔ̀kɔ nà mɔ̀, eŋge ndi è jò lìhvòwèlì è njiya ò lì ɛndɛ lì kombɛ̀nɛ̀ Lohwɛ̀ nà lìhvìta là arzɛ è rzì hwɛ irzɔ lì oka tɔ̀ wɔ̀ŋgɔ̀.

Hibrù 10:35

O èŋgànɛ̀lɛ̀ e kakè mèèmà me anyu nanù mɛnɛ èhwanja eŋge ndi e gbeyà ema Lohwɛ̀ a e ŋgbà etàŋgì ya ŋginyà.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Jèmìrzì 4:3

Ndèŋgànà inyɔ e akòwànì tɛ Lohwɛ̀ yoma, e rza e luwa ehwànja e ijòwa na màlùtèyà mà wòhwe. Inyɔ̀ ya akowana ndi hweemà o lì alìŋgìrzɛ inyɔ mɛnɛ.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.