1 Yòwanìrzɛ̀ 4:6 - Mokpwe: Bakwery (New Testament)

⁶ Irzɔ ì hwèlì ndi hwatò hwa ama Lohwɛ̀ ndèŋgànɛ̀lɛ̀ tɔ̀ njɛnɛ ema à hwi Lohwɛ̀, à àŋgàmɛ̀nɛ̀yi lì jo òkànèyà. Ndi tɔ̀ njɛnɛ ema à rza enje mòtò wà ama Lohwɛ̀, à rza jò hweyànà. Nànù ndi irzɔ jè embànà Èlìŋgɛ̀ yà jɔ̀kɛ̀ nà èlìŋgɛ̀ ema è lùkɛ̀lɛ̀ hwatò.

1 Yòwanìrzɛ̀ 4:6 ပူးပေါင်းရင်းမြစ်များ

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 10:27

Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 10:3

È mòtò ema a ɔŋgeya èki, a mò lìhvòweya lìyòhva la kɔtɔ̀. Mɛɛlɛŋgu meyɔhvɛ̀ me mò hweyàna lìlò la eni. Mɔ̀ a hwɛlɛ mɛ̀ɛlɛ̀ŋgù me eni na mìinà ma awu, ò lì me tìmba ò èwòka.

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Yòwanìrzɛ̀ 14:17

Oŋgò Mòòŋgòwànèlì ndi à hwèlì Èlìŋgɛ̀ ema e wurzirzɛ e jɔ̀kɛ̀ ya ama Lohwɛ̀. Hwatò hwa rze hwa rza tànɛyi lì mò emeyà, èhwanja wɔ̀ hwa rzìi mò ɛnɛ, ndèŋgànɛlɛ hvɛ hwa rza mò hwi. Ndi inyɔ e mò hwi, èhwanja a hwèlì na inyɔ, ndèŋgànɛ̀lɛ̀ hvɛ a ò hwɛ ò tenì ya anyu.

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 8:19

Rzìi hwa mò ijòwa nanù ema, “One e Rzàŋgò ya aŋgɔ̀ yɔ e hwèlì e?” Yerzù rzìi a hwa timbirzɛlɛlɛ nanù ema, “È rza nò hwi imba tɔ̀ Rzàŋgò wa ami. È ma nò hwiya tɛ ò mà è hwi hvɛ Rzàŋgò wà ami.”

Yòwanìrzɛ̀ 8:23

Ndi Yerzù à mà ɛ̀ndɛnɛ e mbɔrzi ya eni ò wòrzò ò lì òhwa nanù ema, “Inyɔ e uwɛ̀lɛ̀lɛ̀yi ndi ò rze. Imba na uwɛ̀lɛ̀lɛ̀yi ò ŋmanyu. Inyɔ e hwèlì ndi hwatò hwa ene rze. Imba na rza enje wa ene rze.

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

Ròmànì 11:8

È tìlahwi ò e kààtì ya Lohwà nanù ema, “Lohwɛ̀ à mà hwa gbeyà ò lì hwɛ èèti. Nàtɛ̀ɛ na tɔ̀ yàwònò, wɔ̀ hwa rza ɛnɛ ndèŋga hwa rza hweyà.”

1 Kɔ̀rintìyà 14:37

È hwèlì tɛ ema o hwèlì mòtò mɔ̀kɔ ema à ɔŋgɛ̀lɛ ema mɔ̀ à hwèlì ndi Mòòhwèlì wà Èlìŋgɛ̀ tɔ̀ mòtò ema a ŋgbàahwì jàhwèyà ema jo uwɛ̀lɛ̀lɛ̀yi o hwèlìŋgɛ̀, inyɛ a hwiye nanù ema, mamɛ ya arzɛ̀ ema na hwèlì na e tìleya nanù, hwe hwèlì ndi hweyà ema Rzàŋgo A ohwi ama e gbeye.

2 Kɔ̀rintìyà 10:7

È ɔ̀ŋgɔ mamɛ ema ye e hwèlì o worzo. Tɔ̀ ima mòtò ema a ikayi ŋmèma mo eni na Krirztò, a hwi nanù ema na oma mɔ̀ à hwèlì, nanù ndi irzɔ hvɛ i hwèlì na Krirztò.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

1 Tìmotì 4:1

Èlìŋgɛ̀ yà Wòtani e telɛlɛyi nanù ema o mene mèenyà me lìrzùkù, lòŋgo la hwatò hwa o hwɛmɛ lì lòkɛ̀ la awu la jɔ̀kɛ̀ ndèŋgàna hwa o lòkɛ̀ ndi hwatò ema hwa okolɛ hwèyòkòlèlì hwe mòlàŋga. Hweyokowelì hwene ema èlìŋgɛ̀ ya wòhwe e arza nanù ema hwa lòkɛ̀.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

1 Yòwanìrzɛ̀ 4:8

Tɔ̀ ima mòtò ema à rza lìŋgànɛ hwatò nanù oma à rza hwi Lohwɛ̀, ehwànja tɔ̀ mamɛ ema Lohwɛ̀ à gbeyà à uŋmɛ̀lɛ̀ è ndìŋgɛ ema à hwɛ̀nèlì hwatò.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

Judɛ 1:17

Ndi imbùnda jà ami kòkò, inyɔ è àŋgàmɛ̀nɛ̀yi lì ɔ̀ŋgɛ̀lɛ̀ mamɛ ema i àpɔ̀rzìtòlò jà ama è Rzàŋgo yà arzu Yerzù Krirztò ì mà è òhweyà.