1 Yòwanìrzɛ̀ 4:8 - Mokpwe: Bakwery (New Testament)

⁸ Tɔ̀ ima mòtò ema à rza lìŋgànɛ hwatò nanù oma à rza hwi Lohwɛ̀, ehwànja tɔ̀ mamɛ ema Lohwɛ̀ à gbeyà à uŋmɛ̀lɛ̀ è ndìŋgɛ ema à hwɛ̀nèlì hwatò.

1 Yòwanìrzɛ̀ 4:8 ပူးပေါင်းရင်းမြစ်များ

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Ɛ̀hvìrzìyà 2:4

Ndi Lohwɛ̀ ema a ondi na ììlì, na lì jo hwɛneya hvɛ ndìŋgɛ ndɛɛnɛ̀,

Hibrù 12:29

Nà e jɔ̀kɛ̀ Lohwà la arzu a hwèlì ndi nàa mùnya ema mo rzɛlɛ hweemà hwe arzɛ.

1 Yòwanìrzɛ̀ 1:5

O nàŋgɛ, ŋmɛ̀ndì ema i ma hweyàne Yerzù Krirztò ndèŋgànɛ̀lɛ̀ je e ohweyà e mɔ̀ mo hwèlì ndi ema, Lohwɛ̀ ndi à hwèlì ŋmàye, ndèŋgànɛlɛ a rza ohvi tɔ̀ matò wa wòhwe o nyo ya ani.

1 Yòwanìrzɛ̀ 2:4

Tɔ̀ ima mòtò ema à ohwa nanù ema, “Nà mò hwi” ndi à rzi ika imbenda jà eni, à hwèlì ndi mòtò wà mòlàŋgà ndèŋgànɛlɛ è jɔ̀kɛ̀ è rza enje ò tenì yà eni.

1 Yòwanìrzɛ̀ 2:9

Tɔ̀ njɛnɛ ema à ohwa nanù ema à hwèlì ò ŋmàye ndi à kɔ̀wu ŋmanyàŋgò tɔ̀ ndomɛ wà eni, eŋge tùmba mòtò è hwèlì ndi ò jììtìtì nanù mɛnɛ.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.

1 Yòwanìrzɛ̀ 3:6

Tɔ̀ ima mòtò ema a hwèlì na Krirztò, a rza o lìmeya o lì gbeyà wòhwe. Ndi tɔ̀ njɛnɛ ema a lìmelì o lì gbeyà wòhwe eŋge ŋgànà e hwèlì ndi nanù ema mɔ̀ à rzi ɛni tɔ̀ lì hwiya Krirztò.

1 Yòwanìrzɛ̀ 4:16

Ò èŋgànɛ̀lɛ̀ rzɔ irzɔ ì hwi nà lì lòkɛ̀ ò è ndìŋgɛ ema Lohwɛ̀ à jò hwɛ̀nèlì. Tɔ̀ mamɛ ema Lohwɛ̀ à gbeyà è uŋmɛ̀lɛ̀ è ndìŋgɛ ema mɔ̀ à hwɛ̀nèlì hwatò, ndèŋgànɛ̀lɛ̀ hwatò ema è ndìŋgɛ è hwèlì ò tenì yà awu hwa hwèlì nà Lohwɛ̀, Lohwɛ̀ mɔ̀ hvɛ à hwèlì nà wɔ̀.

1 Yòwanìrzɛ̀ 4:7

Imbùnda jà ami kòkò, inyɛ jà alìŋgànɛ mɔ̀kɔ nà ɔ̀nɛyi, ehwànja Lohwɛ̀ ndi à jò gbèeyà ema ì lìŋgàne hwatò. Tɔ̀ ima mòtò ema à lìŋgàni hwatò nanù oma à hwèlì ndi nàa è ŋmanà wà ama Lohwɛ̀ ndèŋgànɛlɛ à hwi Lohwɛ̀.