1 Yòwanìrzɛ̀ 5:10 - Mokpwe: Bakwery (New Testament)

¹⁰ Tɔ̀ ima mòtò ema a lòkɛ̀ è Ŋmanà wà ama Lohwɛ̀, eŋge ŋgànà e hwèlì ndi nanù ema a hwi nanù ema hwene hweyà hwe arzɛ hwe hwèlì ndi e jɔ̀kɛ̀. Ndi tɔ̀ ima mòtò ema a rza lòkɛ̀ Lohwɛ̀ e gbèyi ndi nàa mɔ̀ à ohwa ndi nanù ema Lohwɛ̀ a hwèlì mòlàŋga, ehwànja mɔ̀ à rza lòkɛ̀ hweyà ema Lohwɛ̀ a ohwa o lì hvomɛ̀nɛ̀ è Ŋmanà wà eni.

1 Yòwanìrzɛ̀ 5:10 ပူးပေါင်းရင်းမြစ်များ

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Yòwanìrzɛ̀ 3:18

Tɔ̀ ima mɔ̀ ema à mò lòkɛ̀ à rza tùwa ŋmàŋgò ndi tɔ̀ ima mɔ̀ ema à rza mò lòkɛ̀, mɔ̀ à mà màà lì tùwa ŋmàŋgò èhwanja à rza lòkɛ̀ ehvòwà yà Ŋmanà yà ama Lohwɛ̀.

Yòwanìrzɛ̀ 3:33

Tɔ̀ ima mɔ̀ ema a emeyà mamɛ ema a òhwi, nanù ò ma a emelì na ŋmèma mò eni mò arzɛ ema Lohwɛ̀ a hwèlì ndi Lohwɛ̀ na e jɔ̀kɛ̀.

Yòwanìrzɛ̀ 5:38

È rza uti ŋmɛ̀ndi mò eni ò mèèmà me anyu, èhwanja e rza lòkɛ̀ e mɔ̀ ema no òmi.

Ròmànì 8:16

Èlìŋgɛ̀ ya ama Lohwɛ̀ e ma jò gbeyà ò lì hwiya ò mèèmà me arzu nanù ema i hwèlì ndi hwàanà hwa ama Lohwɛ̀.

Gàletìyà 4:1

Nàŋgɛ rzɔ, o lì ɛndɛ o worzo, e ŋmanà ema mɔ̀ ndi à hwɛni lì rzàŋgowa erzàŋgo ya ama rzàŋgo wa eni, a e hwèlì tɛ ndi ŋmanà a o hwɛ ndi nàa mògbèèlì tɔ̀ nɛ mɔ̀ ndi à hwèlì e wònja ya jɔ̀kɛ̀ ya eŋge erzàŋgo.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

Kòlòrzìyà 3:3

Inyɔ è hwiye nanù ema nà oma Krirztò à ŋwelì è gbèyi ndi nàa inyɔ hvɛ è mà ŋwa.

Hibrù 3:12

È wòwè hvonda ìi wònyanyàŋgò hwa ami hwa Krirztò ema tɔ̀ mɔ̀kɔ wà anyu à rza ohva ŋmèma mò wòhwe ema mò rza lòkɛ̀, aŋga nanù è rza hwɛmɛ Lohwɛ̀ ema à hwèlì lòŋgɛ.

2 Pètrò 1:19

O eŋgànɛlɛ rzɔ, irzɔ i lòkɛ̀yi nanù ema e mbɔrzi ema hwà-òhwèlì hwa hwèlìŋgɛ̀ hwà mà ohwe e hwèlì ndi e jɔ̀kɛ̀. O lɔ̀wu nanù ema e òkànèyà eŋge mbɔrzi kɔ̀yi-kɔ̀yi, hwe hwèlì ndi nàa ètùlù ema e uŋmɛ̀lɛ̀ ŋmàye o tenì ya jììtìtì, natɛ̀ɛ woŋgo Wùnyà wo ò uka, ema wùùnya wo ò yahwɛ, rzìi Krirztò, e rzombe ya elele a o e hvanyeya o tenì ya mèèmà me anyu.

1 Yòwanìrzɛ̀ 1:10

Irzɔ jo òhwi tɛ nanù ema i rzi gbèyi tɔ̀ wòhwe, nanù oma i gbèyi ndi Lohwɛ̀ o lì hwɛ e mɔ̀ wa mòlàŋgà, ndèŋgànɛ̀lɛ̀ eyà ya ama Lohwɛ̀ e rza enje na irzɔ.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 2:28

Ŋgàna hvɔ̀kɔ nà oma Tatɛ̀ wà ami à nò ŋgbelì màyìmbì. Imba hvɛ nà ò ŋgba hwatò ema hwa lìya lì aka wòhwe màyìmbì. Ò eŋgànɛ̀lɛ̀ rzɔ, nà oma wɔ̀ hwa lìya lì aka wòhwe nà ò hwa ŋgba è rzòmbe yà èluhwe.